Rikonquesto
![](http://upload.wikimedia.org/wikipedia/commons/thumb/3/31/La_Rendici%C3%B3n_de_Granada_-_Pradilla.jpg/250px-La_Rendici%C3%B3n_de_Granada_-_Pradilla.jpg)
Rikonquesto (Hispane reconquista) esas periodo en la historio di Iberia qua duris dum cirkume 770 yari. Dum ica periodo, mikra katolika rejii gradope komencis unionar su e vinkar Mohamedana kalifii, til ke li sucesis ekpulsar la Mohamedani de la peninsulo. La koncepto pri "rikonquesto" milde aparis dum la 9ma yarcento, e til la 20ma yarcento, la Hispana e Portugalana katolika historiografio emfazis l'existo di fenomeno konsistanta en ke kristana rejii de Iberia kombatis kontre e konquestis Mohamedana kalifii, konsiderita lia komuna enemiko, qua asiejis militale la teritorio kristana.[1] Tamen, komence la diferi inter mezepokala Katolika e Mohamedana rejii ne esis di klara opozo, ed ofte Katoliki e Mohamedani interkombatis.
La Rikonquest-epoko komencis aproxime en 722 kun la batalio di Covadonga - kande Asturiana trupi komandita dal rejulo Pelayo vinkis Umayyad-armeo komandita da kalifo Munza -, e finis en 1492 - kande la nomizita "katolika reji" (Fernando la 2ma di Aragon ed Isabel la 1ma di Kastilia) konquestis Granada, lasta Islamana rejio en Iberia.
Preiranti di la Rikonquesto
[redaktar | redaktar fonto]Pos ke la Mohamedani invadis la peninsulo en 711, pos la batalio di Guadalete kontre visigoti, nur la nordala parto dil peninsulo restis sub la kontrolo da kristani.
Referi
[redaktar | redaktar fonto]- ↑ O'Callaghan, Joseph F.:'Reconquest and Crusade in Medieval Spain' Publikigita da University of Pennsylvania Press. Loko di publikigo: Philadelphia, Usa. Dato di publikigo: 2003. URL vidita ye 15ma di februaro 2012.