Hilversum
Hilversum esas municipo ed urbo en Nederlando, en la provinco Nord-Holando.
Situita en la regiono Het Gooi, ol esas la maxim granda urbo en ta regiono. Ol cirkondesas da erikeyo, boski, prati, lagi, e mikra urbi. Hilversum esas parto di la Randstad, un ek la maxim granda urbana arei en Europa.
La municipo Hilversum havas 89.067 habitanti (februaro 2017) ed areo 46,19 km² (de quo 0,21 km² esas aquo). La habitantaro diminutegis en la 20ma yarcento, de 100.000 en 1958 til min kam 80.000 en 1999. La urbo nomizas su 'garden-urbo' pro la multa gardeni, e pro la relative granda nombro de "villa"-i, kom 'villa-vilajo'.
La urbo
[redaktar | redaktar fonto]
Hilversum esas 31 km sudeste de Amsterdam e 19 km norde de Utrecht.
La urbo ofte nomizesas "media-urbo" nam ol esas la precipua centro por radio- e televizion-brodkasto en Nederlando. Radio Nederland, audata mondvaste per kurtonda radio depos le 1920, anke havas chefkontoro hike.
Hilversum esas hemo di granda komplexo de radio- e televizion-registrageyi qui apartenas la nacionala brodkasto-kompanio NOS (Nederlandse Omroep Stichting), ultre la registrageyi e kontori di omna nederlandana publika brodkast-organizuri e multa komercala TV-produkto-kompanii. Rezulte, multa olda AM-radio-aparati en Europa havis Hilversum-poziciono ye sua sintonigo-skalo. La votado da Nederlando che la Eurovision-Kanson-Konkurso normale eventas en Hilversum.
Hilversum anke konocesas pro sua arkitekturale importanta urbodomo (Raadhuis Hilversum), desegnita da Willem Marinus Dudok e konstruktita en 1931.
Hilversum havas un publika biblioteko, du balno-baseni (Van Hellemond Sport e De Lieberg), plura sporto-hali e plura butiko-centri (quala Hilvertshof, De Gijsbrecht, Kerkelanden, Riebeeck Galerij e Seinhorst). En la regiono, la urbo-centro nomizesas "het dorp", quo signifikas "la vilajo".
La proxima Media Park esis la ceneyo en 2002 dil asasino di politikisto Pim Fortuyn; e ye januaro 29ma, 2015, trompiva fusil-atakanto postulis brodkasto-tempo che la chefkontoro di Nederlandse Omroep Stichting.
La Nederlands Instituut voor Beeld en Geluid (Nederlandana Instiuto por Imajo e Sono) situesas en Hilversum.