fyl.xous.

ni'o la fyl.xous. goi ko'a merko se tivni la'o gy. ABC television network gy. ba li 22 pi'e 9 pi'e 1987 pu li 23 pi'e 5 pi'e 1995 .i la'o gy. San Francisco gy. stuzi ko'a .i ko'a lisri lonu lo patfu cu se sidju lo zanrai pendo .e lo bruna be lo speni lonu kurji lo ci tixnu kei ba lonu lo spendi cu mrobi'o .i pasore da kinpau fu ko'a .ije bi de tivni citsi

lisri

ni'o lonu lo pafmamta cu zdani muvdu kei cu mulcabna lo mamta mrobi'o loka karce janli .i baku lo pafmamta za'ure'u cu zdani muvdu .ije la djo,is. .e la djesis. mulkla ca lo pamoi kinpau .i ca lo pamoi tivni citsi la danis. se jibri lonu datnynoi lo xadykelci'e .i ba lo pamoi citsi la danis. se jibri la'o gy. Wake Up San Francisco gy. poi tavla se tivni .ije la danis. kansa la rybekys. lo se tivni .i ba lonu la djesis. penmi la rybekys. kei pambi'o .i la djesis. spebi'o la rybekys. ca lo vomoi tivni citsi .i ca lo mumoi tivni citsi la rybekys. se jbena la nekis. .e la .aleks.

ni'o ca lo remoi tivni citsi la djo,is. joi la djesis. cfagau lo terkagni poi finti lo venynoi .i ba go'i ku la djo,is. se le'ipli fo lo verba se tivni poi cmene la'o gy. Ranger Joe gy. .i ku'i la djo,is. se le'iplisisti ba lonu na nelci lo cnino kansa .i la djesis. joi la djo,is. le'ipli fo lo cradi se jarco .i la dijeis. pamli'u la stiv. ca lo xamoi tivni cisti .i ku'i sisti lonu pamli'u kei ca lo zemoi tivni cisti