Windhoek
Windhoek | ||
![]() | ||
Aeral imajo pri Windhoek. | ||
![]() | ||
Blazono | ||
Lando: | ![]() | |
Informo:
| ||
Latitudo: | 22°34'12" S | |
Longitudo: | 17°05'01" E | |
Altitudo: | 1655 m | |
Surfaco: | 5 133 km² | |
Habitanti: | 325 858 (2011) | |
Denseso di habitantaro: | 62,8 hab./km² | |
Horala zono: | UTC+1 (UTC+2 dum la somero) | |
Urbestro: | Muezee Kazapua[1] | |
Mapo:
| ||
![]() | ||
Oficala retosituo:
| ||
www.windhoekcc.org.na |
![](http://upload.wikimedia.org/wikipedia/commons/thumb/8/86/Skyline_of_Windhoek.jpg/280px-Skyline_of_Windhoek.jpg)
Windhoek esas chef-urbo e maxim populoza urbo di Namibia. En 2011 ol havis 325 858 habitanti.[2] Lua nomo devenis de Nederlandana vorto signifikante 'ventoza kabo', pro la dominacanta sudestala venti.
Windhoek jacas an platajo Khomas, centre de la lando, en altitudo di 1655 metri super la marala nivelo. Ol esas la sociala, politikala, ekonomiala e kulturala centro di Namibia. Ol havas 3 universitati: l'Universitato di Namibia (University of Namibia - UNAM) e l'Universitato pri Cienci e Teknologii di Namibia (Namibia University of Science and Technology - NUST), ambe publika, e l'Internaciona Universitato pri Administrado (International University of Management, IUM), privata.
Geografio
[redaktar | redaktar fonto]![](http://upload.wikimedia.org/wikipedia/commons/thumb/7/71/Rainy_season_clouds_outskirt_of_Windhoek.jpg/280px-Rainy_season_clouds_outskirt_of_Windhoek.jpg)
La reliefo di Windhoek esas cirkondata da rokoza e montoza arei, qui desfaciligas konstruktado ed okupo. La sudo dil urbo ne posibligas l'expanso di industrii, pro la multa subtera jaceyi di aquo. Lua mezavalora altitudo esas 1655 metri.
La klimato dil urbo esas sunoza (l'urbo havas plu kam 300 sunoza dii omnayare e miarida (Bsh segun la klimatala klasifikuro da Köppen). La mezavalora temperaturo en julio (vintro) esas 13,1°C, kontre ke la mezavalora temperaturo en decembro (somero) esas 23,5°C. L'altitudo helpas moderar la temperaturi.
La pluvoza sezono iras de decembro til la duimo di aprilo. La mezavalora yarala pluvo-quanto esas 367,4 mm, e la maxim pluvoza monato esas februaro, kun mezavalore 80,3 mm.
Referi
[redaktar | redaktar fonto]![](http://upload.wikimedia.org/wikipedia/commons/thumb/1/14/Windhoek_ende_19_jahrhundert.jpg/280px-Windhoek_ende_19_jahrhundert.jpg)
- ↑ Windhoek elects new mayor - Dato di publikigo: 28ma di novembro 2012.
- ↑ Table 4.2.2 Urban population by Census years (2001 and 2011) - Publikigita da Namibia Statistics Agency. Pag.: 39 URL vidita ye 24ma di agosto 2016.