Christopher Benjamin Rungkat
Christopher Benjamin Rungkat (kalairan Jakarta, 14 Januari 1990) inggih punika atlét ténis profèsional ingkang dados unggulan Indonésia.[1] Piyambakipun dados kawentar amargi taun 2018 nyumbang emas kagem Indonésia sasampunipun ngalahaken pasangan Thailand Luksika/Soncat wonten final dwi campuran cabang Ténis Asian Games 2018 wonten Aréna Ténis, Jakabaring, Palémbang, Sumatera Kidul. [2] Christopher namung gadhah wekdal 2 minggu kagem nyepakaken pasanggiring punika. Nanging amargi gladhen ingkang inténsif 2 minggu, piyambakipun saged nguwasai 60-70 persén lapangan. Didukung kecocokan antawisipun Christopher kaliyan Aldila ingkang gadhah kaprigelan ingkang mumpuni, piyambakipun luwih optimis ngadhepi pasanggiring kasebut. Christopher inggih boten susah anggenipun ngetrepaken stratégi wonten lapangan banjur angsal asil ingkang saged ngarumaken nama bangsa Indonésia. Kemenangan punika boten kadadosan tanpa dukungan saking kulawarga. Dukungan saking tiyang sepuh Christopher awujud mirsani pasanggiringipun saking wiwitan. Kemenangan punika uga angsal dukungan utawa aprésiasi saking Menpora Imam Nahrawi inggih punika 1 miliar setunggal pemain.
Christopher inggih naté nembus pesaing ténis grand slam wonten taun 2013 nanging kedhah ngalah amargi cedera.[2] Ananging cedera punika boten nyurutaken semangatipun kagem nggayuh kajuaraan ingkang luwih kathah wonten turnamèn salajengipun. Sedaya sampun dibuktikaken liwat pangaji ingkang dipunangsal Christopher wonten taun saklajengipun.
Usaha
[besut | besut sumber]Usaha ingkang dipunliwati kaliyan Christopher menika boten gampil. Sakderengipun wonten Asian Games, Pangaji Tènis Indonésia tasih kirang malah mandheg. Supados boten mandheg, piyambakipun nggelar turnamén taun 2015 saking yayasan ingkang sampun di adegaken. Turnamen Christopher Benjamin Rungkat Foundation punika dipun-gelar kagem petènis kategori junior, senior ugi veteran. Piyambakipun kedhah ngadhepi unggulan kelas donya ingkang luwih sae. Stratégi ingkang badhé diagem kedhah gantos saben pasanggiring supados angsal juwara. Saking turnamén punika, Christopher kepingin njangkau daerah ingkang dereng kasentuh turnamen kasebut. Miturut pamanggihipun Christopher, turnamèn punika dados panganan wajib ugi boten saged ditawar. Tambah kathah turnamèn ingkang ditumuti, generasi muda tambah semangat bersaing kaliyan ingkag luwih senior. Dados, kunci suksés ingkang dipunandharaken kaliyan Christopher inggih punika kedhah ulet, usaha tumut turnamèn kagem nambah pengalaman tandhing, kompak, ugi percados kaliyan pasanganipun menawi sampun tandhing wonten lapangan. Uga boten kathah pikiran, menawi sampun wonten lapangan ingkang dipunpenggalih namung setunggal, fokus. Fokus wonten pasanggiring.
Pangembangan
[besut | besut sumber]Christopher punika inggih gadhah yeyasan kagem atlét ténis supados saged ngrembakakaken kaprigelanipun ugi saged nyengkuyung Indonésia wonten kaca donya. Nasib tènis punika mesthi kalah kondhang kaliyan cabang olahraga ingkang lintunipun. Ananging, Christopher percados boten namung tènis kémawon ingkang kalah kondang, cabang olahraga lintunipun kajaba sepak bola kaliyan badminton inggih sami kirang peminatipun.
Amargi ténis tanah air punika tasih kirang kondhang malah mandheg boten ngrembaka, Christopher nggelar turnamén kagem ambangun generasi atlet muda tènis wonten Indonésia.Turnamén kasebut inggih punika Christopher Bénjamin Rungkat (CBR Master) ingkang dipun-gelar 16 ngantos 18 Fébruari 2018 wonten Mako Kopassus, Cijantung, Jakarta Wètan. Christopher kepingin sasampunipun nggelar turnamén kasebut wonten bibit-bibit unggul ingkang saged dados sesulih Indonésia wonten kejuaraan ténis dunia. Christopher ndukung sanget para generasi muda wonten babagan punika. Saking turnamèn kasebut, generasi muda digadhang-gadhang dados juara supados saged ngarumaken nama bangsa Indonésia. Turnamèn punika maringi 8 tikèt kagem dipunrebutaken kaliyan pemain tènis. 4 tikèt kagem juwara putra kaliyan putri ingkang gadhah yuswa 16 taun, saha 4 tikèt kagem juwara putra kaliyan putri ingkang ga dhah yuswa 14 taun. Boten namung yuswa 14 kaliyan 16 kémawon ingkang ditandhingaken. Kagem yuswa 10 kaliyan 12 taun, panitia bakal ngirim kelompok punika dhateng turnamèn ITF wonten dalam negri.
Pangaji
[besut | besut sumber]Petènis ingkang wonten campuran Belanda-Kamboja-Indonésia punika gadhah préstasi ingkang kathah.Punika pangaji ingkang sampun dipuncaosaken Christopher
saben taun :
- Medali Perunggu Ganda Putra, SÈA Games 2007
- Medali Pérak Beregu, SÈA Games 2007
- Medali Emas Ganda Junior, French Open 2008
- Medali Pérunggu Ganda Putra dan Beregu, SÈA Games 2009
- Medali Emas Tarakan Open International Men's Futures 2010
- Medali Emas Single, Ganda Putra, dan Beregu SÈA Games 2011
- Medali Pérak Ganda Campuran, SÈA Games 2011
- Medali Emas Single, Ganda Putra, dan Beregu Islamic Solidarity Games 2013
- Medali Pérak Beregu, SÈA Games 2015
- Medali Emas Single SÈA Games 2017
- Medali Pérak Ganda Campuran SÈA Games 2017
- Medali Emas Ganda Campuran Asian Games 2018