Reda Kruco
![](http://upload.wikimedia.org/wikipedia/commons/thumb/b/b6/Croixrouge_logos.jpg/200px-Croixrouge_logos.jpg)
L' Internaciona Movado di la Reda Kruco e di la Reda Miluno (o Krecento) esas internaciona humanal organizuro fondita da Henri Dunant.
La primara impulso a fondo dil internaciona helpo-organizuro esis la shokiva experienci di Henry Dunant sur la bataliofeldo en Solferino en 1859. La precipua fondoyaro di la Reda Kruco esas 1863, kande Dunant kunvokis la unesma komitato ponderar, quale on povas sekurigar per internaciona kontrati la medicinala kuraco e la flego di la vunditi dum milito.
La organizuro di la Reda Kruco kreesis por protektar homala vivo e saneso, e por preventar e moderar homala sufreso, sen dicerno di raso, nacioneso, sexuo, religiala kredo, klaso o politikal opiniono.
Reda Kruco havas nun cirkum 97 milioni de membri en tota mondo. Nacionala Reda Kruci e Nacionala Reda Krecenti funcionas en preske omna landi. Nun 189 nacionala Reda Kruci o Reda Krecenti existas en tota mondo.
La movemento dil Internaciona Reda Kruco e Reda Miluno konsistas ek diversa nedependanta organizuri unionita en la movemento tra komuna bazala principi, simboli, skopi e statuti.
La parti di la Reda Kruco esas:
- Internaciona Komitato di la Reda Kruco (ICRC), fondita en 1876 kun sideyo en Genève, Suisia.
- Internaciona Federuro di Reda Kruci e Reda Miluni (IFRC), fondita en 1919 por koordinar la 190 nacionala Reda Kruci e Reda Miluni en tota mondo.
La komuna principi bazala di la Reda Kruco esas:
- humaneso, t.e. omna kunhomi esas traktita humane;
- equaleso, t.e. omna kunhomi esas equala;
- senpartisala, t.e. la politikala opinioni ne efektigas a la helpanti;
- nedependo, t.e. la agi decidesas e la helpo donesas segun la propra principi di la Reda Kruco;
- fakultativeso, t.e. omna helpanti esas volontarii;
- globaleso, t.e. la principi esas intersama en omna loko di la mondo nedepentante de religii, politiko e c.;
- uneso, t.e. en omna lando de la mondo esas nur un landala organizuro di la Reda Kruco (kun la lokala societi).