მაიკლ ჯექსონი
სტატიას ან სექციას სჭირდება განახლება. |
მაიკლ ჯექსონი | |
---|---|
ინგლ. Michael Jackson | |
![]() მაიკლ ჯექსონი 1988 წელს | |
ბიოგრაფია | |
ნამდვილი სახელი | მაიკლ ჯოზეფ ჯექსონი[1] |
აგრეთვე ცნობილი როგორც | მაიკლ ჯო ჯექსონი |
დაბ. თარიღი | 29 აგვისტო, 1958[2] [3] [4] [5] [6] [7] [8] [9] [10] [11] [12] [13] |
დაბ. ადგილი | გერი, ინდიანა, აშშ |
გარდ. თარიღი | 25 ივნისი, 2009[14] [2] [15] [16] [17] [5] [6] [7] [18] [9] [10] [12] [13] (50 წლის) |
გარდ. ადგილი | ლოს-ანჯელესი, კალიფორნია, აშშ[2] [14] |
დასაფლავებულია | ფორესტ-ლაუნის მემორიალური პარკი[19] |
ეროვნება | აფრო-ამერიკელები[20] |
ჟანრ(ებ)ი | რითმ-ენდ-ბლუზი, პოპ, როკი, სოული, საცეკვაო მუსიკა, ნიუ ჯეკ სვინგი, ფანკი, დისკო |
საქმიანობა | მომღერალი, სიმღერების ავტორი, პროდიუსერი, არანჟირების ავტორი, მოცეკვავე, ქორეოგრაფი, მსახიობი, ბიზნესმენი, ქველმოქმედი |
ინსტრუმენტ(ებ)ი | ვოკალი, ბიტბოქსი[21], პერკუსია, ფორტეპიანო[22], დასარტყმელი საკრავები |
აქტიური | 1964–2009 |
ლეიბლ(ებ)ი | Motown, Epic, Legacy |
ხელმოწერა |
![]() |
საიტი | michaeljackson.com |
მაიკლ ჯექსონი ვიკისაწყობში |
მაიკლ ჯექსონი (ინგლ. Michael Jackson, ნამდვილი სახელი — მაიკლ ჯოზეფ ჯექსონი (Michael Joseph Jackson); დ. 29 აგვისტო, 1958 — გ. 25 ივნისი, 2009), აგრეთვე ცნობილი როგორც MJ, პოპის მეფე, მაიკლ ჯო ჯექსონი — ამერიკელი მუსიკოსი, მსახიობი და პოპ-კერპი. მისი წარმატებული კარიერა და სკანდალური პირადი ცხოვრება 40 წლის მანძილზე პოპ კულტურის ნაწილი იყო. თავდაპირველად მან სახელი გაითქვა ძმებთან ერთად, ჯგუფით The Jackson 5, ხოლო 1971 წლიდან სოლო კარიერა დაიწყო.
1980-იანი წლების დასაწყისში მაიკლი იქცა დომინირებად ფიგურად პოპულარულ მუსიკაში. მისი სიმღერების ვიდეოკლიპებმა, განსაკუთრებით „Beat It“, „Billie Jean“ და „Thriller“ მნიშვნელოვანი წვლილი შეიტანეს ვიზუალური ხელოვნების, კერძოდ, ვიდეოკლიპების ტრადიციების განვითარებაში, რამაც ტელეარხ MTV-საც დიდი პოპულარობა მოუტანა. 1990-იან წლებში მაიკლი ასევე იყო ტელეეთერის მუდმივი მონაწილე, მაგალითად, კლიპებით „Black or White“ და „Scream“. სასცენო გამოსვლებისა და მუსიკალური კლიპების დახმარებით ჯექსონმა პოპულარობა მოუტანა საკუთარ საცეკვაო ილეთებს, როგორიც იყო „რობოტის ცეკვა“ და „გასეირნება მთვარეზე“. მისი სიმღერების ჟღერადობისა და ვოკალური შესრულების ტექნიკამ გავლენა იქონია ჰიპ ჰოპზე, პოპზე, თანამედროვე რითმ-ენდ-ბლუზსა და როკ-მუსიკაზე.
ჯექსონის 1982 წლის დისკი Thriller ითვლება ყველა დროის ყველაზე გაყიდვად ალბომად. მისი სხვა ალბომები, მათ შორის Off the Wall (1979), Bad (1987), Dangerous (1991) და HIStory (1995) ასევე ითვლება მსოფლიო ბესტსერებად. ჯექსონი იმ რამდენიმე შემსრულებელს შორის არის, რომლებიც როკ-ენ-როლის დიდების დარბაზში ორჯერ შეიყვანეს. იგი ასევე შეყვანილი იქნა ცეკვის დიდების დარბაზში როგორც პირველი და ჯერჯერობით ერთადერთი მოცეკვავე პოპისა და როკ-ენ-როლის სამყაროდან. მის დამსახურებებსა და ჯილდოებს შორის არის: გინესის მსოფლიო რეკორდები, 13 გრემი, 26 ამერიკული მუსიკის ჯილდო (ყველაზე მეტი ამ ჯილდოს არსებობის ისტორიაში, მათ შორის - „საუკუნის შემსრულებლის“ კატეგორიაში); 13 სინგლი, მოხვედრილი #1 პოზიციაზე აშშ-ს ჩარტებში მისი სოლო-კარიერის მანძილზე და მსოფლიო მასშტაბით გაყიდული დაახლოებით 750 მილიონი ჩანაწერი. ჯექსონს ასევე მიღებული აქვს არაერთი ჯილდო.
მაიკლი ასევე იყო ცნობილი ფილანტროპი და ჰუმანისტი, რომელიც აქტიურად თანამშრომლობდა და მილიონობით აშშ დოლარით უზრუნველყოფდა რამდენიმე ათეულ ფონდს. დევიდ უინტერსის თანახმად, მაიკლი ათეულობით მილიონ დოლარს ანონიმურად გადასცემდა ბავშვთა საქველმოქმედო ფონდებს და დროის დიდ ნაწილს უთმობდა მძიმედ დაავადებული ბავშვების მონახულებას. საავადმყოფოებში ვიზიტის დასრულებისთანავე იგი ინტერესდებოდა, თუ რა იყო აუცილებელი ამა თუ იმ ბავშვისათვის და ასევე ანონიმურ გადარიცხვებს აწარმოებდა, რათა საავადმყოფოებს შეეძინათ შესაბამისი საშუალებები.[23]
ჯექსონის ცხოვრების ასპექტები, მათ შორის, ცვლილებები მის გარეგნობაში, პირადი ურთიერთობები და ქცევები იწვევდნენ სკანდალებს. 1993 წელს იგი დადანაშაულებული იქნა მცირეწლოვანთა მიმართ სექსუალურ ძალადობაში, თუმცა მოგვიანებით მისი ბრალეულობა დამტკიცებული არ იქნა. 2005 წელს მას იგივე მიზეზით უჩივლეს, მაგრამ მაიკლი კვლავ უდანაშაულოდ სცნეს.
კონცერტების სერიის This Is It მომზადების პერიოდში მაიკლი გარდაიცვალა, რის მიზეზად ოფიციალურად იქნა დასახელებული პროპოფოლისა და ლორაზეპამის ჭარბი რაოდენობა. წარმოიშვა ვარაუდები, რომ მრავალი შეცდომა მუსიკოსის მკურნალობისას დაუშვა მისმა პირადმა ექიმმა, კონრად მიურეიმ. მაიკლის დასაფლავების ცერემონია გადაიცემოდა პირდაპირ ტელეეთერში - მას დაახლოებით მილიარდი ადამიანი ადევნებდა თვალს.
2010 წლის მარტში კომპანიამ Sony Music Entertainment ხელი მოაწერა სპეციალურ კონტრაქტს ჯექსონის მემკვიდრეებთან, რითაც მას 2017 წლამდე გაუხანგრძლივდა მაიკლის ჩანაწერების გამოყენების უფლება. შესაბამისად, კომპანის უფლება მიეცა, ამ ვადაში გამოეცა შვიდი ალბომი მუსიკოსის გამოუცემელი მასალით.
ბიოგრაფია
[რედაქტირება | წყაროს რედაქტირება]ბავშვობა და The Jackson 5
[რედაქტირება | წყაროს რედაქტირება]მაიკლ ჯექსონი დაიბადა ჯოზეფ და კეტრინ ჯექსონების ოჯახში, ქალაქ გერიში (ინდიანას შტატი). იგი იყო მერვე ათი შვილიდან. ჯოზეფმა შექმნა ოჯახური ჯგუფი Jackson 5, რომელიც თავდაპირველად გამოდიოდა მხოლოდ ადგილობრივ ბარებსა და კლუბებში. თუმცა, ამავე დროს, დამოუკიდებელ ლეიბლზე Steeltown Records ჩაწერილი იქნა ორი სინგლი, ხოლოდ 1969 წელს, ბობი ტეილორის დახმარებით მათ მოაწერეს ხელი კონტრაქტს მსხვილ ლეიბლთან Motown Records.
მალე ჯექსონების ოჯახი ცნობილი გახდა მთელი ქვეყნის მასშტაბით, ხოლო 1970 წელს მათი პირველი ოთხი სინგლი სხვადასხვა დროს მოხვდა ამერიკული ჩარტების #1 ადგილზე. მაიკლი გამოირჩეოდა ყველასგან და უკვე ითვლებოდა წამყვან ძალად მთელ კოლექტივში, მით უმეტეს, რომ სწორედ მას ერგებოდა ხოლმე მთავარი ვოკალური სოლო-პარტიები. ის იქცევდა ყურადღებას ცეკვის საოცარი სტილით და სცენაზე მოძრაობის მანერით, რომელიც შეიმუშავა თავისი მუსიკალური კერპების, ჯეიმზ ბრაუნისა და ჯეკი უილსონის გავლენით.
სოლო-კარიერის დაწყება
[რედაქტირება | წყაროს რედაქტირება]1973 წლიდან ხუთეულის პოპულარობამ იკლო და 1976 წლიდან კონტრაქტი გაფორმა სხვა კომპანიასთან, რასაც მოჰყვა ჯგუფის სახელის უბრალოდ The Jacksons-ით ჩანაცვლება. 1976-1984 წლებში მათ გამოსცეს კიდევ 6 ალბომი. ამასობაში მაიკლმა დაიწყო სოლო-კარიერა და გამოუშვა ოთხი წარმატებული სოლო-ალბომი.
1978 წელს მან დაიანა როსთან ერთად მონაწილეობა ფილმში The Wiz, რომელიც იყო ეკრანიზაცია ბროდვეის მიუზიკლისა ოზის საოცარი ჯადოქარი. გადაღებების დროს მან გაიცნო მუსიკალური რეჟისორი კუინსი ჯონსი, რომელიც მისი ყველაზე ცნობილი ალბომების პროდიუსერად იქცა. აქედან პირველმა, Off the Wall (1979) წარადგინა მაიკლი, როგორც ნიჭიერი ახალგაზრდა მომღერალი, ხოლო სასცენო პროგრამამ - როგორც შესანიშნავი მოცეკვავე. ჩარტების სათავეში მოექცა სინგლები Don’t Stop 'Til You Get Enough და Rock With You, თავად ალბომი კი გაიყიდა 20 მილიონი ასლის ოდენობით. ბევრი კრიტიკოსი დღემდე თვლის, რომ ეს დისკი იყო დისკოს ჟანრის უკანასკნელი მნიშვნელოვანი ჩანაწერი.
Thriller და მოტაუნის 25-ე იუბილე (1982–83)
[რედაქტირება | წყაროს რედაქტირება]1982 წელს ჯექსონმა ფილმისათვის „უცხოპლანეტელი“ (რეჟ.: სტივენ სპილბერგი) ჩაწერა სიმღერა „Someone In the Dark“. იმავე წელს გამოიცა მაიკლის ლეგენდარული ალბომი Thriller, რომელიც თითქმის დამატებითი პრომოკამპანიის გარეშე იქცა ყველა დროის ერთ-ერთ გაყიდვად და ცნობილ მუსიკალურ ალბომად. სინგლები ამ ალბომიდან („Billie Jean“, „Beat It," და „Wanna Be Startin' Somethin'“) ფიგურირებდნენ სხვადასხვა ქვეყნის საუკეთესო სიმღერების ჰიტ-აღლუმებში. ალბომს მიენიჭა ორმაგი ალმასის სტატუსი, მთელ მსოფლიოში გაყიდული 29 მილიონი დისკისათვის. იგი კვლავ რჩება მსოფლიოს ყველაზე გაყიდვად მუსიკალურ ალბომად. დღეისათვის გაყიდულის მისი დაახლოებით 110 მილიონი ასლი.
პირადი ცხოვრება
[რედაქტირება | წყაროს რედაქტირება]1994 წლის მაისში, მომღერალი მაიკლ ჯექსონი დაქორწინდა ცნობილი მომღერლის ელვის პრესლის შვილზე, ლიზა მარი პრესლიზე. ისინი მალევე დაშორდნენ, რადგან ლიზამ მაიკლს შვილი არ გაუჩინა. თუმცა 2010 წლის ბოლოს ლიზამ ჩაწერა ოპრა უინფრისთან ინტერვიუ სადაც იგი დაუფარავად საუბრობს მისი და მაიკლის ურთიერთობაზე და აღნიშნავს, რომ მათ ერთმანეთი ნამდვილად უყვარდათ.
1996 წლის 14 ნოემბერს მეორედ იგი დაქორწინდა დები როუზე. მათი ქორწინება ბევრად ხანგრძლივი გამოდგა ვიდრე ლიზა მარი პრესლისთან, მაიკლ ჯექსონს დები როუსგან ეყოლა შვილები: პრინს მაიკლ ჯოზეფ ჯექსონი და ქალიშვილი პერის ჯექსონი .
მალევე ისინი დაშორდნენ დებიმ კი განაცხადა: „მაიკლს ძალიან უნდოდა შვილები, ის არის საუკეთესო მამა. მე შვილები არ მიმიტოვებია, უბრალოდ შვილები მხოლოდ მაიკლის გამო გავაჩინე.“
ცნობილია, რომ მაიკლ ჯექსონი, როგორც მამა, თავის მოვალეობებს პირნათლივ ასრულებს. ეს განაცხადა მისი სიკვდილის შემდეგ პერის ჯექსონმაც:
მამიკო იყო საუკეთესო მამა, რომელიც კი შეიძლებოდა ოდესმე წარმოგედგინათ, მე მხოლოდ მინდოდა მეთქვა, რომ ის ძლიერ მიყვარს.
მაიკლის ირგვლივ სწორედ ამან გამოიწვია დიდი სკანდალი, მისი არანორმალური სიყვარული ბავშვების მიმართ იქცა იმის საბაბად, რომ მისთვის ეჩივლათ სასამართლოში პედოფილიისთვის. ცნობილია რომ მაიკლ ჯექსონის წინააღმდეგ 2 სასამართლო ჩატარდა და ვერც ერთზე ვერ დამტკიცდა მისი დამნაშავეობა. პირველად მბრალდებელი იყო ჯორდან ჩენდლერი, რომლის მამამაც აღიარა, რომ ჯექსონისგან ფულის გამოძალვის მიზნით მოიქცა ასე, ხოლო მეორე — ერვინ გავიზო, რომლის მშობლებმაც ასევე ტყუილად დასდეს ბრალი მაიკლს.
გარდაცვალება
[რედაქტირება | წყაროს რედაქტირება]2009 წლის, 25 ივნისს, დილით, კონრად მიურეიმ მაიკლ ჯექსონს გაუკეთა პროპოფოლის ინექცია და დატოვა იგი. დაახლოებით 2 საათში მიურეი დაბრუნდა პაციენტთან და იპოვა მაიკლი საწოლზე დაღებული პირით და თვალებით. მან სცადა მაიკლის რეანიმირება მაგრამ არაფერი გამოუვიდა. 12:21 ტეხასის დროით 911-ში დაფიქსირდა ზარი. სასწრაფო 3 წუთსა და 17 წამში ადგილზე იყო, ამ დროს კი მაიკლს უკვე გული გაჩერებული ჰქონდა და ექიმებმა გულის რეანიმაციის ჩატარება დაიწყეს. მაიკლის სიცოცხლის დაბრუნებას ისინი ეცადნენ 1 საათი კალიფორნიის სამედიცინო უნივერსიტეტის მიყვანის შემდეგ (13:14) მაგრამ ამაოდ. 14:26 მაიკლის სიკვდილის დროდ დააფიქსირეს. მაიკლის დაკრძალვის შესახებ ბევრი საიდუმლო და ჭორი ვრცელდებოდა, საბოლოოდ იგი დაკრძალეს ხუთშაბათს, 3 სექტემბერს ფორესტ-ლაუნის სასაფლაოზე. ლოს-ანჯელესის მთავრობა იძიებდა მაიკლ ჯექსონის მკვლელობას მათ ჩათვალეს ექიმების მოქმედებები როგორც მკვლელობა ამიტომ გამოძიება აღიძვრა. 2011 წლის ნოემბერში კონრად მიურეი აღიარებული იქნა მაიკლის უნებლიე მკვლელად და მიესაჯა 4 წელი პატიმრობა და ასევე წაერთვა ექიმის ლიცენზია.
დისკოგრაფია
[რედაქტირება | წყაროს რედაქტირება]- Got to Be There (1972)
- Ben (1972)
- Music & Me (1973)
- Forever, Michael (1975)
- Off the Wall (1979)
- Thriller (1982)
- Bad (1987)
- Dangerous (1991)
- HIStory: Past, Present and Future, Book I (1995)
- Invincible (2001)
რესურსები ინტერნეტში
[რედაქტირება | წყაროს რედაქტირება]![](http://upload.wikimedia.org/wikipedia/commons/thumb/4/4a/Commons-logo.svg/35px-Commons-logo.svg.png)
- ოფიციალური საიტი
- მაიკლ ჯექსონი საიტზე Discogs
- Michael Jackson კინოფილმების ინტერნეტ-მონაცემთა ბაზაში
- Michael Jackson AllMusic-ზე
- მაიკლ ჯექსონის გავლენა ჰიპ-ჰოპზე დაარქივებული 2011-06-22 საიტზე Wayback Machine.
- მაიკლ ჯექსონის საკონცერტო ფოტოები დაარქივებული 2011-01-24 საიტზე Wayback Machine.
- მაიკლის სიმღერების ნაწყვეტები, გამოყენებული სხვა შემსრულებლების მიერ
- მაიკლ ჯექსონი დაარქივებული 2012-06-17 საიტზე Wayback Machine. MTV-ს გვერდზე
- FBI-ს დოსიე მაიკლის შესახებ
სქოლიო
[რედაქტირება | წყაროს რედაქტირება]- ↑ County of Los Angeles Department of Health Services. (2009). Michael Jackson death certificate.
- ↑ 2.0 2.1 2.2 Deutsche Nationalbibliothek Record #118711083 // ინტეგრირებული ნორმატიული ფაილი — 2012—2016.
- ↑ Jackson, Michael, 1958-2009 — 2010.
- ↑ Michael Jackson — 1996.
- ↑ 5.0 5.1 Babelio — 2007.
- ↑ 6.0 6.1 Discogs — 2000.
- ↑ 7.0 7.1 Nederlandse Top 40
- ↑ Michael Joseph Jackson
- ↑ 9.0 9.1 GeneaStar
- ↑ 10.0 10.1 Roglo — 1997. — 10000000 ეგზ.
- ↑ Proleksis enciklopedija, Opća i nacionalna enciklopedija — 2009.
- ↑ 12.0 12.1 The Fine Art Archive — 2003.
- ↑ 13.0 13.1 Munzinger Personen
- ↑ 14.0 14.1 Michael Jackson Artist Biography by Steve Huey — Allmusic.
- ↑ SNAC — 2010.
- ↑ Find a Grave — 1996.
- ↑ ბროკჰაუზის ენციკლოპედია
- ↑ https://www.europe1.fr/culture/exclusif-voici-lemplacement-exact-du-tombeau-de-michael-jackson-3906414
- ↑ BlackPast.org — 2004.
- ↑ Jackson beatboxing.
- ↑ The Story Behind Michael Jackson's Infectious, Newly Released Song (June 5, 2012).
- ↑ David Winters remembers Michael Jackson « Magick Papers & Nightlife Thailand. Magickpapers.com. დაარქივებულია ორიგინალიდან — ივლისი 2, 2015. ციტირების თარიღი: May 16, 2011.
|
|
- დაბადებული 29 აგვისტო
- დაბადებული 1958
- აშშ-ში დაბადებულები
- გარდაცვლილი 25 ივნისი
- გარდაცვლილი 2009
- ამერიკაში გარდაცვლილები
- ამერიკელი ქველმოქმედები
- ამერიკელი მომღერლები
- ამერიკელი მუსიკოსები
- ამერიკელი მოცეკვავეები
- ამერიკელი ქორეოგრაფები
- ამერიკელი მუსიკალური პროდიუსერები
- გრემის ჯილდოს მფლობელები
- The Jackson 5-ის წევრები
- მაიკლ ჯექსონი
- XX საუკუნის ამერიკელი ბიზნესმენები
- როკ-ენ-როლის დიდების დარბაზში შესული შემსრულებლები