Tanganjika
Útlit
![](http://upload.wikimedia.org/wikipedia/commons/thumb/1/16/Flag_of_Tanganyika_%281961%E2%80%931964%29.svg/220px-Flag_of_Tanganyika_%281961%E2%80%931964%29.svg.png)
Tanganjika var ríki í Austur-Afríku innan Breska samveldisins, og hét í höfuðið á Tanganjikavatni sem myndaði vesturlandamæri þess. Það var hluti af nýlendunni Þýsku Austur-Afríku þar til Bretar lögðu hana undir sig í Fyrri heimsstyrjöldinni. Þeir stýrðu svo landinu þar til það fékk sjálfstæði 9. desember 1961. Árið 1964 sameinaðist það Sansibar í ríkinu Tansaníu. Nafnið Tansanía er myndað úr fyrstu stöfum nafnanna Tanganjika og Sansibar.
Fyrsti forseti ríkisins var Julius Nyerere frá árinu 1962-1964. Hann var forsætisráðherra frá 1961-1962 en þá var Elísabet 2. þjóðhöfðingi landsins.