Магдебургтегі көлік шабуылы (2024)
| Магдебургтегі адамдарға көліктің соқтығысуы (2024) | |
 Магдебургтегі көлік шабуылының фотосуреті, 20 желтоқсан 2024 жылы. | |
| Шабуыл орны | |
|---|---|
| Координаттар | |
| Дата |
|
| Қару-жарақ |
|
| Жарақаттанғандар |
|
| Құрбандар |
|
| Қылмыскерлер |
|
Магдебургтегі топқа көліктің соғуы — 2024 жылғы 20 желтоқсанда Германияның Магдебург қаласында болған жаппай кісі өлтіру оқиғасы. Кешкі уақытта BMW көлігінің жүргізушісі әдейі көлікті Рождестволық жәрмеңкедегі адамдарға қарай бағыттаған.[2]
Алғышарттар
[өңдеу | қайнарын өңдеу]Магдебург — Германияның Саксония-Анхальт федералды жерінің астанасы. Қалада жыл сайын Рождестволық жәрмеңке өткізіледі, ол әкімдік пен ірі сауда орталығының маңында орналасқан.[3]
Шабуыл Берлиндегі Рождестволық базарға жасалған жүк көлігінің шабуылының сегіз жылдығынан кейінгі күні болды. Бұл шабуылды «Ислам мемлекеті» ұйымдастырған, нәтижесінде он екі адам қаза тауып, 56 адам жарақат алды.[4] Шабуылдан екі апта бұрын Баварияның Аугсбург қаласындағы Рождестволық базарға шабуыл жоспарлады деген күдікпен ирак азаматы ұсталған болатын.[5]
Оқиғалар
[өңдеу | қайнарын өңдеу]Оқиға жергілікті уақыт бойынша 19:04-те болған, күңгірт түсті BMW бір топ адамды қаққан. Жүргізуші бірден ұсталды.[6] Қала баспасөз хатшысы Майкл Рейф бұл оқиғаны "Рождестволық базарға жасалған шабуыл" деп атап, лаңкестік актінің болғанын растады.[7][8]
Шығындар
[өңдеу | қайнарын өңдеу]Саксония-Анхальт премьер-министрі Райнер Хазелоффтың айтуынша,[9] кемінде екі адам — ересек және бала қаза тапты, ал 68 адам жарақат алды.[10] Магдебург қаласы кемінде он бес адамның ауыр жарақат алғанын, 37 адамның орташа дәрежеде жарақат алғанын және 16 адамның жеңіл жарақат алғанын хабарлады.[11] Жергілікті жедел жәрдем қызметтерінің мәліметтері бойынша, 60–80 адам зардап шеккен.[12] Кемінде 20 зардап шегуші Магдебург университетінің ауруханасына жеткізілді.[13]
Салдары
[өңдеу | қайнарын өңдеу]Магдебург полициясы азаматтарды үйлерінен шықпауға шақырды.[14] Эрфурттағы Рождестволық базар тазартылды, бірақ Саксония-Анхальттың ең үлкен қаласы Галле жергілікті билігі қауіпсіздік шараларын күшейтпеді.[14]
Күдікті
[өңдеу | қайнарын өңдеу]DW басылымының хабарлауынша, Магдебургтегі Рождестволық базарға келушілерді бар жылдамдықпен қаққан көлік жүргізушісінің Сауд Арабиясының тумасы екені анықталды.[7] Жергілікті БАҚ-тың мәліметінше, ол Германияда психиатр болып жұмыс істеген және Бернбург қаласында тұрған. Бұл қала Магдебургтен 50 км жерде орналасқан. Күдіктінің Германияда ұзақ тұруға рұқсаты болғаны хабарланды.[7]
Сонымен қатар оның Сауд Арабиясынан келген әйелдерге елден қашуға көмектесу бойынша кеңес беріп жүргені туралы ақпарат пайда болды. Оның осы тақырыпта арнайы жеке веб-сайты болған және ол Германияда саяси баспана беру мәселелерімен де айналысқан.[7]
Реакция
[өңдеу | қайнарын өңдеу]Ішкі
[өңдеу | қайнарын өңдеу]Германия канцлері Олаф Шольц X платформасында:
«Магдебургтен жеткен хабар нашар болжам жасауға мәжбүрлейді. Құрбандардың жақындарына көңіл айтамын. Біз солардың, Магдебург тұрғындарының жағындамыз. Осы қиын сағаттарда құтқару қызметтеріне ризашылығымды білдіремін»
- деп жазды.
Магдебург полициясы өкілінің мәлімдемесіне сәйкес, қылмыскердің өз бетінше әрекет еткен-етпегені әлі белгісіз. Ол «рождестволық базар арқылы кем дегенде 400 метр жүрді» дейді полиция.[15]
Халықаралық
[өңдеу | қайнарын өңдеу]
Сауд Арабиясының Сыртқы істер министрлігі шабуылды айыптап, неміс халқымен ынтымақтастық білдіріп, құрбандарға қолдау көрсетті.[16]
Франция президенті Эммануэль Макрон шабуылға байланысты «қатты қайғырғанын» мәлімдеді.[17]
Италия премьер-министрі Джорджия Мелони шабуыл құрбандары мен олардың отбасыларына көңіл айтты.[18]
Венгрия премьер-министрі Виктор Орбан дұға оқып, құрбандардың отбасыларына көңіл айтты және шабуылды «жиркенішті әрекет» деп атады.[19]
Испания премьер-министрі Педро Санчес Олаф Шольцпен сөйлесіп, құрбандарға, олардың отбасыларына және бүкіл неміс халқына қолдауын білдірді.[20]
Польша президенті Анджей Дуда шабуылдан «қатты күйзелгенін» айтып, құрбандар мен олардың отбасыларына көңіл айтты.[21][22]
АҚШ:
Шабуылдан кейін Нью-Йорк полиция департаменті Рождестволық жәрмеңкелердегі қауіпсіздік шараларын күшейтті.[23]
Дереккөздер
[өңдеу | қайнарын өңдеу]- ↑ a b При наезде автомобиля на толпу в Магдебурге пострадали 68 человек, РИА Новости (21 желтоқсан 2024). Тексерілді 21 желтоқсанның 2024.
- ↑ Что известно о наезде автомобиля на людей в Магдебурге, ТАСС (20 желтоқсан 2024). Тексерілді 20 желтоқсанның 2024.
- ↑ Ködel, Susanne. Sachsen-Anhalt: Auto fährt in Menschenmenge auf Magdeburger Weihnachtsmarkt (de-DE) (20 желтоқсан 2024).
- ↑ Koopmann, Christoph Magdeburg: Mindestens zwei Tote und 60 Verletzte bei mutmaßlichem Anschlag auf Weihnachtsmarkt (нем.).
- ↑ Germany attack: 11 feared dead and 80 injured as car ploughs into Chr… (20 желтоқсан 2024).
- ↑ В Магдебурге автомобиль врезался в толпу на рождественской ярмарке, Meduza (20 желтоқсан 2024). Тексерілді 20 желтоқсанның 2024.
- ↑ a b c d Базарда көлік бір топ адамды қағып кетті (қаз.).
- ↑ Магдебургтегі рождестволық базарда көлік бір топ адамды қақты (фото, видео) (қаз.).
- ↑ Liveticker: Anschlag auf Magdeburger Weihnachtsmarkt FAZ (нем.).
- ↑ Schuetze, Christopher "Driver Rams Christmas Market in Germany, Injuring Dozens (ағыл.) (20.12.2024).
- ↑ Liveticker: Anschlag auf Magdeburger Weihnachtsmarkt FAZ (нем.).
- ↑ Magdeburg Germany attack updates: Car hits crowds at Christmas market, leaving two dead and 68 injured (en-GB).
- ↑ Koopmann, Christoph Magdeburg: Mindestens zwei Tote und 60 Verletzte bei mutmaßlichem Anschlag auf Weihnachtsmarkt (нем.).
- ↑ a b Magdeburg: Bundesländer verstärken Polizeipräsenz auf Weihnachtsmärkten (нем.).
- ↑ Магдебургтегі рождестволық базарда теракт болды (қаз.).
- ↑ Hammond, Aditi Sangal, Elise December 20, 2024, At least 2 dead and dozens injured in attack on German Christmas market, authorities say (ағыл.) (20 December 2024).
- ↑ Allemagne : un "possible attentat" sur un marché de Noël, 2 morts et des dizaines de blessés (фран.) (20 желтоқсан 2024).
- ↑ President Meloni’s statement on Magdeburg Christmas market attack (итал.).
- ↑ Dramatyczne wieści z Niemiec po zamachu. „Kiedy to szaleństwo się skończy?” (поляк).
- ↑ Sánchez traslada a Scholz su solidaridad por el atropello en un mercado de Navidad alemán (исп.).
- ↑ Tragiczne wieści z Niemiec. Prezydent Duda: jestem wstrząśnięty | Niezalezna.pl (pl-PL).
- ↑ Zamach w Magdeburgu. Prezydent Andrzej Duda zabrał głos (pl-PL).
- ↑ Vehicle plows into crowded Christmas market in Germany, killing 2 and injuring dozens (ағыл.) (21 December 2024).