Charto dil Unionita Nacioni

La Charto dil Unionita Nacioni esas la fondo-deklaro dil Unionita Nacioni. La dokumento signatesis ye la 26ma di junio 1945 en San Francisko da 50 de 51 originala membro-stati dil Unionita Nacioni (Polonia, l'altra originala membro-stato, ne esis reprezentata ye la konfero ma signatis du monati pose). La charto venis en vigoro ye la 24ma di oktobro 1945, kande kin permananta membri di la Konsilistaro pri Sekureso - Chinia, Soviet-Uniono, Francia, Usa ed Unionita Rejio - e majoritato de la restanta 46 membro-stati ratifikis la charto.

Sur bazo di artiklo nro. 103 UN-Charto lo decidit en la Charto esas priora kam altra decidi en altra charti. Depos l'adjunto di sud-Sudan en 2011, 193 stati esas partio che la Charto (198 signatinta landi, de qui kelki ne plu existas).