Summa Theologiae

Summa Theologiæ, Pérangan kaloro, ing pérangan kapisan. (salinan déning Peter Schöffer, 1471)

Summa Theologiae iku salah sawijining karya St. Thomas Aquinas sing gedhé dhéwé. Ing njeroning mahakarya iki, sang Santo njlèntrèhaké prinsip-prinsip filsafat sajeroning padhang téologi Kristen. Ing mangsa iku (jaman skolastik), filsafat dianggep ancilla theologiae utawa minangka peladi téologi. Èlmu filsafat dianggep srana kanggo njlèntrèhaké ajaran téologi lan kanggo njelasaké misteri-misteri Ilahi.