Sebm Wanda a di Ienshent Wol
![](http://upload.wikimedia.org/wikipedia/commons/thumb/b/b7/SevenWondersOfTheWorld.png/220px-SevenWondersOfTheWorld.png)
Di Sebm Wanda a di Wol ar di Sebm Wanda a di Ienshent Wol refa tu rimaakebl kanschrokshan a klasikal antikuiti[1] lis bai difrah-difrah aata ina gaidbuk papila mongx ienshent Elenik tuoris, potikiula demde ina di 1s ah 2n senchri BKE. Di muos praminent a dem, di voerjan bai Antipater a Sidon[2] ah wah abzoerva aidentifai az Filo a Baizantiom, kompraiz sebm wok lokiet rong di iistan Meditarienian rim. Di arijinal lis inspaya heni nomba a voerjan chuu di iejiz, muotaim dem a-lis sebm enchri. Outa di arijinal Sebm Wanda, onggl wan—di Griet Piramid a Giiza, di aulis a di ienshent wanda—rimien relitivli intak. Di Kalasos a Ruodz, di Laitous a Aligzanjria, di Mozoliom a Alikaanasos, di Templ a Aatimis ah di Statiu a Ziyos a Olimpia aal a dem eh-get dischrai. Di lokieshan ah oltimet fiet a di Engin Gyaadn anuon, wid spekiulieshan se dat deh maita kiah neh egzis ataal-ataal.