Bintang Yudha Dharma
![](http://upload.wikimedia.org/wikipedia/jv/thumb/5/54/Bintang_yudha_dharma_utama.gif/220px-Bintang_yudha_dharma_utama.gif)
Bintang Yudha Dharma (saking basa Sansekerta: yuddha ateges perang lan dharma ingkang ateges kukum, adil, bener) inggih punika salah satunggaling tandha kinurmatan ingkang dipunwedalaken déning angkatan senjata inggih punika Kapolri lan Tentara Nasional Indonésia kanthi sesarengan.
Bintang Yudha Dharma kapérang dados tigang kelas, inggih punika:[1]
- Bintang Yudha Dharma Utama
- Bintang Yudha Dharma Pratama
- Bintang Yudha Dharma Nararya[2]
Ingkang Nampi
[besut | besut sumber]Bintang Yudha Dharma punika dipunparingaken dhateng:
- Anggota Angkatan Bersenjata Republik Indonesia ingknag nyumbangaken jasa bhaktinipun kanthi langkung lan sampun liwat masa kuwajibanipun kanggé ngrembakakaken lan ngintegrasi wonten ing Angkatan Bersenjata.
- Karyawan sipil HANKAM ingkang wonten ing tugasipun pikantuk asiling karya ingkang saéstu dipunraosaken pitedahipun déning pamaréntah lan Nagara Kesatuan Republik Indonesia kanggé damel sampurna Angkatan Bersenjata Republik Indonesia.
- Warga nagara Indonésia ingkang sanès kalebet anggota Angkatan Bersenjata Republik Indonesia / Karyawan sipil HANKAM ingkang gadhah jasa ingkang ageng wonten ing babagan pembangunan Angkatan Bersenjata Republik Indonesia.
- Warga nagara asing ingkang gadhah jasa wonten ing babagan pembangunan Angkatan Bersenjata Republik Indonesia.
Wujudipun bintang
[besut | besut sumber]Bintang Yudha Dharma punika dipundamel saking logam kanthi wujud bintang segi gangsal ingkang ing pérangan sisih segi-seginipun gadhah wewayangan sinar geni lan pucukipun inggih wujud satunggaling bunderan alit (penthol) mutiara. Wonten ing sak nginggiling bintang mau wonten bintang segi gangsal ingkang pucuk-pucukipun seginipun mapan wonten ing tengah-tengahipun ing antawisipun segi-segi bintang ingkang wonten ujungipun penthol mutiara. Déné wonten ing sak tengahing bintang mau wonten satunggaling bunderan ingkang dipungambaraken déning satunggaling kapuk lan sak lir pari, ingkang saben kapuk lan pari punika kapérang saking wolung kembang kapuk lan pitulas klopak ron lan sekawan dasa gangsal iji pantun. Ing tengah-tengahipun ing antawisipun pantul lan kapuk dipungambaraken déning satunggaling cakra ingkang awujud roda kanthi grigi landhep cacahipu 8 iji. Saha wonten seratan Yudha Dharma ingkang dipungambaraken wonten ing salebeting bunderan.
Déné wernanipun bintang Yudha Dharma inggih punika kaandharaken kados makaten:
- Werna dhasaripun bunderan abrit saking email.
- Sedayanipun wernanipun pethak pérak .
- Gambar sak lir parinipun lan kapuk dipungambar wonten ing sanginggiling bunderan ingkang gadhah warna dhasar pethak email.
- Wernanipun lukisan cakra, seratan Yudha Dharma, sak lir kembang kapuk lan pantun inggih punika jene emas.
Lan ukuran saking bintang Yudha Dharma piyambak inggih kados makaten:
- Jari-jari bintang ngantos pucukipun penthol mutiara dawanipun 22,5 mm
- Pita saking bintang Yudha Dharma dipundamel saking ari kain sutera ingkang gadhah warni dhasar pethak pérak.
- Pita saking bintang Yudha Dharma Utama inggih punika pita kalung kanthi roset lan ukuran ambamipun inggih punika 35 mm lan 6 lajur ingkang gadhah ukuran wernanipun inggih kados makaten:
- Kalih lajur ageng ing pinggir gadhah ukuran 4 mm lan warninipun ijem.
- Kalih lajur alit ing tengah ukuranipun 1,5 mm lan wernanipun abrit.
- Kalih lajur alit ingkang wnten ing antawisipun lajur pinggir lan lajur tengah gadhah ukuran 1,5 mm lan wernanipun jene emas.
Pitanipun saking bintang Yudha Dharma Pratama inggih wujud pita kalung boten mawi roset kanthi gadhah amba 35 mm, saha gadhah gangsal lakur ingkang saben lajur gadhah ukuran lan warna kados makaten:
- Kalih lajur ingkang ageng wonten ing pinggir gadhah ukuran 4 mm lan wernanipun ijem
- Setunggal lajur alit ing tengah-tengah gadhah ukuran 1,5 mm lan wernanipun abrit
- Kalih lajur alit ingkang mapan ing antawisipun lajur pinggir lan lajur tengah gadhah ukuran 1,5 mm lan wernanipun jene.
Pitanipun saking bintang Yudha Dharma Nararya inggih wujud pita gantung kanthi gadhah amba 35 mm, lan dawanipun 55 mm saha gadhah sekawan lakur ingkang saben lajur gadhah ukuran lan warna kados makaten:
- Kalih lajur ingkang ageng wonten ing pinggir gadhah ukuran 4 mm lan wernanipun ijem
- Kalih lajur alit ingkang mapan ing antawisipun lajur pinggir lan lajur tengah gadhah ukuran 1,5 mm lan wernanipun jene.
Bintang Yudha Dharma Utama lan Bintang Yudha Dharma Pratama dipunsukani ugi Patra ingkang wujud lan kombinasi wernanipun sami kaliyan lintangipun ingkang gadhah ukuran 60 mm.
Cathetan suku
[besut | besut sumber]- ↑ BINTANG YUDHA DHARMA (dipunundhuh tanggal 5 Maret 2013)
- ↑ "PENGHARGAAN". Diarsip saka sing asli ing 2016-03-05. Dibukak ing 2013-03-05.