Biblioteko di Kongreso
![](http://upload.wikimedia.org/wikipedia/commons/thumb/4/41/US-LibraryOfCongress-Logo.svg/130px-US-LibraryOfCongress-Logo.svg.png)
La Biblioteko dil Kongreso di Usa (Angle: United States Library of Congress) situesas en Washington DC ed okupas tri edifici (Edifico Thomas Jefferson, Edifico John Adams ed Edifico James Madison). Ol esas un ek la maxim granda biblioteki del mondo, kun plu kam 138 milioni dokumenti.
La kolektajo di la Biblioteko di Kongreso inkluzas plu kam 30 milioni libri en 470 lingui, plu kam 61 milioni di manuskripti e la maxim granda kolektajo di rara e prizata libri, inkluzite un ek l'unika quar kopii dil Biblo da Johannes Gutenberg, e la klado di la Deklaro di Nedependo di Usa. Ultre, ol kontenas plu kam 1 milion edituri del guverno di Usa, 1 milion jurnali de diferanta parti dil mondo publikigita dum la lasta tri yarcenti, 500 000 cilindri di mikrofilmifi, 6 000 tituli di komiki, la maxim granda kolektajo di legala dokumenti, filmi, cirkume 5 milioni di mapi, particioni e plu kam 13,7 milioni di graburi e kopii di fotografuri. La maxim anciena dokumento esas petrala etajero de 2040 aK. Ol anke havas arto-verki, arkitekturala desegni e valoroza musikal instrumenti.