ბოიან კრკიჩი
![]() | |||
პირადი მონაცემები | |||
---|---|---|---|
სრული სახელი | ბოიან კრკიჩ პერესი | ||
დაბადების თარიღი | 28 აგვისტო, 1990 | ||
დაბადების ადგილი |
ლინიოლა ესპანეთი | ||
სიმაღლე | 170 სმ | ||
სათამაშო პოზიცია |
თავდამსხმელი ნახევარმცველი | ||
ახალგაზრდული კარიერა | |||
1999–2006 | ბარსელონა | ||
პროფესიონალური კარიერა* | |||
წლები | გუნდი | მატჩი | (გოლი) |
2006–2007 | ბარსელონა ბ | 22 | (10) |
2007–2011 | ბარსელონა | 104 | (26) |
2011–2013 | რომა | 33 | (7) |
2012–2013 | → მილანი | 19 | (3) |
2013–2014 | ბარსელონა | 0 | (0) |
2013–2014 | → აიაქსი | 24 | (4) |
2014– | სტოკ სიტი | 53 | (14) |
2017 | → მაინცი 05 | 11 | (1) |
2017- | → ალავესი | 10 | (0) |
ეროვნული ნაკრები | |||
2008 | ესპანეთი | 1 | (0) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება |
ბოიან კრკიჩი (სერბ. Бојан Кркић Перес; დ. 28 აგვისტო, 1990, ლინიოლა, ესპანეთი) — სერბი ფეხბურთელი. ესპანურ კლუბ ბარსელონას თავდამსხმელი.
კარიერა
[რედაქტირება | წყაროს რედაქტირება]ბოიან კრკიჩ პერესი ლინიოლაში დაიბადა 1990 წლის 28 აგვისტოს. თანამედროვე მსოფლიო ფეხბურთის ერთ-ერთი პერსპექტიული ფეხბურთელი. ბოიან კრკიჩი ბარსელონას პირველ გუნდში 2006–07 წლებიდან ირიცხება, როდესაც იგი ჯერ მხოლოდ 16 წლისა იყო. სულ რაღაც ერთი წლის განმავლობაში მან, “ბარსა ბ”–ს გავლით, კლუბის ახალგაზრდული გუნდიდან, პირველ გუნდში ამოჰყო თავი.
“ბარსელონაში” ბოიანი 1999 წელს მივიდა და “ბენჟამი A”-ს წევრი გახდა. ახალგაზრდა ფეხბურთელი არნახული სისწრაფით ახერხებდა სიმაღეების დაპყრობას: 2000-01 წლების სეზონი მან “ალევი B” გუნდში გაატარა, შემდეგ იყო “ალევი A” 2001-02, “ინფანტილ B” 2002-03, “ინფანტილ A” 2003-04 და “კადეტ B” 2004-05 წლებში. 2005-06 წლების სეზონი ბოიანმა “კადეტ A”-ში დაიწყო, მაგრამ სეზონის მეორე ნაწილში “ჟუველინ A”-ში იქნა აღზევებული. ამგვარი სიტუაცია განმეორდა 2006-07 წლების სეზონში, რომელიც მან “ჟუველინ A”-ში დაიწყო და “ბარსა ბ”-ში დაასრულა. “ბარსას” მეორე გუნდში გატარებულ ნახევარ სეზონში ბოიანმა ათი გოლი გაიტანა და გუნდის საუკეთესო ბომბარდირი გახდა.
საფეხბურთო ევროპა ბოიანზე 2007 წელს ალაპარაკდა, როდესაც ევროპის 17 წლამდელთა ჩემპიონატის ფინალში მან ინგლისის ნაკრებს გამარჯვების გოლი გაუტანა და პირველი საერთაშორისო ჯილდო მოიგო. “ბარსას” პირველი გუნდის შემადგენლობაში ბოიანს დებიუტი ეგვიპეში გამართულ ამხანაგურ მატჩში ჰქონდა, რომელშიც მან გოლის გატანა მოახერხა. ესპანეთის 21 წლამდელთა ნაკრებში კი ბოიანმა ჯერ კიდევ მაშინ ითამაშა, როდესაც 16 წლის იყო.
2007/08 წლების სეზონი კრკიჩმა პირველ გუნდთან ერთად დაიწყო. იგი გუნდს აზიურ ტურნეზე ვერ გაყვა, რადგან მსოფლიოს 17 წლამდელთა ჩემპიონატზე იყო გამოძახებული. აღნიშნულ ჩემპიონატზე ბოიანმა 5 გოლის გატანა და ვერცხლის მედლების მოპოვება მოახერხა.
სამშობლოში დაბრუნების შემდეგ, ახალგაზრდა ბოიანს ფრანკ რეიკარდი როგორც ესპანეთის პირველობაზე, ასევე ჩემპიონთა ლიგაზეც აძლევდა თავის გამოჩენის საშუალებას. მან კლუბის ახალი რეკორდი დაამყარა, ითამაშა რა ჩემპიონთა ლიგაზე 17 წლის და 22 დღის ასაკში. ეს მოხდა 2007 წლის 19 სექტემბერს, როდესაც “ბარსას” მეტოქე ფრანგული “ლიონი” იყო. იმავე წლის 20 ოქტომბერს კი ბოიანი შეიქნა “ბარსას” ისტორიაში ყველაზე ახალგაზრდა მეგოლედ, როდესაც “ვილიარეალის” კარი 17 წლის, 1 თვის და 22 დღისამ აიღო. სულ რაღაც 22 დღე დააკლდა მას, რათა ქცეულიყო ჩემპიონთა ლიგის ისტორიაში გოლის ყველაზე ახალგაზრდა ავტორად. როდესაც ბოიანმა “შალკეს” კარი აიღო, იგი 17 წლის და 217 დღის იყო, რაც 22 დღით მეტი იყო რეკორდსმენის, ოფორი-კუაის მაჩვენებელზე.
2007-08 წლების სეზონში, ბოიანმა ესპანეთის ჩემპიონატში სასტარტო შემადგენლობაში 14 შეხვედრა ჩაატარა და 10 გოლის გატანა მოახერხა. 2008-09 წლებში, ესპანეთის ჩემპიონატში ბოიანმა მართალია მხოლოდ ორი გოლი გაიტანა, მაგრამ იგი გუნდს ესპანეთის თასის 25-ედ მოპოვებაში დაეხმარა, გაიტანა რა 9 შეხვედრაში 5 გოლი.
თვისებები
[რედაქტირება | წყაროს რედაქტირება]ბოიანი არის საკმაოდ სწრაფი ფეხბურთელი, რომელსაც შეუძლია იოლად გასცდეს მეტოქეს. მიუხედავად თავისი ასაკისა, ბოიანს თავისზე გაცილებით გამოცდილი მცველებისთვის სერიოზული პრობლემების შექმნა შეუძლია. მაგრამ კრკიჩის მთავარი თვისება მაინც შესანიშნავი საგოლე ალღოა.
მიღწევები
გუნდური მიღწევები
ესპანეთის ჩემპიონატი – 2008/09
ესპანეთის თასი – 2008/09
ესპანეთის სუპერთასი – 2009/10
ჩემპიონთა ლიგა – 2008/09
ევროპის სუპერთასი – 2009/10
მსოფლიოს ჩემპიონატი – 2009/10
ესპანეთის ნაკრები
17 წლამდელთა ევროპის ჩემპიონი – 2007
17 წლამდელთა მსოფლიოს ჩემპიონატის ვერცხლის პრიზიორი – 2007