დერეკ უოლკოტი
სერ დერეკ ელტონ უოლკოტი, (დ. 23 იანვარი, 1930 - გ. 17 მარტი, 2017 ) — სენტ-ლუსიელი პოეტი და დრამატურგი. მან მიიღო 1992 წლის ნობელის პრემია ლიტერატურაში. [19] იგი იყო ალბერტას უნივერსიტეტის პირველი გამორჩეული მეცნიერი, რომელიც ასწავლიდა ბაკალავრიატსა და მაგისტრატურაში წერის კურსებს. იგი ასევე მუშაობდა პოეზიის პროფესორად ესსექსის უნივერსიტეტში 2010 წლიდან 2013 წლამდე. მისი ნამუშევრები მოიცავს ჰომეროსის ეპიკური პოემის გამოძახილ ომეროსს (1990), რომელიც ბევრი კრიტიკოსის ხედვით „უოლკოტის მთავარი მიღწევად მიიჩნევა“. ნობელის პრემიაზე გამარჯვების გარდა, უოლკოტმა მიიღო მრავალი ლიტერატურული ჯილდო კარიერის განმავლობაში, მათ შორისაა ობის ჯილდო 1971 წელს მისი პიესისთვის ოცნება მაიმუნის მთაზე , მაკარტურის ფონდის „გენიოსის“ ჯილდო, ლიტერატურის სამეფო საზოგადოების ჯილდო, დედოფლის მედალი პოეზიისათვის, პირველი საპატიო პრიზი კარიბული ლიტერატურისათვის, [20] და 2011 წელს ტომას სტერნზ ელიოტის პრიზი მისი წიგნისთვის თეთრი ყანჩები. [21] .
ადრეული ცხოვრება და ბავშვობა
[რედაქტირება | წყაროს რედაქტირება]უოლკოტი დაიბადა და გაიზარდა კასტრიში, სენტ-ლუსიაში. ის იყო ალიქსის (მაარლინი) და ვორვიკ უოლკოტის ვაჟი. [22] მას ჰყავდა ტყუპი ძმა, დრამატურგი როდერიკ უოლკოტი და და - პამელა უოლკოტი. მისი ოჯახი ინგლისური, ჰოლანდიური და აფრიკული წარმოშობისაა, რაც ასახავს კუნძულის რთულ კოლონიურ ისტორიას, რომელსაც იგი იკვლევს თავის პოეზიაში. მის დედას, მასწავლებელს, უყვარდა ხელოვნება და ხშირად კითხულობდა ლექსებს სახლის გარშემო. [23] მისი მამა იყო საჯარო მოხელე და ნიჭიერი მხატვარი. იგი გარდაიცვალა, როდესაც უოლკოტი და მისი ძმა ერთი წლის იყვნენ და დედა ზრდიდათ. უოლკოტი გაიზარდა მეთოდისტურ სკოლებში. დედამისმა, რომელიც მეთოდისტური დაწყებითი სკოლის მასწავლებელი იყო, შვილებს შეუქმნა გარემო, სადაც მათი ნიჭის გამომუშავება შეიძლებოდა. [24] უოლკოტის ოჯახი იყო უმცირესობაში მყოფი მეთოდისტური საზოგადოების ნაწილი, რომელიც დაჩრდილული იყო საფრანგეთის კოლონიური მმართველობის დროს კუნძულზე დამყარებული კათოლიკური კულტურის გამო. [25]
ახალგაზრდა უოლკოტს მხატვრობაში წვრთნიდა ჰაროლდ სიმონსი. [26]. უოლკოტს მოწონდა სეზანი და ჯორჯონე და მათგან სწავლას ცდილობდა. [23] მოგვიანებით უოლკოტის ნახატები გამოიფინა ნიუ-იორკის ანიტა შაპოლსკის გალერეაში, სხვა მწერლების ხელოვნებასთან ერთად, 2007 წელს გამოფენაზე, სახელწოდებით მწერლის ფუნჯი: მწერლების მიერ შესრულებული ნახატები. [27] [28]
იგი სწავლობდა როგორც მწერალი და ძალიან უყვარდა ინგლისური ენა. მასზე ძლიერი გავლენა მოახდინეს მოდერნისტულმა პოეტებმა თომას სტერნზ ელიოტმა და ეზრა პაუნდმა.
14 წლის ასაკში უოლკოტმა გამოაქვეყნა თავისი პირველი ლექსი, რომელიც რელიგიური შინაარსის იყო. [23] 19 წლისთვის, უოლკოტმა დედის დახმარებით გამოაქვეყნა თავისი ლექსების პირველი ორი კოლექცია: 25 ლექსები (1948) და ეპიტაფია ახალგაზრდებისათვის: XII კანტოს (1949). მან მეგობრებს მიჰყიდა ასლები და ხარჯები დაფარა. [29] მოგვიანებით მან კომენტარი გააკეთა:
![]() |
„დედასთან მივედი და ვუთხარი: „ლექსების წიგნი მინდა გამოვაქვეყნო. ვფიქრობ, ამისათვის ორასი დოლარი დამჭირდება.“ ის მხოლოდ მკერავი და სკოლის მასწავლებელი იყო და მახსოვს, რომ ძალიან დამწუხრდა, რადგან სურდა, დამხმარებოდა. როგორღაც მან მიიღო საკმარისი თანხა - ბევრი ფული ქალისათვის, რომელიც ხელფასით ცხოვრობდა. მან ეს მომცა, მე კი ტრინიდადში გავაგზავნე და დავბეჭდე წიგნი. წიგნები როდესაც ჩამოვიდა, მეგობრებს მივყიდე. ფული უკან დავიბრუნე. [23] “
|
კარიერა
[რედაქტირება | წყაროს რედაქტირება]![](http://upload.wikimedia.org/wikipedia/commons/thumb/f/f0/Derek_Walcott%2C_VIII_Festival_Internacional.jpg/220px-Derek_Walcott%2C_VIII_Festival_Internacional.jpg)
სკოლის დამთავრების შემდეგ, უოლკოტი გადავიდა ტრინიდადში 1953 წელს, სადაც გახდა კრიტიკოსი, მასწავლებელი და ჟურნალისტი. [30] მან დააარსა ტრინიდადის თეატრის სემინარი 1959 წელს და აქტიურობდა დირექტორთა საბჭოში. [29]
იკვლევდა კარიბის ზღვის აუზსა და მის ისტორიას კოლონიალისტურ და პოსტ-კოლონიალისტურ ჭრილში. მისმა კოლექციამ „მწვანე ღამე: ლექსები 1948-1960“ (1962) მიიპყრო საერთაშორისო ყურადღება. მისი პიესა ოცნება მაიმუნის მთაზე (1970) გამოქვეყნდა შეერთებულ შტატებში NBC-TV- ზე გამოსვლის წელს. მაკაკი არის ამ პიესაში მთავარი გმირი და „მაკაკის მდგომარეობა წარმოადგენს კოლონიზირებული ადგილობრივების მდგომარეობას ძლიერი კოლონიზატორების მჩაგვრელი ძალების ქვეშ“. [31]
იგი მასწავლებლად დაიქირავეს შეერთებულ შტატებში, ბოსტონის უნივერსიტეტმა, სადაც მან დააარსა ბოსტონის დრამატურგთა თეატრი 1981 წელს. იმავე წელს მან მიიღო შეერთებულ შტატებში მაკარტურის ფონდის სტიპენდია. ორ ათწლეულზე მეტი ხნის განმავლობაში, უოლკოტი ბოსტონის უნივერსიტეტში ასწავლიდა ლიტერატურასა და მწერლობას. რეგულარულად აქვეყნებდა ლექსებისა და პიესების ახალი წიგნებს. 2007 წელს უოლკოტმა თანამდებობა დატოვა ბოსტონის უნივერსიტეტში. იგი დაუმეგობრდა სხვა პოეტებს, მათ შორის რუსი ექსპატრიანტ იოსიფ ბროდსკის, რომელიც 1970-იან წლებში გადასახლების შემდეგ ცხოვრობდა და მოღვაწეობდა აშშ-ში და ირლანდიელ შეიმას ჰინის, რომელიც ასევე ასწავლიდა ბოსტონში.
უოლკოტის ეპიკური პოემა ომეროსი (1990), რომელიც თავისუფლად ეხმიანება და ეხება სიმბოლოებს ილიადადან, კრიტიკოსების მხრიდან შეფასდა როგორც მისი „დიდი მიღწევა.“ წიგნმა ქება დაიმსახურა ისეთი პუბლიკაციებისგან, როგორებიცაა ვაშინგტონ პოსტი და New York Times Book Review, რომლებმაც ომეროსი აირჩიეს „1990 წლის ერთ-ერთ საუკეთესო წიგნად “. [32]
1992 წელს უოლკოტს მიენიჭა ნობელის პრემია ლიტერატურაში. დერეკი იყო მეორე კარიბელი მწერალი, რომელმაც მიიღო ეს პატივი სენტ-ჟონ პერსის შემდეგ, რომელიც დაიბადა გვადელუპაში და მიიღო ჯილდო 1960 წელს. ნობელის კომიტეტმა უოლკოტის ნაშრომს უწოდა „ბწყინვალე პოეტური ისტორიული ხედვა, რომელიც მულტიკულტურული ვალდებულების შედეგია“. 2004 წელს მან მიიღო ენისფილდ-ვულფის წიგნის ჯილდო [33] .
2009 წელს უოლკოტმა დაიწყო სამწლიანი გამორჩეული მოღვაწეობა ალბერტას უნივერსიტეტში. 2010 წელს გახდა ესექსის უნივერსიტეტის პოეზიის პროფესორი . [34]
სენტ-ლუსიას დამოუკიდებლობის დღისადმი მიძღვნილი დღესასწაულზე, 2016 წლის თებერვალში იგი გახდა სენტ-ლუსიას ორდენის ერთ-ერთი პირველი რაინდი. [35]
სექსუალური შევიწროების ბრალდება
[რედაქტირება | წყაროს რედაქტირება]1982 წელს ჰარვარდის მეორეკურსელმა სტუდენტმა დაადანაშაულა უოლკოტი სექსუალურ შევიწროებაში 1981 წლის სექტემბერში. 1996 წელს ბოსტონის უნივერსიტეტის სტუდენტმა უჩივლა უოლკოტს სექსუალური შევიწროებისა და „შეურაცხმყოფელი სექსუალური ფიზიკური კონტაქტისთვის“. მათ ორივემ მიაღწიეს შეთანხმებას. [36] [37]
2009 წელს უოლკოტი უძღვებოდა ოქსფორდის პოეზიის პროფესორის პოზიციას. მან მოხსნა კანდიდატურა 1981 და 1996 წლებში მის მიმართ სექსუალური შევიწროების ბრალდებების წაყენების შემდეგ. [38]
ამ თანამდებობაზე აირჩიეს რუთ პადელი, ასევე წამყვანი კანდიდატი. რამდენიმე დღის განმავლობაში, დეილი ტელეგრაფი იტყობინებოდა, რომ მან შეატყობინა ჟურნალისტებს შევიწროების შემთხვევების შესახებ. მედიისა და აკადემიური ზეწოლის პირობებში პადელი გადადგა. პადელი პირველი ქალი იყო, რომელიც აირჩიეს აღნიშნულ პოსტზე ოქსფორდში. ხოლო ზოგიერთმა ჟურნალისტმა მის კრიტიკას უწოდა შეცდომები და გენდერული ომი ოქსფორდში.[39][40]
უამრავმა პატივცემულმა პოეტმა, მათ შორის შეიმას ჰინიმ და ალ ალვარეზმა, გამოაქვეყნეს უოლკოტის მხარდაჭერის წერილი და აკრიტიკებდნენ მეორეკურსელ სტუდენტს. სხვა კომენტატორები ვარაუდობენ, რომ ორივე პოეტი მედიის ინტერესების მსხვერპლი გახდა. სიმონ არმიტაგმა და სხვა პოეტებმა სინანული გამოთქვეს პადელის გადაყენების გამო.
გარდაცვალება
[რედაქტირება | წყაროს რედაქტირება]უოლკოტი გარდაიცვალა სენტ-ლუსიაში, საკუთარ სახლში, 2017 წლის 17 მარტს. [41] ის 87 წლის იყო. [42] [43]
ლიტერატურა
[რედაქტირება | წყაროს რედაქტირება]- Baugh, Edward, Derek Walcott. Cambridge: Cambridge University Press, 2006.
- Breslin, Paul, Nobody's Nation: Reading Derek Walcott. Chicago: University of Chicago Press, 2001. ISBN 0-226-07426-9
- Burnett, Paula, Derek Walcott: Politics and Poetics. Gainesville: University Press of Florida, 2001.
- Fumagalli, Maria Cristina, The Flight of the Vernacular: Seamus Heaney, Derek Walcott and the Impress of Dante. Amsterdam-New York: Rodopi, 2001.
- Fumagalli, Maria Cristina, Agenda 39:1–3 (2002–03), Special Issue on Derek Walcott. Includes Derek Walcott's "Epitaph for the Young" (1949), republished here in its entirety.
- Hamner, Robert D., Derek Walcott. Updated edition. Twayne's World Authors Series. TWAS 600. New York: Twayne, 1993.
- King, Bruce, Derek Walcott and West Indian Drama: "Not Only a Playwright But a Company": The Trinidad Theatre Workshop 1959–1993. Oxford: Clarendon Press, 1995.
- King, Bruce, Derek Walcott, A Caribbean Life. Oxford: Oxford University Press, 2000.
- Terada, Rei, Derek Walcott's Poetry: American Mimicry. Boston: Northeastern University Press, 1992.
- Thieme, John, Derek Walcott. Manchester: Manchester University Press, 1999.
რესურსები ინტერნეტში
[რედაქტირება | წყაროს რედაქტირება]- British Council writers' profile, works listing, critical review
- Profile, poems written and audio at Poetry Archive
- Profile and poems at Poetry Foundation
- Profile, poems audio and written, Poetry of American Poets
- Profile and analysis, Emory University
- Profile, interviews, articles, archive. Prague Writers' Festival
- Edward Hirsch, "Derek Walcott, The Art of Poetry No. 37", The Paris Review, Winter 1986
სქოლიო
[რედაქტირება | წყაროს რედაქტირება]- ↑ 1.0 1.1 Deutsche Nationalbibliothek Record #118805940 // ინტეგრირებული ნორმატიული ფაილი — 2012—2016.
- ↑ Benezit Dictionary of Artists — OUP, 2006. — ISBN 978-0-19-977378-7
- ↑ SNAC — 2010.
- ↑ 4.0 4.1 ბროდვეის ინტერნეტ მონაცემთა ბაზა — 2000.
- ↑ 5.0 5.1 Find a Grave — 1996.
- ↑ 6.0 6.1 Discogs — 2000.
- ↑ 7.0 7.1 გუგენჰაიმის მუზეუმი — 1937.
- ↑ 8.0 8.1 ბროკჰაუზის ენციკლოპედია
- ↑ Derek Walcott Has Passed Away at 87
- ↑ https://web.archive.org/web/20170318010059/https://stluciatimes.com/2017/03/17/derek-walcott-died
- ↑ https://www.nobelprize.org/nobel_prizes/literature/laureates/1992/
- ↑ https://www.nobelprize.org/nobel_prizes/about/amounts/
- ↑ Guggenheim Fellows database
- ↑ https://web.archive.org/web/20101217065910/http://www.ox.ac.uk/about_the_university/university_year/encaenia/past_five_years/honorary06.html
- ↑ https://www.uah.es/es/conoce-la-uah/la-universidad/actos-academicos-e-institucionales/doctores-honoris-causa/DEREK-WALCOTT/
- ↑ https://web.archive.org/web/20091206051814/http://www.opm.gov.jm/opm_programmes/the_chancery_/_protocol/national_honours_and_awards/order_of_merit_om
- ↑ http://www.iobdb.com/Lortel/Sidewalk
- ↑ Derek Walcott – Biographical. Nobel Foundation (1992). ციტირების თარიღი: 18 March 2017.
- ↑ "Derek Walcott wins OCM Bocas Prize" დაარქივებული 2016-03-15 საიტზე Wayback Machine. , Trinidad Express Newspapers, 30 April 2011.
- ↑ Charlotte Higgins, "TS Eliot prize goes to Derek Walcott for 'moving and technically flawless' work", The Guardian, 24 January 2011.
- ↑ Mayer, Jane. (9 February 2004) The Islander. The New Yorker. ციტირების თარიღი: 20 March 2017.
- ↑ 23.0 23.1 23.2 23.3 Edward Hirsch, "Derek Walcott, The Art of Poetry No. 37", The Paris Review, Issue 101, Winter 1986.
- ↑ Puchner, Martin. The Norton Anthology of World Literature. 4th ed., f, W.W. Norton & Company, 2013.
- ↑ Grimes, William (17 March 2017). „Derek Walcott, Poet and Nobel Laureate of the Caribbean, Dies at 87“. The New York Times. ციტირების თარიღი: 18 March 2017.
- ↑ Harold Simmons. Folk Research Centre. დაარქივებულია ორიგინალიდან — 2019-04-28. ციტირების თარიღი: 2020-06-08.
- ↑ The Writer's Brush. CBS News.
- ↑ The Writer's Brush; September 11 – October 27, 2007. დაარქივებულია ორიგინალიდან — თებერვალი 1, 2015. ციტირების თარიღი: ივნისი 8, 2020.
- ↑ 29.0 29.1 "Derek Walcott", Academy of American Poets.
- ↑ British Puchner, Martin. The Norton Anthology of World Literature. 4th ed., f, W.W. Norton & Company, 2013.Council. Derek Walcott – British Council Literature. contemporarywriters.com.
- ↑ Islam, Md. Manirul.(April' 2019). "Derek Walcott's Dream on Monkey Mountain: A Complicated Presentation of Postcolonial Condition of the West Indians". New Academia. 8(2).
- ↑ „Editors' Choice: The Best Books of 1990“. ციტირების თარიღი: 18 March 2017.
- ↑ "Derek Walcott, 2004 – Lifetime Achievement", Winners – Anisfield-Wolf Book Award.
- ↑ Nobel Laureate Derek Walcott is new Professor of Poetry. University of Essex (11 December 2009). დაარქივებულია ორიგინალიდან — 2 May 2017. ციტირების თარიღი: 10 January 2010.
- ↑ „List of awards to be given on Independence Day“. St Lucia News Online. 22 February 2016. დაარქივებულია ორიგინალიდან — 3 დეკემბერი 2020. ციტირების თარიღი: 22 February 2016.
- ↑ „Poet Accused of Harassment“. ციტირების თარიღი: 25 March 2017.
- ↑ The Lecherous Professor: Sexual Harassment on Campus. Urbana. IL: University of Illinois Press.
- ↑ „Sex pest file gives Oxford poetry race a nasty edge“. The Sunday Times. 10 May 2009. ციტირების თარიღი: 5 April 2017.
- ↑ Halford, Macy. (7 January 2009) The Book Bench: Oxford's Gender Trouble. The New Yorker. ციტირების თარიღი: 20 September 2010.
- ↑ Gardner, Suzanne. (26 May 2009) Ruth Padel resigns, but the 'gender war' rages on. Quill and Quire. ციტირების თარიღი: 21 March 2017.
- ↑ „Derek Walcott has died“. 17 March 2017. დაარქივებულია ორიგინალიდან — 18 March 2017. ციტირების თარიღი: 17 March 2017.
- ↑ "World bids farewell to Derek Walcott"[მკვდარი ბმული], Jamaica Observer, 25 March 2017.
- ↑ "Derek Walcott laid to rest" დაარქივებული 2018-07-14 საიტზე Wayback Machine. , St. Lucia Times, 27 March 2017.
|
- ყველა სტატია მკვდარი გარე ბმულით - მაისი 2022
- დაბადებული 23 იანვარი
- დაბადებული 1930
- გარდაცვლილი 17 მარტი
- გარდაცვლილი 2017
- ნობელის პრემიის ლაურეატები ლიტერატურაში
- ბრიტანეთის იმპერიის ორდენის ოფიცრები
- XXI საუკუნის მამაკაცი მწერლები
- XX საუკუნის მამაკაცი მწერლები
- XXI საუკუნის დრამატურგები
- XX საუკუნის დრამატურგები
- ფორმალისტი პოეტები