Riiyoodee Saanayiroo
![](http://upload.wikimedia.org/wikipedia/commons/thumb/6/68/Corcovado_statue01_2005-03-14.jpg/220px-Corcovado_statue01_2005-03-14.jpg)
Preeziili ɛjaɖɛ taa tɛtʊ sɔsɔtʊ taa payɩ lɛ, Sao Poolo tɛtʊ wayɩ lɛ Riiyoodee Saanayiroo ñɩndʊ tɩŋgɩna. Tɛtʊ tʊnɛ tɩwɛ Piresiili ɛjaɖɛ nɛ wɩsɩ ɖɩlɩyɛ nɛ hadɛkiŋ nɛ ndʊ ɖɔɖɔ lɛ Riiyoodee Saanayiroo hɔɔlʊʊ taa tɛtʊ sɔsɔtʊ.
Tɛtʊ tʊnɛ tɩ-walanzɩ landammm taa wɛ ɛzɩ ɛkɩtaarɩnaa 126 000 yaa kilomɛtanaa 1 260 nɛ ɖomaɣ fenaɣ taa pɩnaɣ 2007 taa paakala ɛyaa kɛ tɛtʊ ndʊ tɩ-taa lɛ, paakpɛnda ɛyaa 6 093 472; ɛlɛ yee pekpɛndɩna ageeta wena acɔ tɛtʊ ndʊ nɛ ataa yɔ, ɛyaa kpɛnda mɩliyɔɔnaa 12 620 000.
![](http://upload.wikimedia.org/wikipedia/commons/thumb/8/86/Rio_de_Janeiro_from_Sugarloaf_mountain%2C_May_2004.jpg/220px-Rio_de_Janeiro_from_Sugarloaf_mountain%2C_May_2004.jpg)
Tɛtʊ tʊnɛ tɩ-hɩɖɛ yaʊ sɩŋŋŋ yɔ, pɩlɩna tɔnʊʊ taa kpekpeka aleɣya wena palakɩ-yɛ peeɖe paa ɛzɩmtaa yɔ, peeɖe kidiiliŋ yɔɔ nɛ Yeesu Kristu anjaʊ ŋgʊ palɩzɩ-kʊ Kɔrikovadoo yɔ kɩ-yɔɔ ɖɔdɔ. Payaɣ tɛtʊ tʊnɛ tɩ-tɛ maalika yɔɔ cɔnɩyʊ kɩfalʊ se Eduardo Paes (PMDB).
![](http://upload.wikimedia.org/wikipedia/commons/thumb/a/aa/Rio_de_Janeiro-Ipanema_Beach.jpg/220px-Rio_de_Janeiro-Ipanema_Beach.jpg)
Riiyoodee Saanayiroo nɛ ajɛyaa nayɛ taa tɛtʊ sʊzɔtʊ natʊyʊ paɖʊ taabalɩyɛ nɛ palakɩ tʊma se pɛ-tɛtʊ ɛɖɛ nɛ ɛsɩnda. Tɛtʊ ndʊ tɩ-taa kɔyɔ: Setifi (Alizeerii), Pariseeloni (Ɛsɩpaañɩ), Puyenezɛrɩ (Arzantiini), Havanɩ (Kuubaa), Isitambuli (Turki), Turubaŋ nɛ Kaaap (Afrika Hadɛ kiŋ), Lisiboni (Pɔritigaalɩ), Lɔsɩ Aŋzeelɛsɩ nɛ Miyami (Etaazuunii), Yuunii (Liibaŋ), Niteeroyi nɛ Santosi (Piresiili), Niisi (Fransɩɩ), Sewuuli (Kooree Hadɛ Kiŋ), [[Sidinee] (Ositraalii), Tunisi (Tuniizii), Pogotaa (Kolombi), Ceedaa (Arabii-Sahʊditi) nɛ Fankuva (Kanadaa).