Duke-háskóli
![](http://upload.wikimedia.org/wikipedia/commons/thumb/3/31/Statue_of_James_B_Duke.jpg/220px-Statue_of_James_B_Duke.jpg)
Duke-háskóli (enska Duke University) er einkarekinn rannsóknarháskóli í Durham í Norður-Karólínu í Bandaríkjunum. Skólinn var stofnaður árið 1838 í bænum Trinity en var fluttur til Durham árið 1892. Tóbaksframleiðandinn James B. Duke stofnaði Duke-sjóðinn árið 1924 en af því tilefni var skipt um nafn á skólanum og var hann nefndur Duke-háskóli í minningu Washingtons Duke, föður James B. Duke.
Skólinn skiptist í tvo grunnnámsskóla og átta framhaldsnámsskóla. 37% grunnnema tilheyra minnihlutahópum en grunnnemar koma frá öllum 50 fylkjum Bandaríkjanna og 117 löndum víða um heim.[1] Árið 2007 taldi U.S. News & World Report að í grunnnámi væri Duke áttundi besti háskóli Bandaríkjanna.[2] Læknaskóli, lagaskóli og viðskiptaskóli Duke voru jafnframt meðal 11 bestu í Bandaríkjunum.[3]
Kennarar við skólann eru 2518. Grunnnemar eru á 7. þúsund eða framhaldsnemar eru tæplega 6000. Fjárfestingar skólans námu 4,5 milljörðum dollara árið 2006.
Einkunnarorð skólans eru Eruditio et religio eða „Þekking og trú“.
Myndagallerí
[breyta | breyta frumkóða]Neðanmálsgreinar
[breyta | breyta frumkóða]- ↑ Life At Duke: Duke Students Geymt 7 júní 2007 í Wayback Machine. Duke University Admissions. skoðuð 23. mars 2007.
- ↑ America's Best Colleges 2007. U.S. News & World Report, 2006. Skoðuð 12. janúar 2007.
- ↑ America's Best Graduate Schools 2007. U.S. News & World Report, 2006. Skoðuð 12. janúar 2007.
Tengill
[breyta | breyta frumkóða]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)