Netflix
![](http://upload.wikimedia.org/wikipedia/commons/thumb/0/08/Netflix_2015_logo.svg/220px-Netflix_2015_logo.svg.png)
Netflix esas Usana cirkumiro-firmo e film-produkterio kun chefa kontoro en Los Gatos, Kalifornia, Usa. Netflix fondesis en 1997 da Reed Hastings e Marc Randolph en Skots-Valo, Kalifornia. La chef-aktiveso di la firmo esas spekto-servo sur bazo di abono qua ofras flu-brodkasto de filmi e televizion-serii ek filmaro, inkluzite filmi produktita propra-firme.
Historio
[redaktar | redaktar fonto]Netflix fondesis en 1997 en Scotts Valley, Kalifornia, da Marc Randolph e Reed Hastings. Hastings havis l'ideo komencar la firmo, pos ke il kom puniso mustis pagar sumo de 40 dolari por tro tarde retrodonar la lokacita filmo Apollo 13. Ye la 14ma di aprilo 1998 l'interretala pagino di Netflix esis enlinea kun 38 employati e 925 lokacebla video-filmi. Quar yari pose la firmo havas merko che la la borso di teknologio NASDAQ.
Komence la firmo-modelo di Netflix fundesis sur la senfrista lugado de DVD-i qui sendesis per posto en distingebla reda quadrata kuverti. Tam balde kam on retrosendis la DVD, Netflix sendis la sequanta DVD de listo de rezervita filmi. La nombro de DVD-i quin ulu povis havar sama-tempe dependis del abono-sorto. Pro l'augmentanta penetro dil interret-aceso de alta kapaceso di transmiso, Netflix transiris a flu-brodkasto. En januaro 2019 la firmo anke inkluzesis en Motion Picture Association (MPA).