С.А.Герасимов атындағы Бүкілресейлік мемлекеттік кинематография институты
![](http://upload.wikimedia.org/wikipedia/commons/thumb/e/e4/Vgik.jpg/260px-Vgik.jpg)
БМКИ (Бүкілодақтық мемлекеттік кинематография институты) – КСРО-да киноөнері мамандарын даярлайтын жоғары дәрежелі оқу орны (Мәскеу).[1]
1919 жылы дүниежүзі бойынша тұңғыш рет Мәскеуде режиссерлер, операторлар, актерлер, суретшілер даярлайтын кино мектебі ашылды. Мұны белгілі актер әрі режиссер В.Гардин басқарады.
Кино мектебі 1925 жылы Мемлекеттік кинематография техникумына, 1930 жылы Мемлекеттік кинематография институтына айналды. 1934 жылы Бүкілодақтық мемлекеттік кинематография институты (ВГИК) болып қайта құрылды.
Институттың постановкалық (фильм қою), режиссерлік, актерлік, операторлық, сценарий-кинотану, көркемсурет, экономика факультеттері, 17 кафедра, аспирантура, сырттан оқу бөлімі, ғылыми-зерттеу секторы бар.
БМКИ-де С. Эйзенштейн, В. Пудовкин, А. Довженко, Б. Балаш, Л. Кулешов, С. Герасимов, Т. Макарова сынды өнер шеберлері ұстаздық етті.
Институт 1919-69 жылдары кеңес киноөнерінің 4500, шетел киноөнерінің 200-ден аса творчестволық қызметкерлерін даярлады.
1970-71 жылдары оқу жылында 1,5 мыңға жуық студент оқыды. 1970 жылы институт Еңбек Қызыл Ту орденімен марапатталды.
Институт түлектері: КСРО халық артистері - С. Бондарчук, Р. Кармен, К. Ярматов; РКФСР Халық артистері - Л. Кулиджанов, Н. Мордюкова, Р. Нифонтова, С. Ростоцкий, В. Тихонов, Г. Чухрай, М. Шнейдеров; РКФСР-дің еңбек сіңірген өнер қайраткерлері Леонид Гайдай, А. Гальперин. А. Головня, Ю. Озеров, Б. Ордынский, М. Хуциев, В. Шукшин, Р. Юренев; Қазақ КСР-інің еңбек сіңірген өнер қайраткерлері М. Аранышев, Бегалин Мәжит Сапарғалиұлы, Г. Новожилов, Я. Смирнов, Э. Эмир Ибрағимұлы Файк; режиссерлер Қарсақбаев Абдолла, Сұлтан Қожықов т.б.
Дереккөздер
[өңдеу | қайнарын өңдеу]- ↑ Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б. ISBN 978-601-03-0070-5ISBN 978-601-03-0070-5
![]() | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|