Santo Domingo
Santo Domingo | |
---|---|
![]() Ti pannakailadawan ti Santo Domingo | |
Nagsasabtan: 18°28′35″N 69°53′36″W Nagsasabtan: 18°28′35″N 69°53′36″W | |
Pagilian | Republika a Dominikano |
Napundar | 1496 |
Kalawa | |
• Dagup | 1,302.20 km2 (502.78 sq mi) |
Kangato | 14 m (46 ft) |
Populasion (2021) | |
• Dagup | 1,128,678 |
• Densidad | 870/km2 (2,200/sq mi) |
Sona ti oras | UTC−04:00 |
Kodigo ti koreo | 10100 |
Kodigo ti lugar | 809, 829, 849 |
Website | adn |
Ti Santo Domingo (Panangibalikas nga Espaniol: [ˈsanto ðoˈmiŋɡo] a ti kayatna a sawen ket "Santo Domingo"), opisial a ti Santo Domingo de Guzmán, ket ti kapitolio ken kadakkelana siudad iti Republika a Dominikano ken ti kadakkelan a metropolitano a lugar iti Karibe babaen ti populasion.[1] Idi 2010, nabilang ti populasionna a kas 965,040,[2] ken immadu iti 2,908,607 idi nairaman ti kaarrubayanna a metropolitano a lugar.[3] Ti siudad ket ket agpada kadagiti pagbeddengan ti Distrito Nacional ("D.N.", "Nailian a Distrito"), nga isu met ket beddengan dagiti tallo a bangir babaen ti Probinsia ti Santo Domingo.
Pinundar babaen ni Bartholomew Columbus idi 1496, iti daya nga igid ti Karayan Ozama ken kalpasanna inyalis babaen ni Nicolás de Ovando idi 1502 iti laud nga igid ti karayan, ti siudad ti kaduogan nga agkankanayon a matagtagitao nga Europeano a pagtaengan iti Kaamerikaan, ken isu idi ti immuna a tugaw iti kolonial a turay ti Espaniol inti Baro a Lubong. Ti Santo Domingo ket ayan ti immuna nga unibersidad, katedral, kastilio, monasterio, ken pagsammakedan iti Baro a Lubong. Ti Sona Kolonial ti siudad ket nairangarang idi a kas maysa a Lugar a Tawid ti Lubong babaen ti UNESCO.[4][5] Tinawtawagan idi ti Santo Domingo iti Ciudad Trujillo (Panangibalikas nga Espaniol: [sjuˈðað tɾuˈxiʝo]), manipud idi 1936 aginggana idi 1961, manipud iti diktador ti Republika a Dominikano a ni Rafael Trujillo, a bukod a nanginagan ti kapitolio iti bagina. Kalpasan ti pannakaasasinadona, naisubli ti kasisigud pannakaikeddeng ti siudad.
Ti Santo Domingo ket isu ti sentro ti kultura, pinansia, politika, komersio ken industria ti Republika a Dominikano, ken dagiti kangrunaan nga industria ti pagilian ket mabirukan iti kaunegan ti siudad. Agserbi pay ti Santo Domingo a kas ti kangrunaan a puerto ti baybay iti pagilian. Ti pagsangladan ti siudad iti sabangan ti Karayan Ozama ket makalaon kadagiti kadakkelan a bapor, ken makatengngel ti puerto iti trapiko ti nadagsen a pasahero ken pangkargamento. Napudot dagiti temperatura iti amin a paset ti tawen, nga addaan kadagiti nalamlamiis a pul-oy iti panawen ti panaglalam-ek.
Dagiti nagibasaran
[urnosen | urnosen ti taudan]- ^ City Mayors: Local government in the Caribbean
- ^ IX Senso
- ^ "Expansión Urbana de las ciudades capitales de RD: 1988-2010" (iti Espaniol). Santo Domingo: Oficina Nacional de Estadística. 1 Mayo 2015. ISBN 978-9945-8984-3-9. Naiyarkibo manipud iti kasisigud idi 14 Hulio 2016. Naala idi 25 Enero 2016.
- ^ Colonial City of Santo Domingo – UNESCO World Heritage Centre
- ^ Comisiones Nacionales: UNESCO
Dagiti akinruar a silpo
[urnosen | urnosen ti taudan] Dagiti midia a mainaig iti Santo Domingo iti Wikimedia Commons
![](http://upload.wikimedia.org/wikipedia/commons/thumb/4/4c/Wikisource-logo.svg/38px-Wikisource-logo.svg.png)
Pakaammo ti panagbiahe idiay Santo Domingo manipud iti Wikivoyage (iti Ingles)
- https://www.one.gob.do/demograficas/proyecciones-de-poblacion Naiyarkibo 2021-02-26 iti Wayback Machine
- https://www.diariolibre.com/noticias/metro-recauda-rd-5-mm-y-monta-250-mil-pasajeros-todos-los-dias-FX7132430