Libertalia
Libertatia o Libertalia esis legendala anarkiista kolonio fondita dum la te 17ma yarcento en Madagaskar da pirati duktita da Kapitano James Misson.
Libertalia esis libera kolonio forjita da pirati e la pirato Kapitano Misson, quankam ula historiisti expresis dubiti pri olua existo exter literaturo. La nomo Libertalia devenas de la Latina vorto Liberi qua signifikas "libera". L'ideo da Misson esis havar socio en qua homi di omna kolori, religii, e kredi esez libera de irga exameno.
Malgre ke l'existo di Libertatia kontestesas, la radikala idei quin ol reprezentis esis tre frequa en diversa eventi dil pirato-epoko. La pirati esis kontre la diversa formi de autoritatema sociala strukturi di lia epoko, monarkii, sklaveso, e kapitalo. La pirati praktikis formi de direta demokratio, ube la populo entote havis l'autoritato por krear legi e reguli, ed uzis sistemi de konsilistari kun delegiti, qui devis pensar pri su kom "kamaradi" di la generala populo, e ne kom regnanti. La pirati kreis nova linguo por sua kolonio ed operacis socialista ekonomio.
La moto dil pirat-utopio esis "por Deo e libereso," ed olua flago esis blanka, kontraste la Jolly Roger. Li esis anarkiisti, qui militis kontre stati e legifisti, atakis lia navi, indulgis kaptiti, e liberigis sklavi. Li nomizis su Liberi, e vivis sub komonala urbo-regno, sorto de laboristala korporaciono de pirateso.
Dum cirkumkrozar la litoro di Madagaskar, Misson trovis perfekta bayo en regiono kun fertila sulo, fresha aquo ed amikala indijeni. Hike la pirati konstruktis Libertalia, renuncis sua origini angla, franca, nederlandana od afrikana e nomizis su Liberi. Li kreis sua propra linguo, poliglota mixuro de afrikana lingui, kombinita kun la Franca, Angla, Nederlandana, Portugalana ed indijena Malagasi.
La generala konsento di moderna eruditeso esas ke Libertalia (o Libertatia) ne esis reala loko.