ಜ಼ಹೀರ್ ಖಾನ್
![]() | ||||||||||||||||||||||||||||||||||||||||||||||||||||||||||||||||||
ವಯಕ್ತಿಕ ಮಾಹಿತಿ | ||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
ಹುಟ್ಟು | ಶ್ರೀರಾಮ್ಪುರ, ಮಹಾರಾಷ್ಟ್ರ, ಭಾರತ | ೮ ಅಕ್ಟೋಬರ್ ೧೯೭೮|||||||||||||||||||||||||||||||||||||||||||||||||||||||||||||||||
ಅಡ್ಡಹೆಸರು | Zak, Zippy, Zakky[೧] | |||||||||||||||||||||||||||||||||||||||||||||||||||||||||||||||||
ಎತ್ತರ | 6 ft 1 in (185 cm)[೨] | |||||||||||||||||||||||||||||||||||||||||||||||||||||||||||||||||
ಬ್ಯಾಟಿಂಗ್ | ಬಲಗೈ | |||||||||||||||||||||||||||||||||||||||||||||||||||||||||||||||||
ಬೌಲಿಂಗ್ | ಎಡಗೈ | |||||||||||||||||||||||||||||||||||||||||||||||||||||||||||||||||
ಪಾತ್ರ | ಎಸೆತಗಾರ | |||||||||||||||||||||||||||||||||||||||||||||||||||||||||||||||||
ಅಂತಾರಾಷ್ಟ್ರೀಯ ಮಾಹಿತಿ | ||||||||||||||||||||||||||||||||||||||||||||||||||||||||||||||||||
ರಾಷ್ಟೀಯ ತಂಡ |
| |||||||||||||||||||||||||||||||||||||||||||||||||||||||||||||||||
ಟೆಸ್ಟ್ ಚೊಚ್ಚಲ (ಕ್ಯಾಪ್ ೨೩೧) | ೧೦ ನವಂಬರ್ ೨೦೦೦ v ಬಾಂಗ್ಲಾದೇಶ | |||||||||||||||||||||||||||||||||||||||||||||||||||||||||||||||||
ಕೊನೆಯ ಟೆಸ್ಟ್ | ೧೪ ಫೆಬ್ರವರಿ ೨೦೧೪ v ನ್ಯೂಝಿಲ್ಯಾಂಡ್ | |||||||||||||||||||||||||||||||||||||||||||||||||||||||||||||||||
ಅಂ. ಏಕದಿನ ಚೊಚ್ಚಲ (ಕ್ಯಾಪ್ ೧೩೩) | ೩ ಅಕ್ಟೋಬರ್ ೨೦೦೦ v ಕಿನ್ಯಾ | |||||||||||||||||||||||||||||||||||||||||||||||||||||||||||||||||
ಕೊನೆಯ ಅಂ. ಏಕದಿನ | ೪ ಅಗಸ್ಟ್ ೨೦೧೨ v ಶ್ರೀಲಂಕಾ | |||||||||||||||||||||||||||||||||||||||||||||||||||||||||||||||||
ಅಂ. ಏಕದಿನ ಅಂಗಿ ನಂ. | ೩೪ | |||||||||||||||||||||||||||||||||||||||||||||||||||||||||||||||||
ಟಿ೨೦ಐ ಚೊಚ್ಚಲ (ಕ್ಯಾಪ್ ೫) | ೧ ಡಿಸೆಂಬರ್ ೨೦೦೬ v ದಕ್ಷಿಣ ಆಫ್ರಿಕಾ | |||||||||||||||||||||||||||||||||||||||||||||||||||||||||||||||||
ಕೊನೆಯ ಟಿ೨೦ಐ | ೨ ಅಕ್ಟೋಬರ್ ೨೦೧೨ v ದಕ್ಷಿಣ ಆಫ್ರಿಕಾ | |||||||||||||||||||||||||||||||||||||||||||||||||||||||||||||||||
ದೇಶೀಯ ತಂಡದ ಮಾಹಿತಿ | ||||||||||||||||||||||||||||||||||||||||||||||||||||||||||||||||||
ವರ್ಷಗಳು | ತಂಡ | |||||||||||||||||||||||||||||||||||||||||||||||||||||||||||||||||
೧೯೯೯–೨೦೦೬ | ಬರೋಡಾ | |||||||||||||||||||||||||||||||||||||||||||||||||||||||||||||||||
೨೦೦೪ | ಸರ್ರೆ | |||||||||||||||||||||||||||||||||||||||||||||||||||||||||||||||||
೨೦೦೬ | Worcestershire | |||||||||||||||||||||||||||||||||||||||||||||||||||||||||||||||||
೨೦೦೬–೨೦೧೪ | ಮುಂಬೈ | |||||||||||||||||||||||||||||||||||||||||||||||||||||||||||||||||
೨೦೦೮, ೨೦೧೧–೨೦೧೩ | ರಾಯಲ್ ಚಾಲೆಂಜರ್ಸ್ ಬೆಂಗಳೂರು | |||||||||||||||||||||||||||||||||||||||||||||||||||||||||||||||||
೨೦೦೯–೨೦೧೦, ೨೦೧೪ | ಮುಂಬೈ ಇಂಡಿಯನ್ಸ್ | |||||||||||||||||||||||||||||||||||||||||||||||||||||||||||||||||
೨೦೧೫–೨೦೧೭ | ಡೆಲ್ಲಿ ಡೇರ್ಡೆವಿಲ್ಸ್ | |||||||||||||||||||||||||||||||||||||||||||||||||||||||||||||||||
ವೃತ್ತಿ ಅಂಕಿಅಂಶಗಳು | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
ಮೂಲ: ESPNCricinfo, 25 December 2016 |
ಜಹೀರ್ ಖಾನ್ (ಮರಾಠಿ: झहीर खान) pronunciation (ಸಹಾಯ·ಮಾಹಿತಿ) (ಮಹಾರಾಷ್ಟ್ರದ ಅಹ್ಮದ್ನಗರ್ ಜಿಲ್ಲೆಯಲ್ಲಿನ ಶ್ರೀರಾಂಪುರ್ ಪಟ್ಟಣದಲ್ಲಿ 1978ರ ಅಕ್ಟೋಬರ್ 7ರಂದು ಜನನ)], ಓರ್ವ ಭಾರತೀಯ ಕ್ರಿಕೆಟಿಗನಾಗಿದ್ದು 2000ನೇ ಇಸವಿಯಿಂದಲೂ ಈತ ಭಾರತೀಯ ಕ್ರಿಕೆಟ್ ತಂಡದ ಓರ್ವ ಸದಸ್ಯನಾಗಿದ್ದಾನೆ.
ಇತಿಹಾಸ
[ಬದಲಾಯಿಸಿ]ವೃತ್ತಿ ಜೀವನ
[ಬದಲಾಯಿಸಿ]- ಭಾರತೀಯ ಬೌಲಿಂಗ್ ದಾಳಿಗೆ ಸಂಬಂಧಿಸಿದಂತೆ ಮುಂಚೂಣಿಯವನಾಗಿ ಪರಿಗಣಿಸಲ್ಪಟ್ಟಿರುವ ಓರ್ವ ಎಡಗೈ ವೇಗದ ಬೋಲರು ಆಗಿರುವ ಜಹೀರ್, ಎರಡೂ ವಿಧಾನಗಳಲ್ಲಿ ಚೆಂಡನ್ನು ದಿಕ್ಕು ಬದಲಾಯಿಸುವಂತೆ ತಿರುಗಿಸುವ ತನ್ನ ಸಾಮರ್ಥ್ಯಕ್ಕಾಗಿ ಹೆಸರುವಾಸಿಯಾಗಿದ್ದಾನೆ; ಅಷ್ಟೇ ಅಲ್ಲ, ಓರ್ವ ಬ್ಯಾಟುಗಾರನಾಗಿ ೧೧ನೇ ಕ್ರಮಾಂಕದ ಓರ್ವ ಆಟಗಾರನಿಂದ ದಾಖಲಿಸಲ್ಪಟ್ಟ ಅತಿಹೆಚ್ಚಿನ ಟೆಸ್ಟ್ ಪಂದ್ಯದ ಸ್ಕೋರಿಗೆ ಸಂಬಂಧಿಸಿದಂತಿರುವ ದಾಖಲೆಯನ್ನೂ ಅವನು ಹೊಂದಿದ್ದಾನೆ. ೨೦೦೦ದ ದಶಕದ ಆರಂಭದ ಬಹುಪಾಲು ಪಂದ್ಯಗಳಿಗಾಗಿ ಭಾರತ ತಂಡದ ವೇಗದ ಬೌಲಿಂಗ್ ದಾಳಿಯ ನೇತೃತ್ವವನ್ನು ವಹಿಸಿದ ನಂತರ, ೨೦೦೩ರಲ್ಲಿ ಮತ್ತು ೨೦೦೪ ರಲ್ಲಿ ಮಂಡಿರಜ್ಜು ಗಾಯಗಳಿಗೆ ಮತ್ತೆ ಮತ್ತೆ ಈಡಾಗಿದ್ದರಿಂದಾಗಿ ಅವನು ತಂಡದಿಂದ ಹೊರಗುಳಿಯಬೇಕಾಗಿ ಬಂತು ಮತ್ತು ಒಂದು ವರ್ಷಕ್ಕಾಗಿ ಹಿಂದಿರುಗಿದ ಮೇಲೆ, ೨೦೦೫ರ ಅಂತ್ಯಭಾಗದಲ್ಲಿ ಅವನನ್ನು ಮತ್ತೊಮ್ಮೆ ಕೈಬಿಡಲಾಯಿತು.
- ಸ್ವದೇಶಿ ಸರಣಿಯಲ್ಲಿ ಅವನು ನೀಡಿದ ಪ್ರಬಲ ಪ್ರದರ್ಶನಗಳಿಂದಾಗಿ ತಂಡದ ಅಗ್ರಗಣ್ಯ ವೇಗ ಬೋಲರ್ ಆಗಿ ಅವನನ್ನು ವಾಪಸು ಕರೆಯಲು ಅನುವು ಮಾಡಿಕೊಟ್ಟವು.[೩]ಬೆಂಗಳೂರಿನಲ್ಲಿ [೪] ಕೈಗೊಳ್ಳಲಾದ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯ ಮೊದಲ ಒಳಸೇರ್ಪಡೆಯ ಪ್ರಕ್ರಿಯೆಗೆ ಸಂಬಂಧಿಸಿದಂತೆ ಜಹೀರ್ 2000ರಲ್ಲಿ ಆಯ್ಕೆಯಾದ; ಆತ ಟೆಸ್ಟ್ ಪಂದ್ಯದಲ್ಲಿನ ತನ್ನ ಪ್ರಥಮ ಪ್ರವೇಶವನ್ನು ಬಾಂಗ್ಲಾದೇಶದ ವಿರುದ್ಧ ಢಾಕಾದಲ್ಲಿ ಕೈಗೊಂಡ ಮತ್ತು ಅದೇ ವರ್ಷದಲ್ಲಿ ICC ನಾಕ್ಔಟ್ ಟ್ರೋಫಿಯ ಸಂದರ್ಭದಲ್ಲಿ ನೈರೋಬಿಯಲ್ಲಿ ಕೀನ್ಯಾದ ವಿರುದ್ಧ ಆಡುವ ಮೂಲಕ ODI ಪಂದ್ಯಗಳಿಗೆ ಪ್ರಥಮ ಪ್ರವೇಶ ಮಾಡಿದ.[೩]
- ೨೦೦೭ ರ ದ್ವಿತೀಯಾರ್ಧದಲ್ಲಿ ವೇಗದ ಬೋಲರುಗಳಾದ ಶಾಂತಕುಮಾರನ್ ಶ್ರೀಶಾಂತ್ ಮತ್ತು ಆರ್.ಪಿ. ಸಿಂಗ್ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿನ ತಮ್ಮ ಪ್ರಥಮ ಪ್ರವೇಶಗಳನ್ನು ದಾಖಲಿಸಿದರು ಹಾಗೂ ಭಾರತೀಯ ತಂಡದ ನಿಯತ ಸದಸ್ಯರಾಗಿ ಮಾರ್ಪಟ್ಟರು; ಇದರಿಂದಾಗಿ ಆಡುತ್ತಿರುವ ಹನ್ನೊಂದು ಮಂದಿ ಆಟಗಾರರ ಪಡೆಯಲ್ಲಿ ತನ್ನ ಸ್ಥಾನವನ್ನು ಉಳಿಸಿಕೊವುದು ಜಹೀರ್ಗೆ ಕಷ್ಟಕರವಾಗಿ ಪರಿಣಮಿಸಿತು. ಭಾರತದ ಕ್ರಿಕೆಟ್ ನಿಯಂತ್ರಣಾ ಮಂಡಳಿಯು (ಬಿಸಿಸಿಐ) ಸದರಿ ವರ್ಷದ ಅಂತ್ಯದ ವೇಳೆಗೆ ಜಹೀರ್ನನ್ನು B-ದರ್ಜೆಯ ಒಪ್ಪಂದದಿಂದ C-ದರ್ಜೆಯ ಒಪ್ಪಂದವೊಂದಕ್ಕೆ ಹಿಂಬಡ್ತಿ ಮಾಡಿತು.
- ೨೦೦೬ ರ ಪಾಕಿಸ್ತಾನದ ಪ್ರವಾಸಕ್ಕೆ ಸಂಬಂಧಿಸಿದಂತೆ ಅವನು ತಂಡಕ್ಕೆ ಮರಳಿದ. ಈ ಪ್ರವಾಸದಲ್ಲಿ ಮೂವರು ಎಡಗೈ ವೇಗದ ಬೋಲರುಗಳನ್ನು ಭಾರತವು ಕಣಕ್ಕಿಳಿಸಿತು. ಆದರೆ ತನ್ನ ಬೌಲಿಂಗ್ ದಾಳಿಯ ವೈವಿಧ್ಯತೆಯಲ್ಲಿ ಕಂಡುಬಂದ ಒಂದು ಕೊರತೆಯಿಂದಾಗಿ ಪಾಕಿಸ್ತಾನ ತಂಡ ದ ವಿಕೆಟ್ಟುಗಳನ್ನು ಕೆಡವಲು ಅವನು ಕಷ್ಟಪಡಬೇಕಾಯಿತು. ಇರ್ಫಾನ್ ಪಠಾಣ್ ಮತ್ತು ಸಿಂಗ್ರಿಗೆ ಹೋಲಿಸಿದಾಗ ಕಳಪೆ ಫಲಿತಾಂಶಗಳನ್ನು ಒದಗಿಸಿದಂತೆ ಕಂಡುಬಂದ ಜಹೀರ್ನನ್ನು ಕೈಬಿಡಲಾಯಿತು. ಭಾರತೀಯ ಸ್ವದೇಶಿ ಕ್ರಿಕೆಟ್ನಲ್ಲಿ, ಬರೋಡ ತಂಡಕ್ಕಾಗಿ ಆಡುತ್ತಿರುವವರ ಪೈಕಿ ಜಹೀರ್ ತನ್ನ ಹೆಸರನ್ನು ದಾಖಲಿಸಿದ್ದನಾದರೂ, ೨೦೦೬-೦೭ ರ ಭಾರತೀಯ ಕ್ರಿಕೆಟ್ ಋತುವಿನ ಆರಂಭದಲ್ಲಿ ಮುಂಬಯಿ ತಂಡಕ್ಕೆ ವರ್ಗಾಯಿಸಲ್ಪಟ್ಟ; ಇದು ಮುಂಬಯಿ ತಂಡಕ್ಕೆ ಸಂಬಂಧಿಸಿದಂತೆ ಅವನ ಪ್ರಥಮ ಪ್ರವೇಶವಾಗಿತ್ತು.
- ಈ ಅವಧಿಯಲ್ಲಿ ನಡೆದ ರಣಜಿ ಟ್ರೋಫಿಯ ಅಂತಿಮ ಪಂದ್ಯದಲ್ಲಿ ಅವನು 9 ವಿಕೆಟ್ಟುಗಳನ್ನು ಉರುಳಿಸಿದ ಹಾಗೂ ಮುಂಬಯಿ ತಂಡವು ಬಂಗಾಳ ತಂಡವನ್ನು ಸೋಲಿಸಲು ಕಾರಣಕರ್ತನಾದ. 2006ರಲ್ಲಿ, ವೋರ್ಸ್ಸ್ಟೆರ್ಷೈರ್ ಕೌಂಟಿ ಕ್ರಿಕೆಟ್ ಕ್ಲಬ್ಗಾಗಿ ಪರದೇಶದ ಓರ್ವ ಎರಡನೇ ಆಟಗಾರನಾಗಿ ಜಹೀರ್ ಸಹಿಹಾಕಿದ; ಆಸ್ಟ್ರೇಲಿಯಾದ ನಾಥನ್ ಬ್ರೇಕನ್ ಎಂಬ ಆಟಗಾರನಿಗೆ ಬದಲಿಯಾಗಿ ಅವನನ್ನು ಈ ಕ್ಲಬ್ನಲ್ಲಿ ಪರಿಗಣಿಸಲಾಯಿತು. ಸಾಮರ್ಸೆಟ್ ತಂಡದ ವಿರುದ್ಧ 100 ವರ್ಷಗಳಿಗೂ ಹೆಚ್ಚಿನ ಅವಧಿಯ ನಂತರ ಪ್ರಥಮ ಪ್ರವೇಶದಲ್ಲಿಯೇ ಪಂದ್ಯವೊಂದರಲ್ಲಿ 10 ವಿಕೆಟ್ಟುಗಳನ್ನು ಉರುಳಿಸಿದ ಮೊದಲ ವೋರ್ಸ್ಸ್ಟೆರ್ಷೈರ್ ಆಟಗಾರ ಎಂಬ ಕೀರ್ತಿಗೆ ಅವನು ಪಾತ್ರನಾದ; ಆದರೂ ಸಹ ವೋರ್ಸ್ಸ್ಟೆರ್ಷೈರ್ ಕ್ಲಬ್ ಅಂತಿಮವಾಗಿ ಈ ಆಟದಲ್ಲಿ ಸೋತಿತು.
- 2006ರ ಜೂನ್ನಲ್ಲಿ, ಎಸೆಕ್ಸ್ ತಂಡದ ವಿರುದ್ಧದ ಮೊದಲ ಇನ್ನಿಂಗ್ಸ್ನಲ್ಲಿ ಬಿದ್ದ ವಿಕೆಟ್ಟುಗಳ ಪೈಕಿ ಮೊದಲ ಒಂಬತ್ತು ವಿಕೆಟ್ಟುಗಳನ್ನು ಅವನು ತೆಗೆದುಕೊಂಡ. ಈ ಪಂದ್ಯದಲ್ಲಿ ಆತ 138 ಓಟಗಳಿಗೆ 9 ವಿಕೆಟ್ಟುಗಳನ್ನು ಪಡೆದಿದ್ದ; ಡರೆನ್ ಗಫ್ ಎಂಬ ಕೊನೆಯ ಆಟಗಾರನಿಂದ ನೀಡಲ್ಪಟ್ಟ ಕ್ಯಾಚ್ ಒಂದನ್ನು ವಿಕೆಟ್-ಕೀಪರು ಸ್ಟೀವನ್ ಡೇವಿಸ್ ಕೈಬಿಡದೇ ಹೋಗಿದ್ದರೆ, ಕೌಂಟಿ ಪಂದ್ಯವೊಂದಕ್ಕೆ ಸಂಬಂಧಿಸಿದಂತೆ ಎಲ್ಲಾ ಹತ್ತು ವಿಕೆಟ್ಟುಗಳನ್ನು ಪಡೆದ ಮೊದಲ ಬೋಲರು ಎಂಬ ಕೀರ್ತಿಗೆ ಅವನು ಪಾತ್ರನಾಗಿರುತ್ತಿದ್ದ. 2006ರ ಅಂತ್ಯದಲ್ಲಿ, ದಕ್ಷಿಣ ಆಫ್ರಿಕಾದ ಪ್ರವಾಸಕ್ಕೆ ಸಂಬಂಧಿಸಿದ ಟೆಸ್ಟ್ ಮತ್ತು ODI ತಂಡಕ್ಕಾಗಿ ಜಹೀರ್ ವಾಪಸು ಕರೆಯಲ್ಪಟ್ಟ; ಬರೋಡ ತಂಡದ-ಸಹವರ್ತಿ ಇರ್ಫಾನ್ ಪಠಾಣ್ ಎದುರಿಸಿದ ಒಂದು ಫಾರಂ ಕುಸಿತ ಹಾಗೂ ಮುನಾಫ್ ಪಟೇಲ್ಗೆ ಆದ ಗಾಯಗಳನ್ನು ಗಮನದಲ್ಲಿಟ್ಟುಕೊಂಡು ಅವನನ್ನು ತಂಡಕ್ಕೆ ಕರೆಸಿಕೊಳ್ಳಲಾಯಿತು. *ಸದರಿ ಪ್ರವಾಸದ ಅವಧಿಯಲ್ಲಿ ಏಕಪ್ರಕಾರದ ಪ್ರದರ್ಶನಗಳನ್ನು ನೀಡಿದ ನಂತರ, ಅವನ ವೃತ್ತಿಜೀವನದ ಅತ್ಯುತ್ತಮ ಸಾಧನೆ ಎನ್ನಬಹುದಾದ 42 ಓಟಗಳಿಗೆ ಪಡೆದುಕೊಂಡ 5 ವಿಕೆಟ್ಟುಗಳ ದಾಖಲೆಯೂ ಸೇರಿದಂತೆ, ವೆಸ್ಟ್ ಇಂಡೀಸ್ ಮತ್ತು ಶ್ರೀಲಂಕಾ ತಂಡಗಳ ವಿರುದ್ಧ 2007ರ ಆರಂಭದಲ್ಲಿ ಸ್ವದೇಶಿ ನೆಲದಲ್ಲಿ ನಡೆದ ODI ಪಂದ್ಯಗಳಲ್ಲಿ ಅವನು ನೀಡಿದ ಪ್ರದರ್ಶನವು 2007ರ ಕ್ರಿಕೆಟ್ ವಿಶ್ವ ಕಪ್ಗೆ ಸಂಬಂಧಿಸಿದ ತಂಡದಲ್ಲಿ ಅವನ ಹೆಸರು ಸೇರ್ಪಡೆಗೊಳ್ಳಲು ಕಾರಣವಾಯಿತು. ವಾಸಿಂ ಅಕ್ರಂ ಮತ್ತು ಚಮಿಂದಾ ವಾಸ್ರಂಥ ಆಟಗಾರರ ಮೇಲ್ಪಂಕ್ತಿಯಲ್ಲಿ ಅವನು ರೂಪುಗೊಂಡನಾದರೂ, ಅವರಷ್ಟು ಯಶಸ್ವಿಯಾಗಲಿಲ್ಲ.
- 2008-2009ರ ಸರಣಿಯಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳ ನಡುವೆ ಬೆಂಗಳೂರಿನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಬ್ಯಾಟುಗಾರಿಕೆ ಮತ್ತು ಬೋಲಿಂಗ್ ವಿಭಾಗಗಳೆರಡರಲ್ಲೂ ತಾನು ತೋರಿದ ಸರ್ವತೋಮುಖ ಪ್ರದರ್ಶನಕ್ಕಾಗಿ ಅವನು ಪಂದ್ಯದ ಪುರುಷ ಪ್ರಶಸ್ತಿಯನ್ನು ಗೆದ್ದುಕೊಂಡ. ಆಸ್ಟ್ರೇಲಿಯಾ ತಂಡದ ವಿರುದ್ಧ ಒಂದೇ ಪಂದ್ಯದಲ್ಲಿನ ಇನ್ನಿಂಗ್ಸ್ ಒಂದರಲ್ಲಿ ಅರ್ಧ-ಶತಕವೊಂದನ್ನು ಗಳಿಸಿ ಐದು ವಿಕೆಟ್ಟುಗಳನ್ನು ತೆಗೆದುಕೊಂಡವರ ಪೈಕಿ ಅವನು ಮೂರನೇ ಭಾರತೀಯ ಎನಿಸಿಕೊಂಡಿದ್ದು, ರೂಸಿ ಸುರ್ತಿ ಮತ್ತು ಕಪಿಲ್ ದೇವ್ ಮೊದಲ ಇಬ್ಬರು ಆಟಗಾರರಾಗಿದ್ದಾರೆ. ಅಲ್ಲಿಂದೀಚೆಗೆ ಅವನು ಪ್ರಥಮ ದಾಳಿಯ-ಬೋಲರು ಎನಿಸಿಕೊಂಡು ಭಾರತೀಯ ತಂಡದಲ್ಲಿ ಕಾಯಂ ಬೇರುಬಿಟ್ಟ ಓರ್ವ ಆಟಗಾರ ಎನಿಸಿಕೊಂಡಿದ್ದಾನೆ.
- 2009ರ T-20 ವಿಶ್ವಕಪ್ನಲ್ಲಿನ ಐರ್ಲೆಂಡ್ ತಂಡದ ವಿರುದ್ಧದ ಪಂದ್ಯದಲ್ಲಿ, ಕೇವಲ 19 ಓಟಗಳನ್ನಷ್ಟೇ ನೀಡಿ 4 ವಿಕೆಟ್ಟುಗಳನ್ನು ತೆಗೆದುಕೊಂಡಿದ್ದಕ್ಕಾಗಿಯೂ ಜಹೀರ್ ಪಂದ್ಯದ ಪುರುಷ ಪ್ರಶಸ್ತಿಯನ್ನು ಗೆದ್ದುಕೊಂಡ. 2010ರ ಮಾರ್ಚ್ 25ರ ವೇಳೆಗೆ ಇದ್ದಂತೆ, ICC ಟೆಸ್ಟ್ ಬೋಲರು ಗಳ ಶ್ರೇಯಾಂಕದಲ್ಲಿ ಜಹೀರ್ 6ನೇ ಸ್ಥಾನವನ್ನು ದಕ್ಕಿಸಿಕೊಂಡಿದ್ದಾನೆ.[೫]
ODI ವೃತ್ತಿಜೀವನ
[ಬದಲಾಯಿಸಿ]232ಕ್ಕೂ ಹೆಚ್ಚಿನ ODI ವಿಕೆಟ್ಟುಗಳನ್ನು ಅವನು ಪಡೆದುಕೊಂಡಿದ್ದಾನೆ. ಜಿಂಬಾಬ್ವೆ ತಂಡದ ವಿರುದ್ಧ ತಲಾ ಔಟು ಮಾಡುವಿಕೆಗೆ 17.46 ಓಟಗಳನ್ನು ನೀಡುವ ಮೂಲಕ 32 ವಿಕೆಟ್ಟುಗಳನ್ನು ಪಡೆದುಕೊಂಡಿರುವುದೂ ಸೇರಿದಂತೆ, ತಲಾ ವಿಕೆಟ್ಟಿಗೆ ಸರಾಸರಿ 26 ಓಟಗಳನ್ನು ನೀಡಿರುವುದು ಮತ್ತು ಪಂದ್ಯವೊಂದರಲ್ಲಿ 4 ವಿಕೆಟ್ಟುಗಳನ್ನು 6 ಸಲ (ಜಿಂಬಾಬ್ವೆ ವಿರುದ್ಧ 4 ಸಲ) ತೆಗೆದುಕೊಂಡಿರುವುದು ಅವನ ಈ ಸಾಧನೆಯಲ್ಲಿ ಸೇರಿದೆ. ಜಾವಗಲ್ ಶ್ರೀನಾಥ್ ಮತ್ತು ಆಶಿಷ್ ನೆಹ್ರಾರಂಥ ಇತರ ಸೀಮ್ ಬೋಲರುಗಳ (ಚೆಂಡನ್ನು ಅದರ ಹೊಲಿಗೆ ಗೆರೆಯ ಮೇಲೆ ಪುಟಿಸಿ ಪಥ ಬದಲಾಯಿಸುವಂತೆ ಬೋಲ್ ಮಾಡುವ ವೇಗದ ಬೋಲರುಗಳು) ಜೊತೆಯಲ್ಲಿ ಸೇರಿಕೊಂಡ ಅವನು, 2003ರ ಕ್ರಿಕೆಟ್ ವಿಶ್ವ ಕಪ್ನ ಅಂತಿಮ ಪಂದ್ಯಗಳಿಗೆ ಭಾರತ ತಂಡವು ಪ್ರವೇಶ ಪಡೆಯುವಲ್ಲಿ ನೆರವಾದ. 2003ರ ವಿಶ್ವ ಕಪ್ನಲ್ಲಿ ಅತಿಹೆಚ್ಚಿನ ವಿಕೆಟ್ಟು ಪಡೆದವರ ಪೈಕಿ ಜಹೀರ್ಗೆ 4ನೇ ಸ್ಥಾನವು ದಕ್ಕಿತು; ಪ್ರತಿ ವಿಕೆಟ್ಟಿಗೆ ಸರಾಸರಿ 20 ಓಟಗಳನ್ನು ನೀಡುವ ಮೂಲಕ, 11 ಪಂದ್ಯಗಳಿಂದ ಅವನು 18 ವಿಕೆಟ್ಟುಗಳನ್ನು ಉರುಳಿಸಿದ್ದು ಒಂದು ಗಮನಾರ್ಹ ಸಾಧನೆಯಾಗಿತ್ತು.[೬]
ಟೆಸ್ಟ್ ವೃತ್ತಿಜೀವನ
[ಬದಲಾಯಿಸಿ]ಪ್ರತಿ ವಿಕೆಟ್ಟಿಗೆ ಸರಾಸರಿಯಾಗಿ ಕೇವಲ 33ಕ್ಕೂ ಸ್ವಲ್ಪವೇ ಹೆಚ್ಚಿನ ಓಟಗಳನ್ನು ನೀಡುವ ಮೂಲಕ, 250ಕ್ಕೂ ಹೆಚ್ಚಿನ ಟೆಸ್ಟ್ ವಿಕೆಟ್ಟುಗಳನ್ನು ಜಹೀರ್ ತೆಗೆದುಕೊಂಡಿದ್ದಾನೆ. 2002-2003ರ ಋತುವಿನಲ್ಲಿನ ತನ್ನ ಟೆಸ್ಟ್ ವೃತ್ತಿಜೀವನದಲ್ಲಿ ಜಹೀರ್ ಉತ್ತುಂಗದಲ್ಲಿದ್ದ. 2002ರ ಏಪ್ರಿಲ್ನಲ್ಲಿ ಆರಂಭವಾದ ವೆoooಸ್ಟ್ ಇಂಡೀಸ್ ಪ್ರವಾಸದಿಂದ ಮೊದಲ್ಗೊಂಡು 2003ರ ಡಿಸೆಂಬರ್ನಲ್ಲಿ ಬ್ರಿಸ್ಬೇನ್ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಪಂದ್ಯದ ಅಂತ್ಯದವರೆಗಿನ 16 ಪಂದ್ಯಗಳಲ್ಲಿ, ಸರಾಸರಿ 30 ಓಟಗಳನ್ನು ನೀಡುವ ಮೂಲಕ ಜಹೀರ್ 54 ವಿಕೆಟ್ಟುಗಳನ್ನು hhhhhhhhhhhhಪಡೆದುಕೊಂಡ. ಆದರೆ 2003ರ ಡಿಸೆಂಬರ್ನಲ್ಲಿ ಬ್ರಿಸ್ಬೇನ್ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ನಂತರ ಅವನ ಕುಸಿತವು ಪ್ರಾರಂಭವಾಯಿತು. ಮೊದಲ ಇನ್ನಿಂಗ್ಸ್ನಲ್ಲಿ ಆಸ್ಟ್ರೇಲಿಯಾದ 7 ಅಗ್ರಗಣ್ಯ ಬ್ಯಾಟುಗಾರರ ಪೈಕಿ 5 ಮಂದಿಯನ್ನು ಉರುಳಿಸಿದ ನಂತರ (95 ಓಟಗಳಿಗೆ 5 ವಿಕೆಟ್ಟುಗಳು), ಎರಡನೇ ಇನ್ನಿಂಗ್ಸ್ನ ಆರಂಭಿಕ ದಾಳಿಯ ಸಂದರ್ಭದಲ್ಲಿ ಅವನು ಸ್ವತಃ ಗಾಯಗೊಂಡ. ಅಡಿಲೇಡ್ನಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯಕ್ಕೆ ತಪ್ಪಿಸಿಕೊಂಡ ನಂತರ, ಮೆಲ್ಬೋರ್ನ್ನಲ್ಲಿ ನಡೆದ ಮೂರನೇ ಟೆಸ್ಟ್ ಪಂದ್ಯಕ್ಕಾಗಿ ಅವನು ಹಿಂದಿರುಗಿದ; ಆದರೆ ಪಂದ್ಯವು ನಡೆಯುತ್ತಿರುವಾಗ ಮಾರ್ಗಮಧ್ಯದಲ್ಲಿಯೇ ಅವನು ಗಾಯಗೊಂಡ. ಹೀಗಾಗಿ ಅವನು ಬಲವಂತವಾಗಿ ತಾಯ್ನಾಡಿಗೆ ಮರಳಬೇಕಾಯಿತು. ಈ ಗಾಯದಿಂದಾಗಿ ಅವನು 2004ರ ಆರಂಭದಲ್ಲಿ ಕೈಗೊಳ್ಳಲಾದ ಪಾಕಿಸ್ತಾನ ಪ್ರವಾಸದಿಂದ ಹಿಂದುಳಿಯಬೇಕಾಯಿತು. ಈ ಪ್ರವಾಸದಲ್ಲಿ ಭಾರತ ತಂಡವು ತನ್ನ ಮೊದಲ ಟೆಸ್ಟ್ ಸರಣಿ ವಿಜಯವನ್ನು ದಾಖಲಿಸಿತು. 2004ರಲ್ಲಿ ಬಾಂಗ್ಲಾದೇಶದ ವಿರುದ್ಧ ಭಾರತ ತಂಡವು ಢಾಕಾದಲ್ಲಿ ಆಡಿದ ಪಂದ್ಯದಲ್ಲಿ 75 ಓಟಗಳನ್ನು ಗಳಿಸುವ ಮೂಲಕ, ಓರ್ವ ಹನ್ನೊಂದನೇ ಕ್ರಮಾಂಕದ ಆಟಗಾರನು ದಾಖಲಿಸಿದ ಅತಿಹೆಚ್ಚಿನ ಟೆಸ್ಟ್ ಪಂದ್ಯದ ಸ್ಕೋರಿಗೆ ಸಂಬಂಧಿಸಿದಂತೆ ಜಹೀರ್ ವಿಶ್ವದಾಖಲೆಯನ್ನು ಹೊಂದಿದ್ದಾನೆ. ಸಚಿನ್ ತೆಂಡೂಲ್ಕರ್ ಜೊತೆಗಿನ ಅವನ ಜೊತೆಯಾಟವು ಹೊರಹೊಮ್ಮಿಸಿದ 133 ಓಟಗಳು, ಹತ್ತನೇ-ವಿಕೆಟ್ಟಿನ ಜೋಡಿಗೆ ಸಂಬಂಧಿಸಿದಂತೆ ಒಂದು ಭಾರತೀಯ-ದಾಖಲೆಯಾಗಿದೆ. 10ನೇ ಆಟಗಾರನ ಕ್ರಮಾಂಕದಲ್ಲಿ ಅವನು ದಾಖಲಿಸಿರುವ 19.46ನಷ್ಟಿರುವ ಅವನ ಬ್ಯಾಟುಗಾರಿಕೆಯ ಸರಾಸರಿಯು, ODI ಪಂದ್ಯಗಳಲ್ಲಿ ಸದರಿ ಕ್ರಮಾಂಕದ ಓರ್ವ ಬ್ಯಾಟುಗಾರನಿಗೆ ಸಂಬಂಧಿಸಿದ ಅತಿಹೆಚ್ಚಿನ ಮಟ್ಟವಾಗಿದೆ.[೭] ಯಾರ್ಕರ್ ಶೈಲಿಯಲ್ಲಿ ಚೆಂಡನ್ನು ಬೋಲ್ ಮಾಡಿ ಹಿಲ್ಫೆನ್ಹೌಸ್ನನ್ನು ಅವನು ಉರುಳಿಸಿದಾಗ, 250 ಟೆಸ್ಟ್ ವಿಕೆಟ್ಟುಗಳ ಗಳಿಕೆಯ ಸಾಧನೆಯ ಮಟ್ಟವನ್ನು ಜಹೀರ್ ಖಾನ್ ತಲುಪಿದಂತಾಯಿತು. ಈ ಸ್ಮರಣೀಯ ಸಾಧನೆಯನ್ನು ಸಾಧಿಸುವಲ್ಲಿ ಜಹೀರ್ 5ನೇ ಭಾರತೀಯ ಎನಿಸಿಕೊಂಡಿದ್ದಾನೆ.
ಉಲ್ಲೇಖಗಳು
[ಬದಲಾಯಿಸಿ]- ↑ "Zak plays patience". Cricinfo Magazine. Retrieved 18 December 2020.
- ↑ Zaheer Khan’s profile on Sportskeeda
- ↑ ೩.೦ ೩.೧ Premachandran, Dileep. "Zaheer Khan". Cricinfo. Retrieved 2007-02-14.
- ↑ Ramchand, Partab (2000-04-15). cricinfo.com/link _to_database/ ARCHIVE/ CRICKET_NEWS/2000/APR /029816_ CI_15APR2000. html "First list of NCA trainees". Cricinfo. Retrieved 2007-02-08.
{{cite news}}
: Check|url=
value (help)[ಶಾಶ್ವತವಾಗಿ ಮಡಿದ ಕೊಂಡಿ] - ↑ http://www.cricinfo.com/rankings/content/page/211270.html
- ↑ ICC Cricket World Cup, 2002/03 Bowling - Most Wickets
- ↑ http://content-aus.cricinfo.com/ci/content/story/221606.html
ಬಾಹ್ಯ ಕೊಂಡಿಗಳು
[ಬದಲಾಯಿಸಿ]- CS1 errors: URL
- ಮಡಿದ ಬಾಹ್ಯ ಕೊಂಡಿಗಳನ್ನು ಹೊಂದಿರುವ ಎಲ್ಲಾ ಲೇಖನಗಳು
- ಮಡಿದ ಬಾಹ್ಯ ಕೊಂಡಿಗಳನ್ನು ಹೊಂದಿರುವ ಲೇಖನಗಳು from ಆಗಸ್ಟ್ 2021
- ಶಾಶ್ವತವಾಗಿ ಮಡಿದ ಬಾಹ್ಯ ಕೊಂಡಿಗಳನ್ನು ಹೊಂದಿರುವ ಎಲ್ಲಾ ಲೇಖನಗಳು
- Articles with hAudio microformats
- 1978ರಲ್ಲಿ ಜನಿಸಿದವರು
- ಬದುಕಿರುವ ವ್ಯಕ್ತಿಗಳು
- ACC ಏಷ್ಯನ್ XI ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್ ಪಂದ್ಯದ ಆಟಗಾರರು
- ಬರೋಡ ಕ್ರಿಕೆಟಿಗರು
- ಭಾರತದ ಏಕ ದಿನ ಅಂತರರಾಷ್ಟ್ರೀಯ ಪಂದ್ಯದ ಕ್ರಿಕೆಟಿಗರು
- ಭಾರತದ ಟೆಸ್ಟ್ ಕ್ರಿಕೆಟಿಗರು
- ಭಾರತದ ಟ್ವೆಂಟಿ-20 ಅಂತರರಾಷ್ಟ್ರೀಯ ಪಂದ್ಯದ ಕ್ರಿಕೆಟಿಗರು
- ಸರ್ರೆ ಕ್ರಿಕೆಟಿಗರು
- ವಿಶ್ವ ಕಪ್ ಆಡಿದ ಭಾರತದ ಕ್ರಿಕೆಟಿಗರು
- 2003ರ ಕ್ರಿಕೆಟ್ ವಿಶ್ವ ಕಪ್ನಲ್ಲಿ ಭಾಗವಹಿಸಿದ ಕ್ರಿಕೆಟಿಗರು
- 2007ರ ಕ್ರಿಕೆಟ್ ವಿಶ್ವ ಕಪ್ನಲ್ಲಿ ಭಾಗವಹಿಸಿದ ಕ್ರಿಕೆಟಿಗರು
- ಮುಂಬಯಿ (ಇಂಡಿಯನ್ ಪ್ರೀಮಿಯರ್ ಲೀಗ್) ಕ್ರಿಕೆಟಿಗರು
- ಬೆಂಗಳೂರಿನ ಕ್ರಿಕೆಟಿಗರು
- ಪಶ್ಚಿಮ ವಲಯದ ಕ್ರಿಕೆಟಿಗರು
- ವರ್ಷದ ವಿಸ್ಡನ್ ಕ್ರಿಕೆಟಿಗರು
- ಭಾರತದ ಕ್ರಿಕೆಟ್ ಕ್ರೀಡಾಪಟುಗಳು
- ಕ್ರಿಕೆಟ್
- ಕ್ರಿಕೆಟ್ ಆಟಗಾರ