Heike Kamerlingh Onnes
Heike Kamerlingh Onnes (lair ing Groningen, Nèderlan, 21 Sèptèmber 1853 – pati ing Leiden, Nèderlan, 21 Fèbruari 1926 ing umur 72 taun) inggih punika salah satunggaling fisikawan Walanda. Karier ilmiah Onnes dipuntelasaken saperlu njajahi tèhnik "pendinginan" lan "fenomena terkait".[1]
Taun-taun wiwitan
besutPiyambakipun minangka putra saking industriwan ingkang kapndhang ingkang saking bapakipun marisi "kecenderungan mekanis". Piyambakipun marisi studi prasarjana wonten ing babagan fisika lan matematika wonten ing Universitas Groningen, dalem asalipun. Sadèrèngipun miwiti karya sarjananipun wonten ing kutha punika ing taun 1873, piyambakiipun nelasaken 3 semester kaliyan fisikawan Robert Bunsen lan Gustav Kirchhoff wonten ing Heidelberg, Jerman. Wiwit wekdal punika piyambakipun sampun menangaken sapérangan bebungah kompetitif. Nalika taun 1879, piyambakipun pikantuk gelar dhoktor ing babagan fisika magna cum laude kaliyan Prof. R.A. Mees ing Groningen. Nalika taun 1878, piyambakipun dipunangkat minangka asistèn Johannes Bosscha, Guru Besar Fisika wonten ing Sekolah Politeknik Delft. Nalika taun 1881, piyambakipun nerbitaken sawijining karya, Algemene Theorie der Vloeistoffen (Téyori Umum Cairan), ingkang nedahaken hukum kaanan ing gegaytuan saged dipunandhapaken saking andharan tertimbang, dhedhasar sipat lan obahan molekul.[2]
Jabatan profesor
besutKamerlingh Onnes dipunangkat minangka guru besar wonten ing Universitas Leiden nalika taun 1882. Piyambakipun mandégani Pérangan Fisika Eksperimental dumugi taun 1923. Saking wiwitan, ancasipun inggih punika nglajengaken kawruh ilmiah kaliyan eksperimen ingkang ngatos-atos. “Door meten tot weten” (Saking ngukur dhateng ngèlmu) inggih punika mottonipun. Piyambakipun ndhirikaken sekolah misuwur kanggé damel piranti, ingkang badhé njamin pasokan perajin kagladhi ingkang cekap dhateng laboratoriumipun piyambak lan lembagan sanès ing Walanda sadangu pinten-pinten dasawarsa. Kamerlingh Onnes nerbitaken sapérangan ageng karyanipun wonten ing Verslagen, lajeng Proceedings, saking Akademi Sains dan Ilmiah Karajan Walanda (KNAW). Nanging, saking wiwitan masa kalungguhan profesoripun wonten ing Leiden, piyambakipun nerbitaken versi sadaya karya basa Inggrisipun wonten ing Komunikasi Laboratorium Fisika ing Universitas Leiden.[3]
Superkonduktivitas
besutKamerlingh Onnes ndhirikaken laboratorium kelas menengah, ingkang dipunjangkepi karya kriogenik ingkang kagayut ing liquifaksi gas. 42 taun ing universitas punika kaisi kaliyan penemuan-penemuan luar biyasa. Pencapaian puncakipun inggih punika liquifaksi helium taun 1908, ingkang mbikak babagan énggal fisika temperatur andhap lan ingkang mungkinaken manggihaken superkonduktivitas taun 1911. Nanging, skaing taun 1880-an dumugi 1908 Onnes lan kelompokipun ugi damel satudi meluas perilaku campuran fluida, topik ingkang kaliputi ing mriki.[4]
Penghargaan
besutKamerlingh Onnes kapilih dhateng Akademi Ilmiah Karajan Walanda ing awal taun 1883, sadéréngipun ambal warsanipun ingkang angka 30. Piyambakipun kapilih idhateng Masarakat Ilmiah dan Kemanusiaan Holland taun 1886. Piyambakipun pikantuk Penghargaan Nobel babagan Fisika taun 1913 ingkang sadéréngipun pikantuk Medali Matteucci (1910) lan Medali Rumford (1912).[5]
Cathetan suku
besut- ↑ http://www.nobelprize.org/nobel_prizes/physics/laureates/1913/onnes-bio.html
- ↑ http://www.nobelprize.org/nobel_prizes/physics/laureates/1913/
- ↑ http://www.nndb.com/people/521/000099224/
- ↑ http://www.britannica.com/EBchecked/topic/310587/Heike-Kamerlingh-Onnes
- ↑ "Archive copy". Diarsip saka sing asli ing 2009-06-16. Dibukak ing 2013-01-26.
{{cite web}}: CS1 maint: archived copy as title (link)