Тұқытістітәрізділер

Тұқытістітәрізділер; Қазбалық ауқымы: Oligocene–recent ПреК К О С Д Кр П Т Ю Б Пг Н
	; Гуппи
Ғылыми топтастыруы
Дүниесі:	Жануарлар;
Жамағаты:	Хордалылар;
Ұлы табы:	Сүйекті балықтар;
Табы:	Actinopterygii;
Кіші табы:	Neopterygii;
Ықшам табы:	Teleostei;
Ұлы сабы:	Acanthopterygii;
Сабы:	Cyprinodontiformes; L. S. Berg, 1940
Кіші отрядлары
	Aplocheiloidei; Cyprinodontoidei
Синонимдері
	Microcyprini Regan, 1909

Тұқытістітәрізділер (Cyprіnodontіformes) – сүйекті балықтардың бір отряды. Қазба қалдықтары олигоценнен белгілі. Тропиктік және субтропиктік белдеулердің тұщы, тұзды суларында тіршілік ететін 9 тұқымдасы, 400-ден артық түрі бар (тек Австралияда кездеспейді). Кейбір соқыркөзділер тұқымдасының өкілдері – Солтүстік Американың карсты үңгірлерін, ал Cyprіnodon macularіs деген түрі ыстық су көздерін (су темп-расы 50С-қа шейін) мекендейді. Сыртқы тұрқы тұқытәрізділерге ұқсас. Дене мөлш. 2 – 30 см. Желбезек пердесі 4 – 8 сәулелі. Жабықторсылдақтылар. Жүзбеқанаттарында тікенекті сәулелер болмайды. Арқа жүзбе қанаты – біреу. Жақтарында тістері болады. Су омыртқасыздарымен қоректенеді. Тұқытістітәрізділердің көпшілік түрі – аквариумдік балықтар. Қазақстанда медака мен гамбузия Сырдария, Шу, Балқаш су алаптарында жерсіндірілген. Тұқытістітәрізділердің 35 түрі сирек кездеседі, сондықтан Халықараралық табиғат қорғау одағының “Қызыл кітабына” енгізілген.

Сілтемелер

"Қазақ Энциклопедиясы", 8 том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.