ვიტენბერგი

ვიტენბერგი
Lutherstadt Wittenberg
ქალაქი
	ვიტენბერგი; Lutherstadt Wittenberg
	გერბი
ქვეყანა	გერმანია
მხარე	საქსონია-ანჰალტი
კოორდინატები	51°52′00″ ჩ. გ. 12°39′00″ ა. გ. / 51.86667° ჩ. გ. 12.65000° ა. გ.
მაიორი	Torsten Zugehör
ფართობი	240.32 კმ²
ცენტრის სიმაღლე	67 მ
მოსახლეობა	49,914 კაცი (2009)
სიმჭიდროვე	208 კაცი/კმ²
სასაათო სარტყელი	UTC(UTC+1/+2)
სატელეფონო კოდი	03491
საფოსტო ინდექსი	06295
საავტომობილო კოდი	WB
ოფიციალური საიტი	wittenberg.de
	ვიტენბერგი ვიკისაწყობში

ვიტენბერგი (გერმ. Lutherstadt Wittenberg), ოფიციალურად ლუთერშტადტ-ვიტენბერგი — ქალაქი გერმანიის საქსონია-ანჰალტის მხარეში, მდინარე ელბაზე. 2009 წლის მონაცემებით, მისი მოსახლეობა 49 914 ადამიანს შეადგენს.^[1]

ქალაქის ისტორიული მნიშვნელობა მართლაც დიდია - ერთ დროს წარმოადგენდა საქსონიის საკურფიურსტოს ცენტრს, ასევე ამ ქალაქთანაა დაკავშირებული მარტინ ლუთერის მოღვაწეობა და შესაბამისად პროტესტანტული რეფორმაცია. ამ პერიოდს მრავალი შენობა-ნაგებობა უკავშირდება, მათ შორისაა ავგუსტინელთა მონასტერი, სადაც ლუთერი მოღვაწეობდა ჯერ როგორც ბერი, ხოლო შემდეგ ოჯახთან ერთად მისი მფლობელი გახდა. მონასტერი ამჟამად დაცულია და მსოფლიოში პირველ ლუთერისადმი მიძღვნილ მუზეუმს წარმოადგენს.

ისტორია

ვიტენბერგი XII საუკუნეში დაარსდა. XVI საუკუნის დასაწყისში მნიშვნელოვან ეკონომიკურ, ტექნიკურ და ხელოვნების ცენტრს წარმოადგენდა. აქ არსებული უნივერსიტეტის წყალობით, განსაკუთრებით ძლიერი იყო მისი პოზიციები ინტელექტუალური თვალსაზრისით. 1508 წლიდან, ამ უნივერსიტეტში მარტინ ლუთერი თეოლოგიას ასწავლიდა, სადაც 1517 წელს გამოაქვეყნა 95 თეზისი ინდულგენციების წინააღმდეგ. სწორედ ამ მომენტიდან, ვიტენბერგი პროტესტანტული რეფორმაციის სულისჩამდგმელი ხდება.

პირველად გერმანიაში, ასევე ვიტენბერგში მოხდა გერმანული სამართლის სწავლება 1797 წელს.

1996 წელს, ქალაქის მარტინ ლუთერთან დაკავშირებული მემორიალური ადგილები, ქალაქ აისლებენის ანალოგიურ ადგილებთან ერთად, იუნესკოკმ მსოფლიო მემკვიდრეობის სიაში შეიტანა.