Garpu tala
![](http://upload.wikimedia.org/wikipedia/commons/thumb/7/78/Windowsill_tuning_fork.jpg/250px-Windowsill_tuning_fork.jpg)
Garpu tala ya iku piranti kang wujudé memper kaya garpu nanging duwé pérangan kang kaya untu cacahé mung 2.[1] Garpu tala duwé wangun kaya huruf "Y" kanggo munculakée getaran utawa gelombang swara,[1] lan garpu tala duwé résonansi.[1] Ing frekuènsi tinamtu. Nalika dithuthuké ing sawijiné barang garpu tala bakal nduwéni résonansi.[1] Garpu tala nduwéni getaran nalika ana ing salah sawijining frekuénsi.[1] Umpamané nadha a kanthi frekuénsi 440 Hertz.[1] Awit frekuènsi iki tetep, garpu tala lumrahé minangka nyocogaké (menala) piranti musik liyané.[1] Piranti musik iki kaya ta gitar lan piano.[1] Garpu tala bisa melar (memuai) nalika panas lan nyusut nalika kaanan hawa lagi adhem.[1] Nalika lagi nyusut utawa memuai frekuénsi kang diasilaké bakal owah.[1] Garpu tala kang duwé kualitas apik ora gampang nyusut apa déné melar.[1] Kanthi iki frekuénsi kang diasilaké bakal tetep standar.[1]
Garpu tala tinemu nalika taun 1711. Garpu tala tinemu karo musisi Inggris kang jenengé John Shore.[2]
Garpu tala dianggo amarga garpu tala bisa nggawé nadha kang murni.[2] Nadha kang diasilaké nduwéni vibrasi kang luwih kuwat, nadha iki kang dadi frekuénsi dhasar.[2] Kanggo nggawé nadha-nadha ing keyboard uga nggunakaké garpu tala.[2] Kanthi nggunakaké garpu tala nadha kang diasilaké bisa pas.[2] Garpu tala dadi piranti kanggo ngukur nadha siji lan sijiné nalika nggawé keyboard.[2]
Cathetan suku
[besut | besut sumber]
Artikel iki minangka artikel rintisan. Kowé bisa ngéwangi Wikipédia ngembangaké. |