Ubud
Ubud | |
---|---|
Town | |
![]() Ubud | |
Country | Indonesia |
Province | Bali |
Regency | Gianyar |
Zona wektu | UTC+08 |
- Kanggé Ubud minangka kacamatan, sumangga dipunpirsani Ubud, Gianyar.
![](http://upload.wikimedia.org/wikipedia/commons/thumb/7/75/COLLECTIE_TROPENMUSEUM_Rudolf_Bonnet_voor_zijn_huis_TMnr_60030468.jpg/300px-COLLECTIE_TROPENMUSEUM_Rudolf_Bonnet_voor_zijn_huis_TMnr_60030468.jpg)
Ubud inggih punika satunggalipun désa kalurahan ingkang mandhegani 13 banjar dhinas ingkang kapérang saking enem désa adat, kalebet Kacamatan Ubud, Kabupatèn Gianyar kanthi jarak 20 km saking Kutha Denpasar.[1] Saking Kutha Denpasar dhateng Ubud kinten-kinten 30 menit utawi 15 manawi saking Kutha Gianyar.[1] Wewengkon Ubud gadhah inggil kinten-kinten 300 saking lumah laut, amargi punika Ubud gadhah hawa seger.[1] Warga ing Ubud cacahipun kinten-kinten 9.800 tiyang.[1] Kanthi lingkungan ingkang taksih alami, wewengkon punika kalebet wewengkon sumber inspirasi tumrap para seniman, kalebet seniman manca nagari, mliginipun seniman saking Éropah.[1]
Sasanesipun gadhah alam ingkang éndah, Ubud ugi misuwur minangka désa budaya[2] ingkang sugih warisan sajarah para seniman ageng, mliginipun pelukis misuwur, kados I Gusti Nyoman Lempad (1862-1978), Anak Agung Gde Sobrat (1919-1992), I Gusti Made Deblog (1910-1986), I Gusti Ketut Kobot, Ida Bagus Made, Déwa Putu Bedil, Ida Bagus Rai, lan sanèsipun.[1] Taun 1920-an wonten kalih pelukis saking Éropah inggih punika Rudolf Bonnet saking nagari Walanda, lan Walter Spies saking jerman dados tiyang manca ingkang nglukis ing Ubud.[1] Kekalihipun tiyang punika nepangaken téknik éstetika Éropah mliginipun ing bab pencahayaan, bayangan, perspektif, lan anatomi.[1] Ubud dados langkung misuwur minangkaa wewengkon kalairan para seniman lukis amargi jasanipun Tjokordo Gde Agung Sukawati kaliyan Rudolf Bonnet ingkang damel satunggalipun pakempalan seniman ingkang dipunparingi nama Pita Maha.[3]
Pranala njawi
[besut | besut sumber]Cathetan suku
[besut | besut sumber]- ↑ a b c d e f g h Ubud Obyek wisata Bali dipunundhuh tanggal 8 Agustus 2011)
- ↑ Tempat Wisata Menarik di Bali - Ubud Archived 2011-10-11 at the Wayback Machine. dipunundhuh tanggal 8 Agustus 2011)
- ↑ Ubud Monkey Forest dipunundhuh tanggal 8 Agustus 2011)
Artikel iki minangka artikel rintisan. Kowé bisa ngéwangi Wikipédia ngembangaké. |