Anxio
![](http://upload.wikimedia.org/wikipedia/commons/thumb/8/83/Los_Angeles%2C_California._Lockheed_Employment._A_worried_applicant_waiting_to_be_interviewed_-_NARA_-_532210.jpg/320px-Los_Angeles%2C_California._Lockheed_Employment._A_worried_applicant_waiting_to_be_interviewed_-_NARA_-_532210.jpg)
Anxio o nequieteso esas emoco distingebla per desagreabla sento di interna agiteso, kelkafoye akompanata da nervoza konduto, rumino, doloro pektorala o stomakala, korta respirajo, acelero dil kordiala ritmo, edc. Anxio ne esas simila a pavoro, qua esas la respondo a nemediata minaco.[1] Anxio esas "anticipita respondo" a futura minaco,[1] reala od imaginala.
L'anxio esas sento di kompunciono e sucio ofte generaligata e desenfokigata de ula persono, kom superreakto ad ulo qua nur subjektale lu konsideras minaco,[2] exemple agorafobio, qua esas pavoro pri esar en aperta publika loki. Anxioza personi povas fugar de situi qui produktis anxieso en li dum pasinta epoki.[3] Kande la simptomi judikesas kom grava, on parolas pri anxioza perturbeso o fobio.
Diferi inter normala e patologiala anxio
[redaktar | redaktar fonto]La normala anxio esas respondo normala od adaptiva qua preparas la korpo por reaktar a subita bezono. La korpo produktas plusa adrenalino por acelerar la kordiala ritmo e la metabolio. Kande la skopo di la reakto atingesas, l'acelero diminutas e la korpo retroiras a normala stando. Kande l'anxio konsideresas patologiala, la persono developas fobii e kelkafoye fizikala morbi, kom superreakti ad ulo qua nur subjektale lu konsideras minaci,[2], e la persono perdas kapaceso pri laborar, exekutar normala aktivesi, o mantenar sociala kontakti kun personi. L'organismo komencas intoxikar su per dopamino e kelka organi del korpo (kordio, stomako, pelo) povas subisar l'efekti del intoxikeso.
Referi
[redaktar | redaktar fonto]- ↑ 1,0 1,1 Autoro: American Psychiatric Association. Diagnostic and Statistical Manual of Mental Disorders. Publikigita da American Psychiatric Publishing. Loko di publikigo: Arlington, VA. Dato di publikigo: 2013. Pagino/pagini: 189.
- ↑ 2,0 2,1 Autoro: Bouras N, Holt G. Psychiatric and Behavioral Disorders in Intellectual and Developmental Disabilities Publikigita da Cambridge University Press. Dato di publikigo: mayo 2013.
- ↑ Autoro: Barker P. Psychiatric and Mental Health Nursing: The Craft of Caring. Publikigita da Edward Arnold. Loko di publikigo: London. Dato di publikigo: Mayo 2013.