რენდი ნიუმენი

რენდი ნიუმენი
რენდი ნიუმენი 1975 წელს
ბიოგრაფია
ნამდვილი სახელი	რენდალ სტიუარტ ნიუმენი
დაბ. თარიღი	28 ნოემბერი, 1943(1943-11-28) (81 წლის)
დაბ. ადგილი	ლოს-ანჯელესი, კალიფორნია
ჟანრ(ებ)ი	როკი პოპი კინომუსიკა
საქმიანობა	მომღერალი სიმღერების ავტორი არანჟირება პიანისტი
ინსტრუმენტ(ებ)ი	ვოკალი პიანინო გიტარა
ლეიბლ(ებ)ი	Warner Bros. Reprise Walt Disney DreamWorks Interscope Nonesuch Elektra Columbia
საიტი	randynewman.com
რენდი ნიუმენი ვიკისაწყობში

რენდალ სტიუარტ ნიუმენი (ინგლ. Randall Stuart Newman; დ. 28 ნოემბერი, 1943) — ამერიკელი მომღერალი, კინოკომპოზიტორი, პიანისტი, სიმღერებისა და არანჟირების ავტორი, რომელიც ცნობილია თავისი გამორჩეული ხმის ტემბრითა და კინოკომპოზიციებით.

რენდი ნიუმენი დაიბადა 1943 წელს ლოს-ანჯელესში, ებრაულ ოჯახში. ბავშვობა გაატარა ახალ ორლეანში, ლუიზიანის შტატში. როდესაც ნიუმენს 11 წელი შეუსრულდა, ოჯახი კვლავ ლოს-ანჯელესში დაბრუნდა საცხოვრებლად. სკოლის დასრულების შემდეგ ჩაირიცხა კალიფორნიის უნივერსიტეტში.

ნიუმენმა სიმღერების წერა 17 წლის ასაკში დაიწყო. 1961 წელს გამოსცა პირველი სინგლი „Golden Gridiron Boy“. 1968 წელს გამოვიდა მისი სადებიუტო ალბომი „Randy Newman“. ამას მოჰყვა მეორე ალბომი „12 Songs“ 1970 წელს. მომდევნო ალბომი სახელწოდებით „Sail Away“ გამოსცა 1972 წელს, რომელმაც ბილბორდის ჩარტში 163 პოზიცია დაიკავა. 1971 წელს საკუთარი თავი მოსინჯა კომპოზიტორის რანგში და შექმნა მუსიკა ნორმან ლირის სატირიული კომედიური ფილმისთვის „Cold Turkey“.

1980-იანი წლებიდან დღემდე, იგი ძირითადად მოღვაწეობს როგორც კინოკომპოზიტორი. მას დაწერილი აქვს მუსიკა ფილმებისთვის: „რეგტაიმი“ (1981), „ბუნებრივი“ (1984), „გამოფხიზლება“ (1990), „ფლეზენთვილი“ (1998), „შეხვედრა მშობლებთან“ (2000), „ფავორიტი“ (2003) და „ტყავისქუდიანები“ (2008). მას აგრეთვე ეკუთვნის დისნეი-პიქსარის ცხრა ანიმაციური ფილმის მუსიკა: „სათამაშოების ისტორია“ (1995), „ჯეიმზი და გიგანტური ატამი“ (1996), „მწერის ცხოვრება“ (1998), „სათამაშოების ისტორია 2“ (1999), „მონსტრების კორპორაცია“ (2001), „მანქანები“ (2006), „პრინცესა და ბაყაყი“ (2009), „სათამაშოების ისტორია 3“ (2010), „მონსტრების უნივერსიტეტი“ (2013), „მანქანები 3“ (2017) და „სათამაშოების ისტორია 4“ (2019).

ნიუმენს მიღებული აქვს ოსკარის ოცი ნომინაცია საუკეთესო ორიგინალური მუსიკისა და საუკეთესო ორიგინალური სიმღერის კატეგორიებში, საიდანაც მოგებული აქვს ორი. იგი აგრეთვე სამი ემის, შვიდი გრემისა და ხუთი ენის მფლობელია.

ნიუმენი შეყვანილია სიმღერების ავტორთა (2002), დისნეის ლეგენდებისა (2007) და როკ-ენ-როლის დიდების დარბაზებში (2013). 2010 წელს გაიხსნა მისი სახელობის ვარსკვლავი ჰოლივუდის დიდების ხეივანში.

დისკოგრაფია

სტუდიური ალბომები

• Randy Newman (1968)
• 12 Songs (1970)
• Sail Away (1972)
• Good Old Boys (1974)
• Little Criminals (1977)
• Born Again (1979)
• Trouble in Paradise (1983)
• Land of Dreams (1988)
• Bad Love (1999)
• Harps and Angels (2008)
• Dark Matter (2017)

კინომუსიკა

• „წარმოდგენა“
• „Cold Turkey“ (1971)
• „რეგიტაიმი“ (1981)
• „ბუნებრივი“ (1984)
• „მშობლები“ (1989)
• „ავალონი“ (1990)
• „გამოფხიზლება“ (1990)
• „გაზეთი“ (1994)
• „მევერიკი“ (1994)
• „სათამაშოების ისტორია“ (1995)
• „ჯეიმზი და გიგანტური ატამი“' (1996)
• „მაიკლი“ (1996)
• „მწერის ცხოვრება“ (1998)
• „ფლეზენთვილი“(1998)
• „სათამაშოების ისტორია 2“ (1999)
• „შეხვედრა მშობლებთან“ (2000)
• „მონსტრების კორპორაცია“ (2001)
• „ფავორიტი“ (2003)
• „ფოკერების გაცნობა“ (2004)
• „მანქანები“ (2006)
• „ტყავისქუდიანები“ (2008)
• „პრინცესა და ბაყაყი“ (2009)
• „სათამაშოების ისტორია 3“ (2010)
• „მონსტრების უნივერსიტეტი“ (2013)
• „მანქანები 3“ (2017)
• „მაიროვიცის ოჯახის ისტორიები“ (2017)
• „სათამაშოების ისტორია 4“ (2019)

რესურსები ინტერნეტში

ვიკისაწყობში არის გვერდი თემაზე:

რენდი ნიუმენი

• ოფიციალური საიტი
• რენდი ნიუმენი კინოფილმების ინტერნეტ-მონაცემთა ბაზაში
• რენდი ნიუმენი საიტზე Discogs
• რენდი ნიუმენი — როკ-ენ-როლის დიდების დარბაზი
• რენდი ნიუმენი — The Guardian