Traktato di Lausanne
![](http://upload.wikimedia.org/wikipedia/commons/thumb/5/58/Turkey-Greece-Bulgaria_on_Treaty_of_Lausanne.png/301px-Turkey-Greece-Bulgaria_on_Treaty_of_Lausanne.png)
Traktato di Lausanne esas pacala traktato signatita en Lausanne, Suisia ye la 24ma di julio 1923. Ol oficale finis la milito-stando inter Turkia e Britanian imperio e lua federiti, Francia, rejio Italia, Japonian imperio, Grekia, Rumania, e la Rejio di Serbi, Kroati e Sloveni, pos finir l'unesma mondomilito, ed establisis la frontieri di moderna Turkia.[1] Ol rezultis de la duesma probo por paco pos la faliita traktato di Sèvres, qua signatesis da omna antea partopreninti, ma pose refuzesis da la nacionala movado Turka, qua kombatis kontre l'antea termi e kontre l'importanta perdajo di la teritorio di Anatolia
La Traktato di Lausanne finisis la konflikto e definis la moderna frontieri Turka ecepte lua frontiero kun Irak. En la traktato Turkia renuncis omna pretendi a la cetera Otoman imperio e, kompense, la federiti agnoskis Turka suvereneso en lua nova fronteri. L'anexo VIII dil kontrato grantis imuneso a ti qui praktikis militala krimini e krimini kontre civili inter 1914 e 1922, inkluzite la gentocidi kontre Armeniani, Asiriani e Greki.
Referi
[redaktar | redaktar fonto]- ↑ Treaty of Peace with Turkey signed at Lausanne - Dato di publikigo: 24ma di julio 1923. Loko di publikigo: Lausanne, Suisia.URL vidita ye 25ma di marto 2022.