Деформациялық жік
![]() | Бұл мақаланы Уикипедия сапа талаптарына лайықты болуы үшін уикилендіру қажет. |
![](http://upload.wikimedia.org/wikipedia/commons/thumb/2/20/BridgeExpansionJoint.jpg/220px-BridgeExpansionJoint.jpg)
Деформациялық жік — мүмкін болатын деформация орындарында конструкция бөлшектеріне түсетін жүктемені азайтуға арналған жік. Мұндай деформация ауа температурасының құбылуынан, сейсмикалық жағдайлардан, жер беткейіне түсетін жауын-шашынның ықпалынан және қауіпті салмақ түсіретін басқа да әсерлерден пайда болады. Деформациялық жік ғимаратқа, құрылысқа серпімділік қасиет береді. Бітеулеу мақсатында тығыз оқшаулау материалымен толтырылады.
Мақсатына қарай келесі деформациялық жіктері қолданылады: температуралық, компенсациялық, шөгінді, антисейсмикалық және шөгу.
Температуралық жіктер құрылысты жер деңгейінен шатырға дейін қоса алғанда іргетасын қозғамай бөледі. Аз деңгейде температуралық тербелісті бастан кешіреді, соның салдарынан айтарлықтай деформацияға ұшырамайды. Температуралық жіктер арасындағы қашықтық қабырға материалына және құрылыс ауданындағы есептелген қысқы температураға байланысты қабылданады.
Ғимараттың жеке бөліктері әртүрлі қабат болуы мүмкін. Бұл жағдайда ғимараттың , құрылыстың әр бөлігінде орналасқан қаланған түптеріне түсетін салмақ әртүрлі болады. Топыраққа, құрылыс түбіне теңбе-тең түспеген деформация ғимараттың , құрылыстың қабырғаларына және ғимараттың, құрылыстың басқа да конструкцияларында жарықшақтардың пайда болуына әкеледі. Бірдей қабаттағы айтарлықтай ұзақтыққа созылған ғимараттарда да шөгінді жарықшақтар пайда болады. Ғимараттарда, құрылыстарда қауіпті деформация болуының алдын алу үшін құрылыста шөгінді жіктер жасалынады. Бұл жіктердің температуралық жіктерден айырмашылығы ғимараттарды олардың іргетасын есепке ала отырып биіктігі бойынша кеседі.