Magreb
![](http://upload.wikimedia.org/wikipedia/commons/thumb/9/90/Maghreb_%28orthographic_projection%29.svg/300px-Maghreb_%28orthographic_projection%29.svg.png)
Ti Magreb ket kadawyan a maipalawag a kas ti wenno ti kaaduan a rehion ti akinlaud nga Amianan nga Aprika wenno Amianan a laud nga Aprika, iti laud ti Ehipto. Ti tradisional a panangipalawag ket kas ti rehion a mairaman ti Banbantay Atlas ken dagiti tanap ti aplaya ti Morocco, Arhelia, Tunisia, ken Libya, ken kanungpalan a nabaliwan, a naipangpangruna manipud iti pannakaporma idi 1989 ti Kappon ti Arabo a Magreb, babaen ti panangiraman ti Mauritania ken ti naisuppiatan a teritorio ti Akinlaud a Sahara (kaaduan a tinengtengngel babaen ti Morocco). Idi las-ud ti panawen ti Al-Andalus idiay Espania, dagiti Magrebis nga agtataeng idiay Magreb, ket ammo idi a kas dagiti "Moro";[1] dagiti lugar ti Muslim ti Espania kadagita a panawen ket kadawyan a mairaman kadagiti konteporaneo a panangipalawag ti Magreb—isu a ti panagusar ti 'Moro' wenno 'Dagiti Moro' tapno mangipalawag kadagiti agtataeng a Muslim iti Espania babaen dagiti Kristiano ken dadduma pay nga Akinlaud a tataudan.
Dagiti historikal a termino para iti rehion wenno dagiti nadumaduma a pasetna ket mairaman ti Mauretania, Numidia, Libya, ken ti Aprika iti klasiko a kinaugma. Ti termino a maghrib ket Arabiko para iti ‘laud’, manipud iti berbo a gharaba (غرب, ‘ti agluas, pumanaw’), Sensu stricto ti depinitibo a porma ti al-maghrib a naisangayan a mangibaga ti pagilian ti Morocco, ken naus-usar ditoy a mangibaga ti lugar a paglennekan ti init: iti laud.[2][3] Daytoy ket nangilasin ti akinlaud unay a terteritorio a natnag iti Islamiko a panagrukma iti maika-7 a siglo.[4]
Dagiti nagibasaran
[urnosen | urnosen ti taudan]- ^ "The Moors were simply Maghrebis, inhabitants of the maghreb, the western part of the Islamic world, that extends from Spain to Tunisia, and represents a homogeneous cultural entity", Titus Burckhardt, "Moorish culture in Spain". Suhail Academy. 1997, p.7
- ^ Alvarez, Lourdes María (2009). Abu Al-Ḥasan Al-Shushtarī. Paulist Press. p. 157. ISBN 978-0-8091-0582-3.
- ^ Peek, Philip M.; Yankah, Kwesi (2003-12-12). African Folklore: An Encyclopedia. Routledge. p. 442. ISBN 978-1-135-94873-3.
- ^ Elisee Reclus, Africa, edited by A. H. Keane, B. A., Vol. II, North-West Africa, Appleton and company, 1880, New York, p.95
Dagiti akinruar a silpo
[urnosen | urnosen ti taudan] Dagiti midia a mainaig iti Magreb iti Wikimedia Commons