Bugatti Automobiles
Bugatti | |
![]() | |
Құрылды | |
---|---|
Орналасуы |
|
Басты адамдары |
Мате Римак (CEO) |
Саласы |
Машина өнеркәсібі |
Өнімі |
Автомобильдер, қозғалтқыштар |
Басшы компания |
Bugatti Rimac d.o.o. |
Сайты |
Bugatti Automobiles S.A.S. (қысқаша: Bugatti — қазақша «Бугатти») — француз автокөлік құрастырушы компаниясы. Bugatti маркалы люкс классты жеңіл автокөліктер шығаруға маманданған. Компанияның Штаб-пәтері — Шато Сэн-Жан (фр. Château Saint Jean), өндіріс Мольсхайм қаласында орналасқан. Бүгінгі таңда компания Volkswagen Group бөлімшесі болып табылатын Audi AG неміс концерны құрамына кіреді.
![](http://upload.wikimedia.org/wikipedia/commons/thumb/c/cd/B_8b.jpg/220px-B_8b.jpg)
Тарихы
[өңдеу | қайнарын өңдеу]Этторе Бугатти (1881—1947 жж), 1909 жылы фирманың негізін қалады. 1914 жылғы ең маңызды жаңалық «13» үлгісі болды. 1930 жылы Bugatti «Ле-Мана-24 сағат» жарысына қатысты. 1998 жылы Bugatti маркасын Volkswagen AG концерні сатып алды. 2007 жылы 13 наурызда Франц-Йозеф Пефген «Bugatti Automobiles S.A.S.» компаниясының Мольсхайм және «Bugatti International S.A.» Люксембург қаласындағы өкілдіктерінің басшылығына тағайындалды. 2007 жылы 25 сәуірде тарихи жер Комо көлінде жыл сайын өтетін сирек кездесетін автокөліктердің «Concorso D’Eleganza Villa d’Este» байқауында жаңартылып, тюнингтелген Bugatti Type 57C Convertible «Voll & Ruhrbeck» армандаған «Coppa d’Oro Villa d’Este» сыйлығына ие болды. Бұл байқауға бар болғаны 8 аталым бойынша 53 автокөлік қатысқан болатын. 2007 жылы 11 қыркүйекте компания өзінің жаңа туындысы суперкар — Bugatti EB 16.4. Veyron «Pur Sang» автокөлігінің тұсауын кесті. Бұл алюминий мен карбонмен жылтырата қапталған көлік бұрынғы «Bugatti Atalante», Type 55 и Type 41 «Royale» суперкарлардың қазіргі заманғы көрінісіндей болды. Тұсаукесерден кейінгі БАҚ - 24 сағаттық жарнамадан кейін, бағасының 1,4 млн еуро (салықтарды, жеткізу шығындарын есептемегенде) тұратынына қарамастан Bugatti EB 16.4. Veyron «Pur Sang» көлігінің 5 данасы сатылып кетті. 2007ж 17 қазанында Гонконг қаласында ресми өкілдігі ашылды. Бұл марканың ресми дистрибьюторы болып гонконгтық «Bentley Hong Kong» компаниясы жарияланды. 2007жылы 23 қазанда РФ компанияның ресми өкілдігі ашылды. РФ аумағында компанияның ресми дистрибьютері болып «The Mercury Group» компаниялар тобы жарияланды. 2007 жылы 28 қарашасында Bugatti автокөлігінің иелері үшін арнайы жүргізу курстары өткізілді. «Жолды сезініп» (ағылш. Feeling the road) деген ұранмен өткен курстарды компанияның бас пилоты Пьер-Анри Рафанэль (Pierre-Henri Raphanel) өткізді. 2007 жылдың 28 қарашасында компания өзінен сатылып алынған автокөліктерге кепілдік мерзімінің 4 жылға дейін ұзартылғанын жарнамалайды. Кепілдік көліктің механикалық және электронды компоненттеріне, сырлау жұмыстарын жүргізуге кеткен шығындарды өтеуді қамтиды. Автокөлікті кепілдік мерзімі аяқталмай жатып, басқа бір адамға сатқан жағдайда да кепілдік мерзімі сақталып қалады. Компания өз клиенттеріне 24 сағаттық қолдау қызметін жасақтады. 2008 жылы 16 наурызда Женева қаласындағы халықаралық автокөлік салонында компания француздық серіктесі Hermès дизайнерлік бюросымен бірлескен жобасы Bugatti Veyron 16.4 «Fbg par Hermès» автокөлігін көрермен назарына ұсынды. 2008 жылдың 20 сәуірінде Пекиндегі автокөлік салондарының бірінде өткен жиын барысында компания Қытай еліндегі ресми өкілдігінің ашылғандығын жариялады. Компанияның ресми дистрибьютері болып, «Dah Chong Hong Holdings Ltd.» компаниясының «Bentley China» бөлімшесі танылды. Автокөліктерді сату және кепілдік қызметтерін көрсету Пекин, Шанхай және Шэньчжэн қалаларында жүзеге асырыла бастады. 2008 жылы: 16 тамызда компания жаңа родстер — Bugatti Veyron 16.4 «Grand Sport» жасап шығарды. 2009 Bugatti Veyron автокөлігі Top Gear версиясы бойынша онжылдықтың ең үздік автокөлігі атағын жеңіп алды.
Үлгілері
[өңдеу | қайнарын өңдеу]Type 2 (1900—1901 жж) Type 5 (1903 ж) Type 10 (1909 ж) Type 13, 15, 17 (8-цилиндрлі) (1910—1920 жж) Type 13, 22, 23 (1914 ж, 1919—1926 жж) Type 16 «Bébé» (1912—1914 жж) Type 18 (1908 ж, 1912—1914 жж) Type 28 (1920—1921 жж) Type 29 «Cigar» (1922 жж) Type 30 (1922—1926 жж) Type 32 «Tank» (1923 ж) Type 35 (1924—1931 жж) Type 36 (1926 ж) Type 37 (1925—1930 жж) Type 38 (1926—1927 жж) Type 39 (1925—1927 жж) Type 40 (1926—1930 жж) Type 41 Royale (1926—1933 жж) Type 43 (1927—1931 жж) Type 44 (1927—1930 жж) Type 45, 47 (1929—1930 жж) Type 46 (1929—1933 жж) Type 49 (1930—1934 жж) Type 50 (1931—1933 жж) Type 51 (1931—1934 жж) Type 52 «Bébé» (T 35 Grand Prix жарыстық автокөлігінің балаларға арналған көшірмесі) Type 53 (1931—1932 жж) Type 54 (1932—1934 жж) Type 55 (1931—1935 жж) Type 56 (Электромобиль) Type 57, 57S (1934—1939 жж) Type 59 (1933—1935 жж) Type 64 (1939 ж) Type 68 (1945—1946 жж) Type 73 (1945—1947 жж) Type 101 (1951 ж) Type 251 (1955—1956 жж) ID 90 Concept (1990 ж) EB 110 GT (1991—1994 жж) EB 112 Concept (1993 ж) EB 110 SS (1994 ж) EB 118 Concept (1998 ж) EB 218 Concept (1999 ж) 18.3 Chiron Concept (1999 ж) 18.4 Veyron Concept (2000 ж) 16.4 Veyron (2006 ж) EB 16.4 Veyron Pur Sang (2007 ж) 16.4 Veyron Fbg par Hermès (2008 ж) 16.4 Veyron Grand Sport (2008 ж) 16.4 Veyron Super Sport (2010 ж) Bugatti Galibier 16c (2010 ж)
Тюнингтелген автокөліктері
[өңдеу | қайнарын өңдеу]Bugatti Type 41 Royale Binder Coupe de Ville (1931 ж), француздық «Анри Биндер» (Henri Binder) тігін ательесінде жаңартылған. Bugatti Type 41 Royale Weinberger Cabriolet (1931 ж) немістің Людвига Вейнбергера (Karosserie Ludwig Weinberger) ательесінде жаңартылған. Bugatti Type 37A Hanni Roadster (1931) швейцариялық ателье «Ханни» (Hanni) қайта жаңартты. Bugatti Type 41 Royale Kellner Coupe (1932) француз ательесі «Кейнер» (Kellner), Bugatti Type 57C Van Vooren Cabriolet (1939) бельгиялық дизайнерлерлік бюро «Ван Вурен» (Van Vooren) өңі өзгертілді. Bugatti Type 57 C Voll & Ruhrbeck Cabriolet (1939) германдық «Волл и Рюрбек» (Voll & Ruhrbeck) ательесінде жаңғыртылды. Bugatti Type 101 Exner Ghia (1966) итальяндық «Кароцериа Гиа СпА» (Carrozzeria Ghia SpA) ательесінде Вирджила Экснера (Virgil Exner) американдық дизайнер үлгілеріне сай өзгертілді. Bugatti Veyron 16.4 Vincero (2009) швейцариялық премиум ательесі Мансори (Mansory)-да жаңартылды.
Қызметі туралы ақпарат
[өңдеу | қайнарын өңдеу]Кез келген компания сынды Bugatti фирмасы да өзінің қаржылық көрсеткіштерін жарияламайды. Бұл коммерциялық құпия түрінде сақталады. Кәсіпорын Мольсхайм қаласында орналасқан. 2008 жылдың ортасындағы мәлімет бойынша автокөліктерге тапсырыс көлемі 100-ге жетті.
Автокөлік жарыстарындағы жетістіктері
[өңдеу | қайнарын өңдеу]Bugatti автокөліктері бірнеше онжылдық ішінде мыңдаған жеңіске жеткен озық марка. Алғаш айналымның өзінде шағын ғана Bugatti Type 10 маркалы көліктері алдыңғы 4 орынды иеленді. Ал Bugatti Type 35 үлгілі 1924 жылғы автокөлігі ең үздік жарыс көлігі десек те болады. Екі мыңнан астам жеңіс. Жарыс жолдарына шыққан Targa Florio Bugatti 1925 жылдан 1929 жылға дейін 5 жыл қатарынан бірінші орыннан көріне білді. Bugatti рулінде отырып ең көп жеңіске жеткен пилот Луи Широн болатын, оның атын кейіннен компания өзінің бір үлгісіне берген болатын Bugatti 18/3 Chiron. Компания көліктерінің ең соңғы әрі ұмытылмас жетістігі Пьера Вейрона и Жан-Пьера Вимилля в Ле-Маненың 1939 жылғы жеңісі болатын.
Сілтемелер
[өңдеу | қайнарын өңдеу]![]() |
Ортаққорда бұған қатысты медиа санаты бар: Bugatti vehicles |
- Bugatti-дің ресми сайты (ағыл.)
- Барлығы да Bugatti туралы Мұрағатталған 16 қазанның 2013 жылы. (орыс.)