Дунху
![](http://upload.wikimedia.org/wikipedia/commons/thumb/6/69/QinEmpireWithOrdos.jpg/250px-QinEmpireWithOrdos.jpg)
Дунху - ежелгі дәуірде Қытайдың солтүстік-шығысында қоныстанған көшпелі тайпалар бірлестігі.
Ерте заманда қытайлар өздерінің солтүстік көршілерін “ху” деген жалпы атаумен атаған. Қытай тілінде “дун” шығыс деген мағынаны береді. Осылайша ғұндардың шығыс жағындағы тайпалар бірлестігі “Дунху” атанған. Дунху тайпалары көшпелі мал шаруашылығымен, аңшылықпен шұғылданған. Сондай-ақ жартылай отырықшы тұрмыс кешіп, егіншілікпен де айналысқан. Олардың қандай тілде сөйлегені жайлы нақтылы мәлімет жоқ. Б.з.б. 6 ғасырдан бастап Дунхулықтар Хань империясының Янң, Жау бектіктеріне ұдайы шабуыл жасап тұрған. Б.з.б. 4 ғасырда қазіргі Хубэй провинциясына дейінгі жерлерді жаулап алған. Қытай бектері оларға алым-салық төлеп тұруға мәжбүр болған. Дунхулардың шабуылынан қорғану мақсатында қытайлықтар қорғандар тұрғыза бастады. Бұл Ұлы Қытай қорғанын салудың бастапқы кезеңі болатын. Б.з.б. 3 ғасырда Дунху тайпаларын ғұндар талқандады. Талқандалған Дунху тайпалары бұдан кейінгі кезеңде сәнби, мажул, т.б. атаулармен аталынды.[1]
Дереккөздер
[өңдеу | қайнарын өңдеу]- ↑ Қазақ энцклопедиясы