Variolo
Etoso
![](http://upload.wikimedia.org/wikipedia/commons/thumb/6/66/Child_with_Smallpox_Bangladesh.jpg/200px-Child_with_Smallpox_Bangladesh.jpg)
Variolo esis virusala infektiva morbo qua havis du varianti: Variola major e Variola minor. La lasta kazo diagnozita qua originis de naturala transmisado trovesis en oktobro 1977, ed en 1980 la Mondal Organizuro pri Saneso deklaris ke ca morbo extirpesis de la mondo.
La komencala simptomi de ca morbo esis febro e vomi. Pose, aparis ulceri en la boko ed erupti en la pelo. Pos kelka dii, l'erupti divenis saliaji kun liquidi. La saliaji pose krustizis e livis cikatri en la pelo. Variolo esis multe kontagioza, e lua hemoragioza formo produktis morti en multa kazi.
Angla mediko Edward Jenner developis la vacino kontre variolo en 1796.