Cigno-lago
![](http://upload.wikimedia.org/wikipedia/commons/thumb/9/91/Swanlakedecor.jpg/220px-Swanlakedecor.jpg)
Cigno-lago esas baleto por qua la muziko kompozesas da Pyotr Ilyich Chaikovski.
La Bolshoy-teatro en Moskva pregis al 34 evanta Chaikovski kompozar muziko por la Cigno-lago. En 1875 Chaikovski entamis olua kompozo e pos kelka semani ol esis pronta.
Rezumo
[redaktar | redaktar fonto]En mezepokala kastelo princo Sigfrido festas sua 21ma aniversario. Sua matro anuncas ke il nun esas adulto e devas selektar fiancitino.
Depresite l'amiki sidas ensemble e subite vidas flugar esamo de cigni. Li decidas chasar la cigni. Kande li deskovras la cigni en lago lun-lumizita Sigfrido volas pafar la cigni, qui fugas a ruinajo apud la lago. Subite aparas muliero kun krono qua dicas esar princo Odeta e ke el e sua amiki esas sorcita: dum jorno eli chanjas a cigni. Sigfrido ed Odeta enamoreskas. Odeta promisas a Sigfrido venar a la balo tale ke il povas selektar el kom fiancitino.
Dum la balo diversa princini dansas por Sigfrido. Il havas nul intereseso por li. Subite sonas trompeto qua anuncas l'arivo di barono Di Redbarbo kun a sua brakio Odeta, o tale semblas. Sigfrido dansas kun el, pensante dansar kun Odeta. Esas trukajo, la barono esas la sorcisto qua sorcis Odeta e qua sorcis sua filiino Odila por aspektar same kam Odeta. La ver Odeta regardas de dop fenestro e vidis omno.
La princino konsolacesas che la lago da sua amiki kande Sigfrido adkuras. Il explikas omno, ma ilua trahizo ne povas rupar la sorceso. Li dronas su ipsa en la lago, dum ke la muziko sonigas la nesatisfacita dezirego.