Himalaya
![](http://upload.wikimedia.org/wikipedia/commons/thumb/6/6a/Muktinath_Valley%2C_Flags%2C_Nepal.jpg/250px-Muktinath_Valley%2C_Flags%2C_Nepal.jpg)
Himalaya esas Aziana montaro. Lua nomo signifikas en Hindi-linguo hima = (nivo) ed laya = montaro). Ol jacas inter Nepal, Bhutan, Chinia (regiono Tibet), India e Pakistan.
Lua maxim alta monto esas Everest kun 8.850 metri di altitudo. En Himalaya jacas anke la monti K2, Annapurna, Cho Oyu, Dhaulagiri, Kangchenjunga, Lhotse, Makalu, Manaslu, Nanga Parbat e Xixiabangma, omna kun plua kam 8.000 metri di altitudo.
Importanta Aziana fluvii, exemple la Indus, Ganga-Brahmaputra e Yangcekiang naskas en Himalaya. La regiono anke havas centi di lagi.
Himalaya esas recenta montaro: ol komencis kreskar pos koliziono inter Aziana ed Indo-Australiana kontinentala plaki cirkume 70 milioni yari ante nun, dum Kretaceo. L'Indo-Australiana plako duras movar 67 milimetri omnayare. Kom rezulto, la monti di Himalaya kreskabas 5 mm omnayare.