Sashimi

Sashimi (刺身, Sashimi^?) ya iku panganan Jepang wujud panganan asal sagara kanthi kaanan kang isih seger lan langsung dipangan nalika mentah bebarengan karo bumbu kaya déné kecap asin, parutan jaé, lan wasabi.

Sashimi

Sashimi iwak Hiramasa wutuh

Panganan saka sagara kaya seperti iwak, kerang, lan urang karang disuguhaké sajeroning wangun irisan cilik kang gampang dipangan, déné urang ukuran cilik ana kang mung dioncèki kulit lan dibuwang ndhasé waé.

Tsuma iku sebutan kanggo bahan panganan tambahan kang bisa wujud lobak kang dirajang dawa cilik-cilik, godhong awerna ijo kang diarani Oba (Aojizo), utawa suket sagara kaya wakame lan osakanori.

Sashimi uga ateges nikmati sajeroning kaanan mentah, wiwit saka cuilan mentah iwak jaran (Basashi), iwak pitik (Torisashi), ati pitik utawa ati sapi, nganti potongan konnyaku lan kembang tahu kang diarani yuba.

Ing tlatah Kansai, sashimi luwih dikenal kanthi sebutan O-tsukuri.

Sajarah

Ana panemu kang mratélakaké yèn pakulinan mangan cuilan iwak mentah tanpa dimangsak iku padha tuwané karo sajarah manungsa, nanging pakulinan iki bisa terus ana utawa ilang gumantung marang kaanan lingkungan papan uripé. Jepang minangka nagara kapuloan kanthi asil sagara seger kang bisa dinikmati sadawaning taun, saéngga kabiasaan nikmati panganan sagara seger tanpa dimangsak terus lumaku. Ana uga panemu kang ngandhakaké tembung Sashimi asal saka tembung Namashishi (生肉, Namashishi^? daging mentah) utawa Namasuki (生切, Namasuki^? cuilan seger).

Jinis-jinis sashimi

• Tsugatazukuri

Rajangan iwak loh ditata ing sadhuwuring piring, lan tatanane kawangun kaya iwak wutuh wiwit saka pérangan endhas nganti buntut. Sashimi jinis iki akèh-akèhé mung dinikmati ing acara istimewa.

• Ikezukuri

Tsugatazukuri iku iwak urip kang didadèkaké sashimi mung sawetara wektu saduruné dihidangaké.

• Tataki

Potongan iwak kang digarang kanggo sawetara wektu ing sakdhuwuring geni nganti katon mateng ing sisih njaba, seger ing sisih jero. Tataki iwak cakalang (Katsuo) dipangan nganggo saus Ponzu, parutan bawang putih lan irisan godhong bawang.

Pranala njaba

• Pengantar tentang sashimi
• (ing basa Jepang) Ilmu tentang Sashimi oleh Universitas Kinki Archived 2006-09-27 at the Wayback Machine.