Fɛɛlandɩ
Fɛɛlandɩ kɛna Erɔpɩ nɛ hayʊ kiŋ ɛjaɖɛ naɖɩyɛ nɛ ɖɩwɛ Erɔpɩ ajɛya kɩkpɛndɩɣ ŋgbɛyɛ taa ɖooo pɩnaɣ 1995. Palitiki teŋu wɛ Fɛɛlandɩ ɛjaɖɛ nɛwɩsɩ ɖɩɖʊyɛ taa pɩkazɩ hadɛ kiŋ lɛ Fɛɛlandɩ lɩm ɛwadɩyɛ nzʊlɩmɩyɛ. Fɛɛlandɩ kɛna Erɔpɩ nɛ hayʊ kiŋ ɛjaɖɛ nɛ ɖɩfɛyɩ Scadinavie hɔɔlɩɣ taa.
Fɛɛlandɩ walanzɩ taa wɛ 338 145 km2 nɛ ɛjaɖɛ ɖɩnɛ ɖɩkɛ kɛŋna kakpanzɩ nɖɛ kɛ walanzɩ taa kɛ Erɔpʊ ajɛya kpeekpe kɩkpɛndɩɣ aŋgba taa. Ajɛya wena acɔ Fɛɛlandɩ nɛ ata yɔ ana yɔ: Rusi, wɩsɩ ɖɩlɩyɛ taa, hayʊ kiŋ lɛ Nɔrɩvɛzɩ nɛ Suyɛdɩ ɛjaɖɛ. Fɛɛlandɩ ɛjaɖɛ taa ɛyaa kpɛnda miliyɔɔnaa 5,3.
![](http://upload.wikimedia.org/wikipedia/commons/thumb/d/d1/Koli_National_Park_in_Northern_Karelia.jpg/220px-Koli_National_Park_in_Northern_Karelia.jpg)
Erɔpʊ taa lɛ ɛjaɖɛ nɖɩ dɩ-taa kɛ ɛyaa takɩlɩ ɖɔʊ nɛ ɛjaɖɛ nɖɩ ɖɩwɛ keteŋa kpeekpe taa ɛjɛya wena a-taa ɛyaa takɩlɩ ɖɔʊ ɖɔɖɔ. Fɛɛlandɩ ɛjaɖɛ tɛtʊ sɔsɔtʊ payaɣ se Hɛlisinki nɛ kʊnʊmɩŋ weyi pɔyɔɔdɩɣ komina tʊma taa nɛ weyi pawɩlɩɣ sukilinaa taa yɔ ɛnʊ lɛ finuwa nɛsuyɛdʊwa.
![](http://upload.wikimedia.org/wikipedia/commons/thumb/5/58/Kuusiluoto_oulu_20030906.jpg/220px-Kuusiluoto_oulu_20030906.jpg)
Fɛɛlandɩ tɛtʊ ñʊʊtʊ kɩfalʊ payaɣ se Snauli Niinistö nɛ kewiyaɣ ñɩnʊ yɔ Juha Sipilä. Erɔpʊ taa payɩ lɛ ɛjaɖɛ ɖɩnɛ ɖɩkɛna kacalaɣ ñɩnɖɛ nɖɩ ɖɩlɛɣ halaa waɖɛ haʊ se pɔtɔ cacanaa yɔ nɛ keteŋa kpeekpe taa lɛ peeɖe ɖɔɖɔ pɛlɛɣ halaa haʊ waɖɛ se papɩzɩɣ pasɩɩ pa-takayasɩ nɛ yee palɩzɩ-wɛ lɛ pɛkɛ tɛtʊ ñʊntɩnaa.
![](http://upload.wikimedia.org/wikipedia/commons/thumb/9/99/Lahti_skijumps.jpg/220px-Lahti_skijumps.jpg)