Электронды сағат

Электронды сағаттың қолға тағатын (кернеуі 1,5 В өте шағын гальваникалық элементтен қоректенетін), столға қоятын (220 В кернеулі айнымалы ток желісінен не 1,5 В кернеулі «А—316», «Крона» элементтері арқылы жұмыс істейтін) және автомобильге қоятын (кернеуі 12 В аккумулятордан қоректенетін) түрлері шығарылады. Гальваникалық бір элемент сағаттың кемінде 12 ай жұмыс істеуін қамтамасыз етеді. Айнымалы ток желісінен жұмыс істейтін сағаттарда токтың қосымша көзі де (гальваникалық элемент) пайдаланылады; кернеу беру әлдеқалай үзіліп қалса, сағат автономды қоректену көзіне автоматты түрде қосылады.

Қазіргі таңда электронды сағаттарды жақсартып, смарт-сағаттар ойлап табылған. Олардың функциялары біршама жақсарып, камера, жүрген жолды, жүрек соғысын есептейтін құралдар енгізілген.