California Highway Patrol
California Highway Patrol (CHP) esas statala policistaro dil usana stato Kalifornia.
La CHP havas patrolio-resortiso en omna stradi en Kalifornia ed anke konocesas kom la stato-polico. Ol anke havas resortiso en urbana stradi, e yurizesas exekutar policala procedi ibe.
La stato-guvernerio di Kalifornia originale establisis California Highway Patrol kom brancho dil Division of Motor Vehicles en la Department of Public Works, per lego signatita da Guvernisto C. C. Young ye 14 agosto 1929. Ol pose establisesis kom aparta fako per lego signatita da Guvernisto Earl Warren en 1947. La CHP gradope asumis plu multa responsi preter exekuto dil Statala Vehilo-Akto, e fine fuzesis kun la plu mikra Stato-Polico di Kalifornia en 1995. Ol nuntempe organizesas kom parto de la California State Transportation Agency (CALSTA).
![](http://upload.wikimedia.org/wikipedia/commons/thumb/d/db/Motorcycle_patrol_officer_along_San_Tomas_Expressway%2C_Santa_Clara%2C_California_-_20060224.png/260px-Motorcycle_patrol_officer_along_San_Tomas_Expressway%2C_Santa_Clara%2C_California_-_20060224.png)
Ultre sua patrolio-devi, la CHP anke provizas altra servi, inkluze protektar statal edifici (notinde la Stato-Parlamento di Kalifornia) e protektar stat-oficisti. La CHP anke laboras kun municipal e federal policistari, provizante helpo en inquesti, patrolio ed altra aktivesi policala.
CHP esas la maxim granda statala polico-agenterio en Usa, kun plu kam 10.700 employati, 7.500 ek qui esas policisti.
Responsi
[redaktar | redaktar fonto]La CHP responsas pri polical aktivesi sur omna stato-voyi en Kalifornia (inkluze omna "freeways" ed "expressways"), Usana Voyi, Interstata Voyi, ed omna publika stradi en omna komtio. Lokala polico o la lokala "sheriff" qua havas kontrato kun urbo precipue responsas pri inquestar ed exekutar trafiko-legi, ma irga policano dil CHP povas tamen exekutar irga stato-lego irganloke en la stato, malgre ke la precipua misiono dil agenterio relatas transporto. Pluse, CHP-ani agas kom usheri por la Supra Korto di Kalifornia e l'Apelo-Korto di Kalifornia, ultre provizar sekureso che edifici okupata da la Stato di Kalifornia.
CHP-policani exekutas la Vehilo-Kodexo di Kalifornia, persequas fuganti vidata sur stradi, ed asistas omna signifikant obstrukti ed acidenti en sua resortisi. Li patrolias en diversa vehili, inkluze Ford Crown Victoria Police Interceptor di 2011, Ford Police Interceptor Utility di 2014 e 2016, Dodge Charger di 2015, e rare on povas mem vidar policani en Chevrolet Tahoe di 2015. La chefa vehilo quan la CHP uzas por patroliar esas fakte la Dodge Charger di 2015. Policisti dil CHP uzas ula automobili de la frua 2000a yari quala la Ford Expedition.
CHP-ani responsas pri inquestar e desinkombrar automobil-acidenti, nekapabla vehili, eskombro, ed altra impedivi a la libera fluo di trafiko. Li esas ofte la unesma responderi ye la ceno di acidento, ed advokas ambulanci, pumpisti, remorko-vehili od employati di Caltrans. La CHP depozs raporti pri trafiko-kolizioni por stato-stradi ed altra arei. Ol respondas ed inquestas omna acidenti qui koncernas skol-autobusi en la stato. CHP anke havas esquadi por inquesto pri trafiko-kolizioni.