Pantanal
![](http://upload.wikimedia.org/wikipedia/commons/thumb/8/88/Pantanal_55.76W_15.40S.jpg/320px-Pantanal_55.76W_15.40S.jpg)
![](http://upload.wikimedia.org/wikipedia/commons/thumb/6/62/Pantanal%2C_Mato_Grosso%2C_Brasil.jpg/320px-Pantanal%2C_Mato_Grosso%2C_Brasil.jpg)
Pantanal esas ekosistemo* existanta en la regiono centro-westala di Brazilia, ma ank l'esto di Bolivia e la nordo di Paraguay - ube ol nomizesas chaco -, qua mixas vasta arei di stepo inundebla, kun kelk arbori de cerrado e de Amazoniana foresto. Pro la desfacileso di mezurar lua totala extenso, on kalkulas lua surfaco inter 210 e 250 mil km².
La regiono esas plana, e la riveri qui trairas ol fluas lente. Lua nomo venas de Portugalana vorti pântano ("marsho") e la sufixo al, signifikanta "abundo", "vasteso". Tamen, la regiono ne esas permananta marsho. Dum la pluvoza sezono, vasta arei subisas granda inundadi, kontre ke dum la sika sezono, la vejetantaro sikeskas ed ofte subisas granda incendii.
![](http://upload.wikimedia.org/wikipedia/commons/thumb/7/78/7840_Pantanal_capybaras_JF2.jpg/320px-7840_Pantanal_capybaras_JF2.jpg)
UNESCO judikas la regiono kom Naturala Patrimonio di la Biosfero*. Cirkume 463 speci di uceli, 141 speci di repteri ed amfibii e plu kam 256 speci di mamiferi habitas ibe, inter li kapibari (Hydrochoerus hydrochaeris), la maxim granda roderi de la mondo.