Putrajaya
Putrajaya | ||
---|---|---|
![]() | ||
| ||
Sesanti: Bandar raya Taman, Bandar raya Bestari (Inggris: Garden City, Intelligent City) | ||
![]() | ||
Nagara | Malaysia | |
Praja | Wewengkon Pasekutonan | |
Dibentuk | 19 Oktober 1995 | |
Dados Wewengkon Federal | 1 Fèbruari 2001 | |
Pamaréntahan | ||
• Diatur olèh | Perbadanan Putrajaya | |
• Chairman | Samsudin Osman | |
Laladan | ||
• Gunggung | 46 km2 (18 sq mi) | |
Cacah warga (2009 est.) | ||
• Gunggung | 65.000 | |
• Pepadhet | 1,400/km2 (3,700/sq mi) | |
Zona wektu | MST (UTC+8) | |
• Usum panas (DST) | Not observed (UTC) | |
Mean solar time | UTC+06:46:40 | |
Situs wèb | http://www.ppj.gov.my/ |
Putrajaya inggih punika punjering papréntahan administrasi Malaysia minangka gantosipun Kuala Lumpur.[1] Saderengipun dipunparingi nama Putrajaya, kutha punika gadhah nama Perang Besar.[2] Putrajaya dumunung ing 25 km sakiduling kutha Kuala Lumpur. Putrajaya gadhah wiyar 4,931 hèktar.[1] Kutha Putrajaya ugi caket saking Papan Anggegana Internasional Kuala Lumpur (KLIA) lan Sirkuit Sepang ing sisih kidul. Putrajaya dados punjering administrasi énggal ingkang netrepaken papréntahan elektronik (ngirangi pangginaan kertas ing papréntahan), lan badhé ngginakaken teknologi komunikasi ingkang langkung énggal (canggih). Putrajaya ugi dipunrancang dados kutha ijo lan netrepaken jaringan internet lan tèknologi multimedia.[2]
Putrajaya minangka kutha taman
[besut | besut sumber]Putrajaya dipunyasa kanthi konsèp kutha taman (taman kutha). Kutha punika dipunperang dados pinten-pinten paprincen, kinten-kinten 38% dipunyasa dados taman, tlaga lan ugi panggènan ingkang teles, dipunyasa kantor-kantor papréntahan, komersial, dipunyasa griya-griya, lan fasilitas umum. Ing kutha punika ugi dipundamel tlaga damelan ingkang wiyaripun 600 hèktar. Tlaga punika dados lambang Putrajaya lan ugi dados moderarator iklim. Sapunika tlaga punika asring dipun-ginakaken kanggé kagiyatan plesiran, nitih prahu, kano, lan sanèsipun.[1]
Kutha Pinter
[besut | besut sumber]Dumunung ing koridor multimedia, lan jumbuh kaliyan inisiatif pamaréntah ingkang ngembangaken e-Government, Putrajaya ugi dipunkembangaken minangka kutha pinter. Teknologi multimedia dipun-ginakaken kanggé maringaken fasilitas tumrap papréntahan administrasi, antara pamaréntah lan komunitas bisnis, sarta antawisipun pamaréntah lan sing ndunungi lokal lan masarakat umum.[1]
Visi Kutha Putrajaya
[besut | besut sumber]Putrajaya badhé dipundadosaken laladan administrasi fédheral ingkang makmur, ingkang kagayuh sadaya kabetahan sosial-ékonomi, rekreasi lan spiritualipun sing ndunungi Putrajaya, ugi kanggé para tiyang ingkang nyambutdamel lan tamu ingkang dhateng ing kutha Putrajaya.
Misi Kutha Putrajaya
[besut | besut sumber]Misi ingkang utami kutha Putrajaya inggih punika, ngatur lan nrembakakakeb kutha krajan administratif fédheral ingkang efektif lan efisien. Kutha punika badhé dipunatur kanthi saé, kanthi semangat lan ndadosaken Putrajaya ingkang sejahtera.[3]
Cathetan suku
[besut | besut sumber]- ↑ a b c d Background of Putrajaya Archived 2008-06-14 at the Wayback Machine. dipunundhuh tanggal 12 Fèbruari 2013)
- ↑ a b Putrajaya, The New Capital City dipunundhuh tanggal 12 Fèbruari 2013)
- ↑ Vision & Mission Archived 2008-06-14 at the Wayback Machine. dipunundhuh tanggal 12 Fèbruari 2013)