Pokémon
![](http://upload.wikimedia.org/wikipedia/commons/thumb/2/2d/ANA_Boeing_747-481_%28JA8962%29_in_Pok%C3%A9mon_livery.jpg/220px-ANA_Boeing_747-481_%28JA8962%29_in_Pok%C3%A9mon_livery.jpg)
Pokémon (ポケットモンスター Poketto Monsutā), á íslensku oft skrifað Pókemon, er fyrirbæri skapað af Satoshi Tajiri árið 1995 sem tölvuleikjarisinn Nintendo hefur einkaumboð á. Frá því að það var upphaflega gefið út á Game Boy hefur Pokémon-fyrirbærið orðið næst velgengnasta tölvuleikjasería í heimi á eftir Maríó-seríunni.[1] Síðar hafa verið búnir til anime-þættir, manga-bækur, safnspil, leikföng, bækur og margt annað úpp úr Pokémon-seríunni.
Um Pokémona
[breyta | breyta frumkóða]Pokémonarnir sjálfir eru verur sem líkjast ýmsum raunverulegum dýrum. Upprunalegu Pokémonarnir voru 151 talsins en eru þeir núna 809. Í Pokémon-heiminum eru til pokéboltar sem eru holar kúlur sem hægt er að opna og kalla Pokémoninn þangað inn. Þeir eru síðan látnir berjast af mennskum pokémon-þjálfurum. Flestir Pokémonar geta þróast milli stiga líkt og mörg dýr (eins og lirfa verður að púpu sem verður svo að fiðrildi), en flestir þeirra geta þróast af einu stigi yfir á annað (t.d. Caterpie - Metapod - Butterfree) og breytast í útliti og fá nýja krafta á hverju stigi.
Tilvísanir
[breyta | breyta frumkóða]- ↑ Boyes, Emma (2007-01-10). „UK paper names top game franchises“. GameSpot. GameSpot UK. Sótt 26. febrúar 2007.