Jacques Cartier
Jacques Cartier | ||
![]() | ||
Profesiono: | navigisto ed exploristo | |
Lando: | ![]() | |
Naskodato: | 31 di decembro 1491 | |
Nasko-loko: | Saint-Malo, Bretonia | |
Mortodato: | 1 di septembro 1557 | |
Morto-loko: | mem urbo | |
Jacques Cartier (1491 til 1557) esis Franca navigisto ed exploristo. Il facis mapi di la nuna Gulfo di St Lawrence (France: golfe du Saint-Laurent), en nuna estal Kanada.
Il voyajis a Nord-Amerika en 1534. La voyajo esis komiso di la rejulo François la 1ma di Francia "por deskovrar ula insuli e landi ube, on dicas, granda quanto de oro ed altra precozaji esas trovenda". Ca komiso esis asignata ye la 19ma di marto 1534, kelka yari pos ke Bretonia, ube Cartier naskis, unionesis kun Francia.
Ye la 10ma di mayo 1534, duadek dii pos departo de Francia, il atingis Kabo Bonavista, ye la nordo di Nov-Lando. Il segliris alonge la norda e westa litori di la insulo; ca regiono esis ja konocata da Bretona peskisti.
Dum explorado di la Gulfo di St Lawrence, per du navi, il komercis kun la indijena populo di la loko: kun le Mikmak ye la Baie des Chaleurs (tale nomizita da Cartier); la komercajo esis furaji. Plu tarde dum la voyajo il renkontris grupo di le Iroquois. En septembro il retrovenis a Francia. Il pose voyajis du-foye a ca regiono di Nord-Amerika; la lasta voyajo esis sensucesa esforco pri koloniigo.
![](http://upload.wikimedia.org/wikipedia/commons/thumb/7/79/Cartier_First_Voyage_Map_1.png/340px-Cartier_First_Voyage_Map_1.png)