Audrey Marie Munson
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
![](http://upload.wikimedia.org/wikipedia/commons/thumb/9/98/Audrey_Munson_1922.jpg/220px-Audrey_Munson_1922.jpg)
Audrey Marie Munson (* 8. Juni 1891 ä Syracuse, New York; † 20. Februar 1996 ä Ogdensburg, New York) woch ö Model un ön Schauspellerin us d USA, di en d 1910er un 1920er Joohre va sisch mulle maade. Sö wood aav un zo als The Exposition Girl övv American Venus bezeechned.
Hör Filme
[Ändere · der Quälltäx ändere]Audrey Marie Munson driihnde d Filme Purity, The Girl O’Dreams, Heedless Moths un Inspiration. Va dönö es ävver mä dä Film Purity erhalde blävve.
Hör Lääve
[Ändere · der Quälltäx ändere]Nodäm Audrey Munson, hör Äldere wore jraaad jescheede, met hör Mamm no New York trock, liirde sö em Joohr 1906 dr Fotojraf Ralph Draper kenne. Dörch häm liirde sö dr Beldhouwer Isidore Konti kenne, vöör däm sö Model stäng, ö Werk, däm sö övver 10 Joohr nojäng. Em Joohr 1906 trock Munson no Hollywood. Sö wood d ischde Schauspellerin, di sisch vöör d Kamera janz nakß ustrock. En hör 4 Stommfilme spelld sö jäddes Mol d Hauptroll un vordeehnde domet önö Hoof Jeld. Su braad hör dr Film Heedless Moss us öt Joohr 1921 27.000 US-Dollar en.
![](http://upload.wikimedia.org/wikipedia/commons/thumb/b/b5/Inspiration_back.jpg/220px-Inspiration_back.jpg)
1919 trock sö no New York zöröck un liihrde do Dr. Walter Wilkins kenne, dä, öm met hör zösamme se z könne, sing eeje Vrau ömbraad. Z iisch wood Audrey Munson vordächticht, di Vrau ömjebraad z ha, watt sisch ävver bald als valsch örusstalld. Wilkins lande zwar op dr Elektrische Stohl, ävver dr Roff va Audrey Munson woch dono kapott. Sö woch jezwonge, us d USA no Mexiko uss z reise un verdeehnde sisch öt Jeld dörch öt Vorkoofe va Köchens.
Nodäm önö Doktor bei Audrey Munson vassjestalld hod, dat sö net janz bei Trost woch, wood sö en ö Jäckes äjewesse, wo sö 65 Joohr bleef.
Audrey Munson storv am 20. Februar 1996 em Alder va 104 Joohr un wood op dr Kerchhoff va Ogdensburg bejraave.