Sapu
![](http://upload.wikimedia.org/wikipedia/commons/thumb/f/f5/BambusaBrooms.jpg/225px-BambusaBrooms.jpg)
![](http://upload.wikimedia.org/wikipedia/commons/thumb/b/b0/BroomsforSale.jpg/225px-BroomsforSale.jpg)
![](http://upload.wikimedia.org/wikipedia/commons/thumb/3/3f/%22Arya%22_sapu_biasa.jpg/220px-%22Arya%22_sapu_biasa.jpg)
Sapu (ꦱꦥꦸ) ya iku salah sijiné piranti kanggo resik-resik kang awujud serat utawa serabut kaku lan lumrahé dipasang utawi ditaleni ing gagangé kang bundèr lan pasagi. Sajeroning kemajuan jaman sapu akèh ngalami owah wujud, wiwit saka pang wit-witan lan saka serat alami utawa gawéan manungsa, sapu rumiyin awujud bundèr, wujud kang gampang digawé. Nanging sapu kang awujud bunder iku mupangaté ora bisa migunani sakabèhané kanggo résik-résik amarga ora praktis. Sapu bisa ditalèni ing gagangé sing bunder utawa pasagi lan bisa dienggo resik-resik ana ing latar, dalan, payon, kebon lan sapanunggalané. Jinis-jinis sapu lan mupangaté miturut wujudé:
Jinis
[besut | besut sumber]Sapu Sada
[besut | besut sumber]![](http://upload.wikimedia.org/wikipedia/commons/thumb/e/e8/%22arya%22_Sapu_lidi_%EA%A6%B1%EA%A6%A5%EA%A6%B8_%EA%A6%AD%EA%A6%B6%EA%A6%A2%EA%A6%B6_%EA%A6%B1%EA%A6%8F_%EA%A6%AE%EA%A6%A2.jpg/220px-%22arya%22_Sapu_lidi_%EA%A6%B1%EA%A6%A5%EA%A6%B8_%EA%A6%AD%EA%A6%B6%EA%A6%A2%EA%A6%B6_%EA%A6%B1%EA%A6%8F_%EA%A6%AE%EA%A6%A2.jpg)
Sapu kang wujudé serabut digawé saka sada klapa utawa sada aren ya iku pérangan kang dadi siji ana ing godhong blarak jènénge sada. Sapu sada dimumpangatake kanggo resik-resik latar, dalan, lan kebon uga kanggo ngosèk jobin, lan jèdhing. Sapu sada ora bisa kanggo nyapu ana ing jobin kramik amarga lunyu lan mung bisa kanggo ngosèk, lumrahé ing satengahing masarakat sapu sada dienggo résik-résik latar.
Sapu Kelud
[besut | besut sumber]Sapu kang digawé saka serat sepet klapa, lan mupangaté kanggo resik-resik utawa nyapu ana ing lantai utawa jobin.Sapu Kelud lumrahé ditaleni ing gagang kang bunder utawa pesegi lan wujudé lemes.
Sapu duk
[besut | besut sumber]Sapu duk digawé saka serat wit kolang-kaling, warnané ireng lan rada kaku. Saliyané digawé sapu, duk uga bisa digawé kanggo rambut Barongan, sapu duk mumpangate kanggo résik-résik utawa nyapu ana ing jobin kang pléstèran utawa kramikan. Duk dipasang lan ditaleni ing gagang kang dawané samèter, wujud gagangé bunder utawa pasagi.
Sapu Sawang
[besut | besut sumber]Sapu sawang ya iku sapu kang digawé saka serat duk, kang gagange dawané rong mèteran. Mumpangaté kanggo résik-résik sawang (omah kéwan monggo) ana ing omah lan résik-résik kang, kaya regedan ing dhuwur payon lsp..
Serap
[besut | besut sumber]Serap iku piranti sing wujudé kaya sapu nanging lumrahé mawa gagang sing cendhek. Gunané kanggo resik-resik méja, kursi utawa ambèn, saka rereged, bledug utawa awu.