Pondhoh
![](http://upload.wikimedia.org/wikipedia/commons/thumb/d/d1/Palmito_de_pupunha_-_ABr_-_Valter_Campanato.jpg/250px-Palmito_de_pupunha_-_ABr_-_Valter_Campanato.jpg)
Pondhoh ya iku pérangan njero saka pucuk wit krambil (Cocos nucifera) kang isih empuk lan bisa dipangan. Ing sawatara papan uga diarani umbut, empol, empal, mondhoh lan pondho. Déné ing basa Inggris diarani palm heart, palmito, burglar's thigh, aristocrat's plantar, chonta, palm cabbage utawa swamp cabbage. Jinis palem-paleman liya uga bisa ngasilaké pondhoh kang bisa dipangan, kaya ta Palmito Juçara (Euterpe edulis), Açaí palm (Euterpe oleracea), sabal (Sabal spp.) lan pejibaye (Bactris gasipaes). Pondhoh ora bisa kajupuk kejaba kanthi matèni/ngrubuhake wite. Pondhoh bisa dipangan mentah/langsung, uga bisa diolah, upamané digulé.
Kanggo ngawekani susute cacah wit krambil manawa mung amarga diajab pondhohe, ana jinis palem liya kang banjur dibudidaya lan ditancur mligi kanggo dijupuk pondhohe, ya iku spésies Bactris gasipaes kang dikenal kanthi jeneng chontaduro (ing Ekuador), palmito (ing Costa Rica) lan peach palm (Basa Inggris). Tuwuhan iki bisa thukul anakan ing sakiwatengen tuwuhan babone (wujud dhapuran) sahengga bisa ngasilaké pondhoh tanpa matèni wite.