Síminn

Ert þú nýr deildarstjóri viðskiptastýringar hjá Símanum? Viðskiptastýring er samheldinn hópur sem ber ábyrgð á allri þjónustu, sölu og ráðgjöf til lítilla og meðalstórra fyrirtækja á Íslandi. Við lofum krefjandi og spennandi verkefnum í heimi fjarskipta og upplýsingatækni, frábærum starfsanda og einu besta mötuneyti landsins. Nánar hér 👉 https://lnkd.in/e_emrjMs

Nú stendur yfir auglýsingahlé Billboard en þá er list varpað á yfir 600 stafræna fleti Billboard í stað auglýsinga. Í ár er það listakonan Roni Horn, stórstjarna í heimi lista, sem skapar verk fyrir auglýsingahléið en reikna má með að yfir 80% íbúa höfuðborgarsvæðisins muni sjá verk hennar dagana 1. til 3. janúar. Auglýsingahlé Billboard er samstarfsverkefni Símans, Y gallerís og Listasafns Reykjavíkur.

Við sáum um að hita tónleikagesti IceGuys upp fyrir alla fimm tónleika sveitarinnar í Laugardagshöllinni um helgina! Yfir 24 þúsund manns á öllum aldri virtust skemmta sér frábærlega og við þökkum öllum fyrir komuna 🩵

Í dag varð Noona loks hluti af Símanum. Eitt öflugasta markaðstorg landsins varð þannig hluti af Símanum en verður áfram rekið sem sérstök eining og við erum afskaplega spennt fyrir framhaldinu. Noona og SalesCloud bjóða upp á frábæra þjónustu til fyrirtækja í landinu sem ótrúlegur fjöldi einstaklinga nýtir sér, og með Síminn Pay munum við geta boðið upp á nýtt og spennandi vöruframboð sem einfaldar rekstur fyrirtækja og eykur upplifun viðskiptavina þeirra öllum til hagsbóta. Velkomin í Síma-liðið Noona og SalesCloud 💙

Við erum stolt af því að vera tilnefnd í flokki bestu íslensku vörumerkjanna á einstaklingsmarkaði. Þetta er gott klapp á bakið fyrir Símann og allt okkar frábæra starfsfólk. Til hamingju öll sem eruð tilnefnd 👏

Við leitum eftir liðsauka í Víðnetsteymið okkar þar sem allt er á fleygiferð, verkefnin fjölbreytt enda hlutverkið skýrt, að auka öryggi fyrirtækja í landinu með fyrsta flokks fjarskiptum. Nánar á siminn.is 👇

Við leitum að kraftmiklum einstaklingi til að ganga til liðs við teymi fyrirtækjaráðgjafa. Starfið felur í sér sölu, þjónustu og ráðgjöf til minni og meðalstórra fyrirtækja í sterkum og samheldnum hópi sem saman nær árangri með viðskiptavinum sínum. Nánar á siminn.is 👇👇

Björgun, ráðstefna viðbragðsaðila fer nú fram í Hörpu en þar má sjá stærsta björgunarbíl landsins sem er sérsmíði Björgunarfélags Hornafjarðar. Bíllinn er sá fyrsti á landinu sem búinn er færanlegum farsímasendi, lausn sem þróuð er af starfsfólki Símans en með honum má stórbæta farsímasamband tímabundið ásamt því að með sérstökum búnaði er hægt að nýta gervitungl þegar allt annað þrýtur. Við erum afskaplega stolt að leggja Björgunarfélagi Hornafjarðar lið og nýta þekkingu okkar og búnað til að efla þeirra mikilvæga starf.

Við buðum meðlimum Vertonet og /sys/tur í heimsókn á dögunum og þökkum við kærlega öllum þeim sem litu við. Í heimsókninni fóru konur og kvár í tæknistörfum hjá Símanum frá helstu verkefnum, áskorunum og framtíð og í lokin var gott spjall enda alltaf gott og mikilvægt að efla tengslin. Takk fyrir okkur 💙

Tækni til góðs! Við mælum með Graphogame, lestrarleik sem hentar frábærlega til að kenna og þjálfa byrjendur í lestri en hann hentar fyrir öll börn, sérstaklega þau sem mögulega eiga í einhverjum lestrarvanda. Rannsóknir sýna að nemendur sem spila leikinn ná betri árangri í lestri og ánægjulegt er að þeir nemendur sem stóðu illa í upphafi bættu sig mest. Graphogame er ókeypis í App Store og Play Store en dótturfélag okkar Billboard stendur að baki útgáfu leiksins ásamt Tryggva Hjaltasyni. Prófanir fóru fram hjá 1. bekkingum í Kópavogi á síðasta skólaári og niðurstaðan var virkilega jákvæð, nemendur skemmtu sér á sama tíma og þeir stórbættu árangur sinn.